Loma 1:30 - Amazwi Yakwe Leza 2013

³⁰ yaya alunya, asoka Leza, a cilumba, a mataki, akayuvwa, yene yakalondelezya inzila zipya zyakucitilamo viipe, asyayela akwasi,

Loma 1:30 ပူးပေါင်းရင်းမြစ်များ

1 Yamwene 20:11

Aabu umwene waku Izlaeli nawe awezya amazwi ati, “Kamunenini Beni Hadadi muti, ‘Umusilika wampomvu akailumbilizya pacisila ca ulwi, asi lino ulwi utali usile.’ ”

2 Milandu 19:2

Kasema Yeu umwana wakwe Hanani nawe ala watafumila apanzi ku kumukomenkanya. Lino yakomenkana, nga kasema Yeu auzya umwene ati, “Uzye icisuma ukwazwilizya anisi yakwe Yawe? Apamulandu uu, umukosi wakwe Yawe uli nu kukuponela.

2 Milandu 25:19

We Amaziya, lyene ukuiwanzya ukuti watucimvya aina Edomu. Lelo nkukupanzya amano ukuti ulinzile ukwikala ukwako. Uzye pacani cino ukasi kukatusya intazi nu kuiletelela uzanzo, nga uletelele na antu yako kwene?”

Masamu 10:3

Umwipe akuituumika apa lunkumbwa lwakwe, Umupunuke akutuka nu kuzewanya Yawe.

Masamu 106:39

Yaikowezyanga aisikulu ku vicitwa vyao. Yacitanga ukakasi uku vicitwa vyao, ungati acizelele.

Masamu 49:6

Lelo antu yaa, yene yasumvile amano yao ukuvyama, yakuitanka sile apa ukama wao.

Masamu 5:5

Avilumba yasiimilila sika apa manso yako. Wapata wiyo wensi akacita iviipe.

Masamu 52:1

Icani cino ukuitutumwila pa uyi wako we cimuntu ca vilumba? Umusanya onsi ukaelenganya sile ivyaononyi. Umulomo wako wasongola wakwe coco.

Masamu 81:15

Antu yano yapata Yawe, yangiza yacimbe kunoli ulanda ulanda. Nu kuvunukwa kwao kungikalilila umuyayaya.

Masamu 94:4

Yene yakavwanga vyakuyuvwa nu kuitanka pa uyi wao?

Masamu 97:7

Yakapepa yatuluwi, insonyi kaziyaleme, yayo yonsi akaitanka apa vyaciwelewele. Alino mwe tuleza tonsi mufukamilini pansi.

Masamu 99:8

We Yawe Leza witu, wemo wasukanga antu yako, awewe wayalangililanga ukuti wewe uli Leza wino akaelela antu uluse.

Mapinda 24:8

Umuntu akapangila ukucita iviipe, yakamwama wakwe kalulete.

Mapinda 25:23

Ulwambo lwene lukalenga icipyu, icili conga kwene ndi vino umuza waku katutu ukaleta imvula.

Mapinda 30:17

Umuntu ali wensi wino akaseka isi nu kuzyuluka nyina umukote, ilinso lyakwe yamwankole ya kuluzi yalalitonkola, naya lyang'anda yakalilye.

Mapinda 8:36

Lelo wino wensi uwaposiwa ukunzana, wene ala wailetelela sile. Na wino wensi uwapata nene, ala wene watemwa imfwa.”

Kasambilizya 7:29

Vii avili vino nasambilile. Leza watuumvile swe antu aula ulema umwi. Lelo swe eneco tukailetelela ku misango itu iipe ivule.

Ezekelo 14:5

Ndacita cii pakuti imbwezye imyenzo ya ina Izlaeli, yayo yonsi yano yamfutatila nu kulondela utuluwi twao.’

Ezekelo 22:7

Mu musumba uu mutaya nanti wenga akacindika akwasi yakwe. Wemo ukacenjezya aenyi, nupya ukafyenga yamukamfwila na ana asyale.

Mpendwa 10:35

Lyonsi lino yatenuka ni Mbokosi ya Upangano, Mose wavwanganga ati, “Si ungala ukatuke we Yawe usaasye anisi yako, na wensi uwakusoka asimule kutaluka kunuli.”

