Loma 1:1 - Amazwi Yakwe Leza 2013

¹ Kalata kufuma kuli Paulo, muomvi wakwe Klistu Yesu, mutumwa uwasolwa nu kwamwa na Leza ku kukosola Ilandwe Lisuma.

Loma 1:1 ပူးပေါင်းရင်းမြစ်များ

1 Milandu 23:13

Ana aonsi yakwe Amulamu yali a Aaloni na Mose. Aaloni pamwi na amu mupanda wakwe yayapaatwile kuti yaangalila ivintu vyamuzilo, na kuti yapeela impolelwa apa manso yakwe Yawe umuyayaya, nu kutumikila inkolelo yakwe Yawe nga nu kupolelela antu umwi zina lyakwe umuyayaya.

Ezaya 49:1

Uvwini kuno mwe antu mwemuno mwikala ukutali, mwe mitundu ya kutalitali. Yawe wansolwile lino ntali mvyalwe, wansonsile ukuya umuomvi wakwe.

Yelemiya 1:5

“Nakusolwile lino ntacili nkuumbe mu ndilwa yakwe mayo wako, Lino utali uvyalwe ala nakusonta mpiti, kuti uce uye kasema wa mitundu yonsi.”

Mako 1:14

Lino Yoane yamunyepa mu ng'anda yaminyololo, Yesu waile ku Galile ku kukosola Ilandwe Lisuma lyakwe Leza.

Yoane 12:26

Wino wensi akulonda kuntumikila alinzile kundondela, kuti kuno naya, nu muomvi wane kwene aye nani. Tata alacindamika wensi akantumikila

Yoane 15:15

Ntalamwama wa yaomvi nupya pano muomvi asimanya cino mwene wakwe akucita. Lelo nkamwama yacuza, pano nati munena vintu vyonsi vino nuvwile kuli Tata.

Yoane 15:20

Iusyini vino namunenyile inti, ‘Kusi muomvi alusile mwene wakwe.’ Ndi yanzunyizye, namwe kwene yalamuzunya. Ndi yayelanga mazwi yane, yalayela na mazwi inu kwene.

Milimo 13:9

Lyene Saulo, zina lyuze a Paulo, azuziwa na Mupasi Wamuzilo, alolekesya pa muntu wa malele amunena ati,

Milimo 20:24

Lelo ntasakamile pa umi wane, pano nkulonda sile kuti imale umulimo uno Mwene Yesu wampile ukucita, uwa kukosola Ilandwe Lisuma lya pamulandu wa cikuku cakwe Leza.

Milimo 21:40

Musika mukalamba amupeela ulusa. Caleka Paulo aimilila pa ciimbili ca ng'anda nga avwangila ku makasa anena antu kuti yamyalale. Lyene lino yamyalala, Paulo avwanga mu Ciyuda.

Milimo 22:21

Mwene anena ati, ‘Pitanga, Pano namakutuma kutali ku Akulukuwa.’”

Milimo 22:7

Alino mpona pansi, nuvwa izwi likuti kunondi, ‘Saulo, Saulo! Pacani ukunzunya?’

Milimo 26:1

Agilipa anena Paulo ati, “Uli nu lusa lwakuivwangila.” Paulo aololola ikasa lyakwe aitaasya umwisikulu ati,

Milimo 26:14

Swensi tupona pansi, alino nuvwa izwi mu Ciyebulai liti kunondi, ‘Saulo, Saulo! Pacani ukunzunya? Ala ukundwisya uwalanganyi.’

Milimo 27:23

Pano ilelo usiku mungeli wakwe Leza wino naya nawe nupya wino nkapepa wali wiza wanena ati,

Milimo 9:15

Mwene anena Ananiya ati, “Pitanga, pano nati musola kuya muomvi wane, kuti aleke imanyike ku Akulukuwa nu ku ene nga nu ku ina Izlaeli.

Loma 1:16

Pano nsi na nsonyi zya pi Landwe Lisuma, pano ali maka yakwe Leza akutuula wino wensi wataila, nkolelo ku Ayuda, nga nu ku Akulukuwa.

Loma 1:5

Kupitila muli Klistu amuno Leza wampeela isyuko lyakuya mutumwa pakuti ntungulule antu amu nko zyonsi kuti yataile nu kuyela Leza na kuti Klistu acindikwe.

Loma 1:9

Leza ali kambone wane, wino nkatumikila nu mwenzo wane onsi pa kukosola Ilandwe Lisuma lya Mwana wakwe. Leza amanyile vino nkamutaka manda onsi mu mapepo yane.

Loma 11:13

Nkuvwanga kunomuli ndakai mwe Akulukuwa. Nkuti vino nene mutumwa ku Akulukuwa namaikako mano nu kucindikisya mulimo wane.

