Kufuma 9:32 - Amazwi Yakwe Leza 2013

³² Lelo ingano zitononyilwe, pamulandu wakuti zisica zuwa.

Kufuma 9:32 ပူးပေါင်းရင်းမြစ်များ

2 Samueli 21:9

Lyene ayapeela ku ina Gibyoni, nga nayo yayanyonga pa mwamba ulya pa manso yakwe Yawe. Nga yonsi kwene cinimbali yafwa pali pamwi. Yonsi kwene yakomilwe pa mwela mu manda yakutandika ukuzombola imbezu zyakwe baale.

Kufuma 10:12

Lyene Yawe anena Mose ati, “Konzolola ikasa lyako usonte pa mpanga ya Eguputo kuti makanta awe. Makanta alalya cimelwa consi cino capuswike ku mvula ya mawe.”

Kufuma 10:22

Mose akatusya ikasa lyakwe mwi yulu, ni mfinzi iya mu Eguputo monsi pa manda yatatu.

Kufuma 10:5

Makanta alavula cuze nu kwandatila impanga yonsi ya Eguputo cakuti musili utalaloleka. Alalya vimelwa vyonsi vino vyasile ku mvula ya mawe, ni vimiti kwene ivyasile alatondola.

Kufuma 9:31

Fulakisi nga na baale, vyononwa pamulandu wakuti Baale ala waca na fulakisi nawe ala wafukula.

Kufuma 9:33

Lyene Mose afumako kuli Falao, afuma mu musumba, nga akatusya makasa yakwe apepa kuli Yawe. Kupangalansya, na mawe ya mvula, nga ni mvula vyonsi vita.

Ezaya 28:25

Umulimi wensi pano wapela, akati ndi wamala ukuteyanya umusili alino akomela imbezu izili wa usozi ni ntoyo. Uzye asita ni ngano mu ncende yakwezyo, baale nawe mu ncende yakwe, asuka atovya ni nkona umu mbali?

Ezekelo 4:9

“Ale lyene senda ingano na baale, cilemba ni landa, malezi nu usozi. Uviike umu mpakwilo yonga nu kuipangila umukate. Ulinzile ukulya cakulya cico umu manda imyanda itatu na makumi fundimbali, akulala kwako muli kambazo.