Mateo 15:4

Pano Leza wakonkomizye ati, ‘Cindika so na nyoko. Wino wensi asicindika isi nanti nyina alinzile ukufwa.’

Mateo 16:21

Kufuma pa nsita kwene ilya nu kutwalilila, Yesu atandika kunena alondezi yakwe paswe ati, “Indi nu kuya ku Yelusalemu, kuno ndapelwa mu makasa ya ikolo ya Ayuda, yasimapepo akalamba na yakasambilizya ya Masunde, yano alancuzya cuze. Yalankoma, lelo pa wanda uwalenga yatatu ndazyukuka nu kuya nu umi.”

Luka 21:16

Akwasi inu, aina inu, akazi kinu na yacuza inu kwene, yalamukoopa, nga nu kukoma yamwi munomuli.

Yoane 7:7

Mwemo amu nsi yatangayamupate, lelo nemo yampata pano nkayanena vino vicitwa vyao iviipe.

Milimo 5:36

Mu nsita zyampiti Teudasi walolike, nu kuitaka vino wene wali mukulu. Alino antu manye myanda ini yamulondile. Lelo yamukomile na antu yonsi amulondile yasalangana, nga pazima.

Loma 2:17

Uzye wemo cili uli? Wemuno ukayaama wemwisikulu uti wewe Muyuda. Wemo wemelela ku Masunde nu kuilumba ukuti wewe wakwe Leza.

Loma 2:23

Wemo kuitumba pa kukwata Masunde yakwe Leza, lelo uzye usyaleta muzewanya kuli Leza pa kuntayela Masunde yakwe?

Loma 3:27

Uzye lyene tungailumba pacani? Pasi! Uzye lyene ale apamulandu cii? Uzye apamulandu wakuti tukayela Masunde? Awe! Lelo apamulandu wakuti twataila.

2 Kolinto 10:15

Swemo tusyaitumika pali vino yauze yacita, kwati limwi sweswe twacita vintu vivyo sweisikulu. Lelo tukupaalila ukuti utailo winu ungakulilako nga nu kuti swemo tulakwata maka akuomba mulimo ukulu cuze pakasi kinu, kulinga ni cipimo cino Leza wika.

2 Kolinto 12:20

Nkoopa kuti lino ndiza limwi ndazana kuti miyele inu ipusane na vino ningatemwa kuti iye, nupya nkoopa kuti limwi namwe kwene mulazana kuti miyele yane ipusane na vino mungatemwa kuti iye. Nkoopa kuti limwi ndazana kulemanila, uzuwa, cipyu, kuitemwa, musaalula, lwambo, cilumba, cimvulunganya muno muli.

Malango 27:16

“ ‘Katipwe kuli Leza wiyo wensi uwasuula isi nanti nyina.’ “Lyene antu yonsi yalande yati, ‘Ee mukwai! Kaciye vivyo kwene!’

Malango 7:10

Lelo atalasitoka ku kuvunuka yao amupata.

2 Tesalonika 2:4

Wene alaitumika nu kukatukila camuzilo consi nanti cino antu yakati leza. Wene alikala mu Ng'anda ikulu yakwe Leza nu kuitaka vino wene a Leza.

2 Timoti 3:2

Antu yalaitemwa, atemwisya impiya, yalaitumika, a cilumba, akanyati, yatalayela akwasi yao, yatalataizya, nupya yatalalonda vyauleza.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

Yakobo 3:5

Vivyo kwene avino cili nu ku lulimi kwene. Nanti angala ulunono, lwene lungaitumika pa vicitwa vikulu. Tala elenganyini vino mutengo ukulu ukapya nu moto lino wasontekwa na kambilimbili kanono.

Yakobo 4:16

Lelo ndakai muli ni cilumba nupya mukuitumika. Kuitumika kwa musango uu konsi ukuluvyanya.

2 Petulo 2:18

Yene yakavwanga mazwi ya cilumba nupya akutumpa. Mu mbunu zyao yene yakasomba antu yano afyuka sile pakasi ka antu aipe.

Yuda 1:16

Antu yaa, yakailizyanya lyonsi nu kutwika auze milandu. Yene yakalondela vya lunkumbwa vyao viipe. Yakaitutumula nga nu kucindika auze mwi syente kuti yazanilemo muzano.