Loma 15:16

lyakuya muomvi wakwe Yesu Klistu uwa kuombela Akulukuwa. Nkatumikila wakwe simapepo pa kukosola Ilandwe Lisuma kufuma kuli Leza, pakuti Akulukuwa yangaya wa mpolelwa iyapokelelwa kuli Leza, apalamikwa kunoli mu maka yakwe Mupasi Wamuzilo.

Loma 15:29

Lino ndiza kunomuli, manyile vino ndiza mu kuvulilwa kwa upolelelo wakwe Klistu.

Loma 16:18

Pano yao akacita vii yasyatumikila Klistu Mwene witu, lelo yakatumikila vilondwa vyao. Kupitila mu mazwi yao akusyenteka nga ni mvwango zyao zya kutasya mwi syente, yene yakasomba antu akaele yano atakuma ku vintu vii.

Loma 16:25

Ka twalumbanya Leza! Wene ali na maka yakumukomya mu utailo winu kulingana ni Landwe Lisuma lino nkakosola pamulandu wakwe Yesu Klistu nga nu kulingana nu kusokoloka kwa nkama ya cumi icali icifiswe kufuma ku mikulo yampiti na mpiti.

1 Kolinto 1:1

Kalata kufuma kuli ne Paulo, wino uwamwa ku kulonda kwakwe Leza kuti nje mutumwa wakwe Klistu Yesu, pamwi na Sositeni mwina witu.

1 Kolinto 9:1

Uzye nemo nsi muntu muntungwa? Uzye nemo nsi mutumwa? Uzye nemo ntalola Yesu Mwene witu? Uzye mwemo ntamutungulwile ku kukwata utailo mu Mwene Yesu?

2 Kolinto 1:1

Kalata kufuma kuli Paulo, mutumwa wakwe Klistu Yesu kupitila mu kulonda kwakwe Leza, pamwi na Timoti mwina witu. Kwi uvi lyakwe Leza lino lili mu Kolinto, nga nu ku antu yakwe Leza yonsi ali mu mpanga yonsi yamu Akaya.

2 Kolinto 11:5

Nkwelenganya vino nemo ntacepa pali wenga uwa mu atumwa yano mwemo mukati yacindamisya.

2 Kolinto 11:7

Nemo ntamulifizye cimwi lino nakosozile Ilandwe Lisuma lyakwe Leza kuno muli. Naicefizye nemwisikulu kuti muye akulu. Uzye ale naponzile pakucita cii?

2 Kolinto 12:11

Nacitanga vintu kwati nene mutumpe. Lelo mwemwe mwandenzile kucita vii, pano mwange mulande visuma vya pali nene. Pano nanti angala nemo nsi cimwi, lelo ntacepa kuluta pa atumwa inu yano mukati yacindamisya.

2 Kolinto 2:12

Lino nafisile mu Tuloa kuti nkosole Ilandwe Lisuma lya pamulandu wakwe Klistu, nazanyile vino Mwene wayula inzila kweneko.

2 Kolinto 4:5

Kukosola kwitu kusi kwa pali sweswe, lelo tukakosola Ilandwe ukuti Klistu u Mwene. Naswe sweswe yaomvi inu sile pamulandu wakwe Klistu Yesu.

Galatiya 1:1

Kalata kufuma kuli ne Paulo, wino kwamwa kwane kwa kuya mutumwa kutafuma ku muntu nanti kupitila mu muntu, Lelo kwafuma kuli Yesu Klistu, na Leza Tata, wino uwazyukwile Klistu kufuma ku afwe.

Efeso 1:1

Kalata kufuma kuli ne Paulo, ne muno nasolwa kuti nje mutumwa wakwe Klistu Yesu. Ku antu yakwe Leza yonsi yao akaikala mu Efeso nupya alondezi ataila muli Klistu.

Efeso 1:13

Yesu wamuletile cumi, cino cili Ilandwe Lisuma lya pamulandu wakwe vino mungatuulwa ndi mwataila. Caleka mwatamwa ni nsimbi yakwe Leza pa kumupeela Mupasi Wamuzilo wino walavile kunomuli kuti alange vino mwemwe yakwakwe.

Efeso 4:11

Wene uwapile mawila ku antu onsi. Wasolwile yamwi kuti yaye atumwa, yamwi kuti yaye akasema, yamwi akakosola, yamwi akacema nga na yamwi akasambilizya.

Malango 10:8

Pa nsita kwene iya Yawe wapaatwile amu mutundu wakwe Levi kuti yangaya yakasenda ya Mbokosi ya Upangano yakwe Yawe. Nu kuti yaimilila inkolelo yakwe Yawe nu kumutumikila, yala yakutaka upolelelo umwi zina lyakwe, wakwe vino yakacita na pilelo kwene.

Filipi 1:1

Kalata kufuma kuli ne Paulo na Timoti, swe aomvi yakwe Klistu Yesu. Twalembela antu yakwe Leza nupya yakwe Klistu, yano ali ku Filipi nga ni ntunguluzi pamwi na Yadikoni onsi amu mauvi inu.

