Loma 10:12 - Amazwi Yakwe Leza 2013

¹² Pano pasi kasoozi pa Muyuda nu Mukulukuwa. Pano Leza wene Mwene wa antu onsi, nupya akapolelela antu yonsi yao akamulenga kuti ayazwe.

Loma 10:12 ပူးပေါင်းရင်းမြစ်များ

Masamu 145:18

Wene waya umupipi na yonsi akakuuta kunoli, yonsi akakuuta kunoli umusi mwisyente.

Masamu 86:5

We Yawe, wemo wewe musuma, nupya ukayelela uluse, wakwatisya nu luse kuli yonsi akakupepa.

Ezaya 55:6

Londini Yawe apa nsita ino angazanwa, mwamini lino ali mupipi.

Milimo 7:59

Alino yatwalilila kutama Sitivini na mawe. Ala akulenga Umwene ati, “Mwene Yesu, pokelela mupasi wane!”

Milimo 9:14

Wataiza kuno na maka kufuma kuli yasimapepo akalamba ukwiza lema yonsi akapepa mwi zina lyako.”

Loma 14:9

Pamulandu kwene uu Klistu wafwile nu kuzyukuka kufuma ku mfwa, kuti aye Mwene wa afwe na aumi.

Loma 15:12

Nupya kasema Ezaya akuti, “Umwi, cizikulula cakwe Yese aliiza. Wene aliiza mu kuteeka Akulukuwa, nga nao yalika upaalilo wao munoli.”

Loma 2:4

Nanti uzye ukasula kuvula kwa luse lwakwe Leza na vino akatutekela mwenzo? Uzye utamanyile vino Leza ali nu luse kunuli kuti akutungulule ku kuzenzuka?

Loma 3:22

Leza akacita antu kuya aololoke pa manso yakwe kupitila mu utailo wao muli Yesu Klistu. Leza akacita vivyo ku muntu wensi wataila muli Yesu Klistu, pano Leza ataya na kasoozi.

1 Kolinto 1:2

Kwi uvi lyakwe Leza ilili mu Kolinto, na kuli yonsi yano aamwa kuti yaye antu yakwe Leza amuzilo, ali akwakwe mu kutaila kwao muli Klistu Yesu, pali pamwi na antu yonsi konsikonsi yano akapepa Mwene witu Yesu Klistu, Mwene witu nupya wakwao.

1 Kolinto 15:47

Adamu wakutandika, wene waumvilwe kufuma kwi vu. Adamu wakwe cili wene wafumile kwiyulu.

2 Kolinto 8:9

Mwamanya cikuku ca Mwene witu Yesu Klistu. Nanti angala wali umukama, wene waicisile mupina kuti muye akama kupitila mu upina wakwe.

Galatiya 3:28

Caleka pasi upusano pakasi ka Ayuda na Akulukuwa, azya na antungwa, aonsi na anaci. Mwensi mwaya wenga pa kutaila kwinu muli Klistu Yesu.

Efeso 1:7

Pano Klistu wakomilwe pakuti wazi wakwe uye impolelwa yakutulenga kuya antungwa, cii cikusenula vino ndakai maifyo itu yelelwa. Klistu wacisile cii pamulandu wakuti Leza wali ni

Efeso 2:4

Lelo luse lwakwe Leza lwavulisya cuze, nga nu kutemwa kuno watutemwa nako ukukulu cuze,

Efeso 2:7

Wene wacisile cii kuti mu myaka ikwiza alange ukama wa cikuku cakwe uiyele uno waya mu kutemwa kuno watulanga muli Klistu Yesu.

Efeso 3:16

Nkalenga ukuti Leza, kulingana nu kucindama kwa ukama wa cikuku cakwe, amukomye na Mupasi wakwe kuti muye akomeleke mu myenzo.

Efeso 3:6

Nkama ii, iyakuti Ilandwe Lisuma lyapali Klistu lyalenga kuti Akulukuwa yakume ku malayo yano Leza walavile Ayuda. Nupya Leza wazumilizye Akulukuwa kuya vilundwa vya mwili onga.

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

Filipi 2:11

Vyonsi vilazumilizya paswe ukuti Yesu Klistu Umwene, alino vilalumbanya Leza Tata.

Filipi 4:19

Leza wane umukama cuze, nupya muli Klistu Yesu wene alamupeela vyonsi vino muulilwa.

Kolose 1:27

Ipange lyakwe Leza ilya kuumbula nkama kwene ii iyalulumbi ku antu yakwe. Nupya nkama ii iyakupeela ku antu onsi. Nkama iyakuti Klistu aikala munomuli, nupya wene ali upaalilo winu uwa kukuma ku lulumbi lwakwe Leza.

Kolose 3:11

Kusi upusano pa Akulukuwa nanti Ayuda, musilamulwe nanti asi musilamulwe, mututu, nkakasi, azya nanti antungwa. Lelo Klistu ali vyonsi, wene akaikala muli vyonsi.

1 Timoti 2:5

Pano kwaya Leza wenga sile, nga kwaya nu wakukundanya wenga sile pakasi kakwe Leza na antu. Muntu wiyo a Klistu Yesu.

Umbwilo 17:14

Yalalwisya Mwana wa Mfwele. Lelo Mwana wa Mfwele alayacimvya, pano ali Mwene wakwe yamwene, kateeka wakwe yakateeka. Nupya antu yakwe aamwa, asololwe na a utailo yalacimvya pamwi nawe.”

Umbwilo 19:16

Pa mwingila wakwe na pa lupamba lwakwe palemvilwe zina lino likati, “Kateeka wakwe yakateeka nu Mwene wakwe yamwene.”