Loma 1:9 - Amazwi Yakwe Leza 2013

⁹ Leza ali kambone wane, wino nkatumikila nu mwenzo wane onsi pa kukosola Ilandwe Lisuma lya Mwana wakwe. Leza amanyile vino nkamutaka manda onsi mu mapepo yane.

Loma 1:9 ပူးပေါင်းရင်းမြစ်များ

Yobo 16:19

Nga vino kuko ukupela akuno waya, we kambone wane. Akunuli kuko ukwiyulu we kavwangila wane.

Mako 1:1

Lii lili Landwe Lisuma lya pali Yesu Klistu Mwana wakwe Leza.

Luka 18:1

Lyene Yesu aumila alondezi yakwe mulumbe, kuti ayasambilizye vino yalinzile kupepa nsita zyonsi kwaula kunenuka.

Milimo 12:5

Caleka Petulo asungwa mu ng'anda yaminyololo, lelo iuvi lyamupepelanga kuli Leza nu mute.

Milimo 19:21

Pacisila cakwe vii, Paulo apanga kuti apite mu mpanga ya Makedoniya na Akaya nga aye ku Yelusalemu. Avwanga ati, “Ndi nafika kweneko, alino indi nu kuya ku Loma.”

Milimo 24:14

Lelo nkuzumila cii pa manso inu, ukuti nkapepa Leza wa vikolwe vitu pa kulondela inzila ilya ino yakati iyaufi. Lelo nataila na muli vyonsi ivyalembwa mu Masunde yakwe Mose, nu mu mpapulo zyakwe yakasema.

Milimo 27:23

Pano ilelo usiku mungeli wakwe Leza wino naya nawe nupya wino nkapepa wali wiza wanena ati,

Milimo 3:26

Caleka Leza wasolwile muomvi wakwe nu kumutuma kuli mwemwe nkolelo, ku kwiza mupolelela mu kulenga cila muntu afume ku misango yakwe iipe.”

Loma 9:1

Nene wakwe Klistu, nkuvwanga cumi, nupya nsikutumpoka. Na kampingu wane wino Mupasi Wamuzilo akatungulula ali kambone wane. Caleka nsikutumpoka apa kuvwanga ukuti,

2 Kolinto 1:23

Leza ali kambone uwamanya mwenzo wane vino pa kukana mucuzya acino ntizile ku Kolinto.

2 Kolinto 11:31

Leza Isi wa Mwene witu Yesu, alumbanyiwe manda pe. Nupya wene amanyile ukuti nsyakutumpoka!

Galatiya 1:20

Vino nkulemba ivya cumi. Leza amanyile vino nemo nsyakutumpoka!

Efeso 6:18

Mwacita vii vyonsi mu mapepo, ala mukuuzya Leza kuti amwazwe. Pepini lyonsi, ndi vino Mupasi Wamuzilo akumutungulula. Muye apempukile, nupya aula kunenuka. Nsita zyonsi mwapepela antu yakwe Leza onsi.

Filipi 1:3

Lyonsi lino nkaiusya mwemwe, nkataizya Leza wane.

Filipi 1:4

Lyonsi lino nkamupepela, nkapepa nu luzango

Filipi 2:22

Lelo mweisikulu mumanyile vino Timoti waya ni cumi, na vino wene nani twaombanga pamwi wa mwana ni si pamulandu wi Landwe Lisuma.

Filipi 3:3

Swemo tusi wakwe alio, pano twasilamulwa mucumi, tukapepa Leza kupitila mu maka yakwe Mupasi Wamuzilo nga nu kuitumika muli Klistu Yesu. Swemo tusyataila vino yakacita ku mili.

1 Tesalonika 1:2

Swemo tukatwalilila kutaizya Leza pamulandu winu mwensi nu kutaka Mwene lyonsi mu mapepo itu.

1 Tesalonika 3:10

Musanya nu usiku mu cumi tukapepa kuti tuce tulole mwemwe nu kumwazwilizya kukomya utailo winu kuluta.

1 Tesalonika 5:17

pepini nsita zyonsi,

1 Timoti 2:7

Acino wene wantumile kuya mutumwa nupya kasambilizya wa Akulukuwa, kuti nakosola ilandwe ilya kulenga antu yataile cumi. Nemo nsyakutumpoka. Lelo nkulanda cumi!

2 Timoti 1:3

Nkataizya Leza, wino nkatumikila nu mwenzo uswepe, wakwe vino vikolwe vyane vyacisile. Nemo nkataizya Leza lyonsi kwaula kwilila wewe lino nkupepa, usiku nu musanya.

Filimoni 1:4

Mwinane Filimoni lyonsi lino nkapepa nkakwiusya nu kutaizya Leza.

1 Samueli 12:23

Nemo ne Samueli, cipelele ukutali ukwifya Yawe pa kuposiwa ukupepela mwemwe. Namamusambilizyanga imiyele isuma nupya iyampomvu.