Filipi 2:11

Vyonsi vilazumilizya paswe ukuti Yesu Klistu Umwene, alino vilalumbanya Leza Tata.

Kolose 1:1

Kalata kufuma kuli ne Paulo, mutumwa wakwe Klistu Yesu mukulonda kwakwe Leza. Tuli pamwi na Timoti mwina witu.

Kolose 1:25

Leza uwancita kuya muzya wi uvi, nupya uwampile mulimo uu pamulandu winu kuti mbombe nde nkosole izwi lyakwe.

1 Tesalonika 2:2

Mumanyile vino antu yatucuzizye nu kututuka mu musumba wa Filipi lino tutali twize kuno muli ku Tesalonika. Lelo Leza watukomelizye cuze kuti tukosole Ilandwe Lisuma kunomuli lya pali aliwe, nanti angala antu yatulwisizye cuze.

1 Tesalonika 2:8

Pamulandu wa kumutemwa kuno twamutemwa, swemo twaiteinye kumusakamala, cakuti twalondesyanga kupeela maumi itu kunomuli lilyo lino twakosozile Ilandwe Lisuma kunomuli. Mwemo mwali akundwe cuze kunotuli.

1 Tesalonika 2:9

Mwe ina itu akundwe, cumi kwene mukwiusya ntazi zitu lino twaombanga munomuli. Mukwiusya vino twaomvile musanya nu usiku kulonda vyakutwazwa kuti tutaya wa cisendo kunomuli, lino tukukosola Ilandwe Lisuma kunomuli lyakufuma kuli Leza.

1 Timoti 1:1

Kalata kufuma kuli ne Paulo, mutumwa wakwe Klistu Yesu, ne muno nasolwilwe na Leza, Katuula witu na Klistu Yesu wino tukapaalila.

1 Timoti 2:7

Acino wene wantumile kuya mutumwa nupya kasambilizya wa Akulukuwa, kuti nakosola ilandwe ilya kulenga antu yataile cumi. Nemo nsyakutumpoka. Lelo nkulanda cumi!

2 Timoti 1:11

Leza wansolola kuti inje kakosola, mutumwa na kasambilizya wi Landwe Lisuma.

Tito 1:1

Kalata kufuma kuli ne Paulo, muomvi wakwe Leza nupya mutumwa wakwe Yesu Klistu. Nasolwilwe nu kutumwa ku kwazwa antu yakwe Leza asololwe kuti njatungulule ku utailo, yamanye cumi cingayalanga vino yangatumikila Leza.

Ayebulai 5:4

Kusi umwi akaisolwela kupelwa mucinzi wa kuya Simapepo Mukulu. Suka sile waamwa na Leza, wakwe vino Aaloni wamilwe.

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.

Yakobo 1:1

Kalata kufuma kuli ne Yakobo, muomvi wakwe Leza nu wa Mwene Yesu Klistu. Nkulamuka antu yakwe Leza yonsi mitundu ikumi na ili asalangana konsi mu nsi.

1 Petulo 4:17

Insita yakutandika upinguzi yatifika nga antu yakwe Leza ayano yalatandika kupingulwa. Upinguzi wakwe Leza ndi watandika munotuli, uzye lyene mpelelekezyo ya upinguzi ilaya uli kuli yao asyayela Ilandwe Lisuma kufuma kuli Leza?

2 Petulo 1:1

Kalata kufuma kuli ne Simoni Petulo, muomvi nupya mutumwa wakwe Yesu Klistu. Kuli yao yano uwololoke wakwe Leza nupya Katuula witu Yesu Klistu walenga kuti yene pamwi naswe tupelwe utailo ucindame.

Yuda 1:1

Kalata kufuma kuli ne Yuda, muomvi wakwe Yesu Klistu, nupya umwina wakwe Yakobo, kuli yano aamwa, akundwe yakwe Leza Tata nupya acingililwa na Yesu Klistu.

Umbwilo 1:1

Mu lupapulo luu mwalembwa vicitwa vino Yesu Klistu waumbwile. Leza wamupile umbwilo pakuti alange aomvi yakwe vintu ivili nu kucitika zuwa. Klistu watumile mungeli wakwe ni landwe lya kuumbula kuli Yoane muomvi wakwe.

Umbwilo 22:6

Alino mungeli anena ati, “Mazwi yaa acumi nupya yalinzile kutailwa. Nu Mwene Leza, wino akapeela Mupasi wakwe kuli yakasema, wene watumile mungeli wakwe kuti alange aomvi yakwe vintu vino vyasya vicitike zuwa.”

Umbwilo 22:9

Lelo wene wanenyile ati, “Utacita cico! Nene muomvi muzo nupya mwina wako mu utailo wakwe yakasema nga na onsi yano akayela mazwi amu lupapulo luu. Uwapepa Leza!”