Kufuma 9:14 - Amazwi Yakwe Leza 2013

¹⁴ Insita ii ntalavunuka sile yacilolo yako na antu yako lelo nawe kwene ndakuvunuka, pakuti umanye ukuti kusi umwi uwakolana nani mu nsi yonsi.

Kufuma 9:14 ပူးပေါင်းရင်းမြစ်များ

2 Samueli 7:22

Si lola vino wacindamisya, we Yawe Simwandalali! Kusi umuntu nanti wenga angaya wakwe wewe. Nupya kutaya Leza muze suka sile wewe.

1 Yamwene 8:38

wemo uwauvwa amapepo yao nu kuyazwa. Ndi cakuti umuntu wako umwi umwina Izlaeli wazenzuka nu mwenzo wakwe onsi, icakuti pakupepa wakatusya amakasa yakwe umupela, walozya uku Ng'anda ikulu ii,

1 Milandu 17:20

We Yawe, kusi umuntu nanti wenga angaya wakwe wewe, nupya kutaya Leza muze suka sile wewe wenga mpo.

Masamu 86:8

Kutaya Leza uwaya wakwe wewe, we Yawe. Kutatala kuloleke nanti wenga uwacita wakwe vino wacita.

Kufuma 15:11

“We Yawe, uzye aweni muli tuleza angaya wakwe wewe? Kusi umwi munoyali angakolana nawe. Kusi umwi uwakwata maka avule cuze ukuluta wewe. Antu yonsi yakakoopa nupya yakakulumbanya pano kusi umwi angacita vizungusyo ivikulu wakwe wewe.

Kufuma 8:10

Falao nawe aasuka ati, “Uce umpepelele mutondo.” Mose aasuka ati, “Ndacita wakwe vino walenga, alino lyene ulamanya ukuti kusi Leza muze ali wakwe Yawe, Leza witu.

Kufuma 8:6

Caleka Aaloni atoola intuwa akonzolola ikasa lyakwe pa manzi yonsi, na yacula iyafuma nga yalimba impanga yonsi ya Eguputo.

Kufuma 9:15

Ndi cakuti naomvizye maka yane akuponya impungo pali wewe na antu yako, ngani namonona mwensi.

Ezaya 45:5

Nene indi Yawe, nupya kutaya namuze, kutaya Leza muze suka sile nene nenga. Namakupeela amaka yano ungalonda, nanti angala wemo utamanyile.

Ezaya 46:9

Mwaiusya ivintu vino vyacitike mpiti. Ali kuti mwasininkizya ukuti nene indi Leza, nene nenga mpo, nupya kutaya namuze uwalingana nani.

Yelemiya 10:6

We Yawe, ala kutaya uwakolana nawe. Wemo wewe mukulu, nga ni zina lyako ilikulu nupya ilyamaka wakwe cimwi.

Yelemiya 10:7

Wewe uli Mwene wa mitundu yonsi. Aweni fwandi atange akoope? Caticikulinga kuti yonsi yakucindika. Pano kusi nanti wenga uwaya wakwe wewe, pa antu yamano yonsi amu mitundu yonsi nanti pakasi kakwe yamwene yao.

Yelemiya 19:8

Nupya namaonona umusumba uo cakuti yonsi yano yamapitanga mwenemo yaoopa nu kuzunguka kuli vyonsi vino vimacitika mwenemo.

Danieli 5:21

Yamufumizye pakasi ka antu, nga aelenganya wa nyama. Wikalanga pamwi na yacoolwa, nu kulya isote wa ng'ombe, nga nu kulala apa swe ukwaula cimwi cakucingilila umwili ku lumi. Umu kusyalikizya asuka azumila ukuti Leza Wapapelapela aliwe waya na maka apa mawene ya antu yonsi nupya angapeela uwene ku muntu ali wensi wino akasi.

Aina Levi 26:18

“Nanti pacisila cakwe vii vyonsi, ndi mutakunjela, ndungilizya uvunuko winu maila cinimbali pamulandu wa kuntayela kwinu.

Aina Levi 26:21

“Ndi mwatwalilila kunkana nupya mwakana ukunjela, ndungilizya nupya uvunuko winu maila cinimbali.

Aina Levi 26:28

lyene mu ukali wane ndamwalukila nu kumuvunuka cuze maila cinimbali ukuluta kuvunuka kwankolelo.

Mika 6:13

Caleka natintandika ukonona mwemwe, ukutanganya mwemwe pamulandu wa maifyo inu.

Malango 3:24

‘Yawe Simwandalali, namanya ukuti watandika ukulangilila ne muomvi wako ivintu vimwi ivikulu nupya ivyakuzunguka vino wemo uli nu kucita. Kutaya Leza nanti aumwi umwiyulu nanti pano nsi angacita ivyakuzunguka wakwe vino ukacita.

Malango 4:35

Yawe wamulanzile ivintu vii vyonsi pakuti mumanye ukuti wene ali Leza wenga mpo nu kuti kutaya namuze foo.

Umbwilo 18:8

Pamulandu wakwe cii, vilumbelo, ndwala, ndosya, ni cipowe vilamuponela pa wanda onga. Nga yalamoca ku moto, pano Mwene Leza akumupingula, Leza uwa maka.”

Umbwilo 22:18

Ne Yoane nkusoka umuntu wensi wino akuuvwa mazwi ya usemo uwamu lupapulo luu. Muntu umwi ndi ungilizya cintu cimwi ku mazwi yaa, Leza nawe alungilizya ku uvunuko wakwe vilumbelo ivya landwa mu lupapulo luu.

1 Samueli 4:8

Kalanda kunotuli! Uzye aweni amatutuula ku maka yakwe leza wi uwa maka? Wikwene ali leza wino wakomile aina Eguputo ku vilumbelo ivipusanepusane umu lwanga.