Kufuma 9:23 - Amazwi Yakwe Leza 2013

²³ Caleka Mose akonzolola ikasa lyakwe asonta intuwa yakwe mwi yulu, na Yawe alenga kuti kuye kupangalansya, ni mvula ya mawe, nga ni nkuwa iyapona pa musili. Yawe alenga kuti mu mpanga ya Eguputo muye

Kufuma 9:23 ပူးပေါင်းရင်းမြစ်များ

Utandiko 19:24

Yawe aponya makala ya moto wakwe pali Sodoma na Gomola.

Yobo 37:13

Cino Leza waletela amakumbi ni mvula pano nsi, limwi apakuti avunuke antu pano nsi, nanti limwi apakuti ayapeele ivintu ivisuma.

Masamu 147:17

Akatonyezezya imvula ya mawe, ungati ulukusi wa mukate. Fwandi aweni angazizimizya impepo yakwe?

Masamu 148:8

mwe nkuwa ni mvula yamawe, mwe cuma na mwe kungwi, na mwe cipunga mwe muno mukayela ilamulo lyakwe.

Masamu 18:13

Yawe wapangalansya ukufuma umwiyulu. Izwi lyakwe Leza Wapapelapela ilyuvwika ukufuma mwenemo.

Masamu 29:3

Izwi lyakwe Yawe likuvwika pali yayemba. Leza wa lulumbi, umucindami akupangalansya, Yawe akuuvwika wa kupanta kwa mvula pali yemba mukulu.

Masamu 77:18

Inkuwa iyapangalakansya, alino nu kumyantula kwakweyo nako ikwakozya pano nsi, cakuti iyazakaza nu kutenta, iyatenta.

Kufuma 19:16

Katondo pa wanda uwalenga yatatu kwali kupangalansya nu kumyansya, nga ni kumbi linyome pa mwamba. Kulila kukulu cuze kwa ntandala kuvwika. Antu yonsi pa nsakwe yazakaza ku ntete.

Kufuma 20:18

Lino antu yonsi yuvwa kupangalansya, nu kulila kwa ntandala, yalola kumyansya kwa nkuwa ni cunsi pa mwamba, yazakaza ku ntete, yimilila kutali.

Kufuma 9:18

Acino mutondo pa nsita ndi ikwene ndalenga kuti kuye imvula ya mawe ikulu cuze, ino itatala yatonya mwi landwe lya mpanga ya Eguputo.

Kufuma 9:24

imvula ya mawe ikulu cuze, nga nu kumyansya lililili. Amawe ya mvula yali akuvwisya intete cakuti mwi landwe lya mpanga ya Eguputo yatatazile yapone mu musango ndi uu.

Ezaya 30:30

Yawe amaleka antu yonsi yuvwe izwi lyakwe lya lulumbi, amaleka yuvwe na pano icipyu cakwe capelela. Kumaya icimbilimbili ca moto, ukupangalansya, imvula ya mawe nga nu kumyansya kwa mvula ya mawe.

Ezekelo 38:22

Ndamupezya uku mpungo. Nupya ndaleka ukuti kukaye uwanisi uwa kuzwisyanya uwazi. Umweneco kwene Gogi, pamwi ni vita vyakwe, na antu ya mitundi iingi yano yalaya nawe, yonsi ndayatumila icifutika ni mvula ya mawe, nu munyeswa nga na yamunyela ya moto.

Yoswa 10:11

Lino aina Amoli yakuutuka aina Izlaeli mu museo ukufuma ku Beti Holoni ukutentemukila ku Azeka, Yawe ayaponyezya imvula ya mawe, nga yao afwile ku mvula ya mawe yavuzile ukuluta yao akomilwe na ina Izlaeli.

Umbwilo 16:18

Lyene kwali kumyansya kwa nkuwa, ciunda nu kupangalansya, nga ni cilundumusi cakofya. Kutatala kuya cilundumusi ca musango uu kufuma lino umuntu waumvilwe. Cene cili cipisye kuluta vyonsi!

Umbwilo 16:21

Vitalawe vikulu cuze, ivinyome kulingana na makilo makumi yasano, navyo vifuma mwiyulu nu kuponela pa antu. Antu yaa yavwanzile mazwi ya miponto kuli Leza pamulandu wakuti cilumbelo cii cali cakofya cuze.

Umbwilo 8:7

Mungeli wakwe conga alizya ntandala yakwe. Alino kwiza imvula ya citalawe nu moto uminkana nu wazi, ipongoloka pano pansi. Lyene ciputulwa conga mu viputulwa vitatu vya nsi cipya, ni ciputulwa conga mu viputulwa vitatu vya miti, nga na mafwa ni sote lisi vyonsi vipya.