Kufuma 8:8 - Amazwi Yakwe Leza 2013

⁸ Lyene Falao atuma akuya ama Mose na Aloni, ayanena ati, “Pepini kuli Yawe kuti asisye yacula, alino nani namaleka antu inu kuti yapite, pakuti yakapele impolelwa kuli Yawe.”

Kufuma 8:8 ပူးပေါင်းရင်းမြစ်များ

1 Yamwene 13:6

Umwene nawe pali pakunena kasema wakwe Leza ati, “Mpapatila kweneko kuli Yawe Leza wako pakuti inje namaka akuwezya ikasa lyane.” Awe kasema wakwe Yawe amupapatila kuli Yawe ni kasa lyakwe liya vino lyali mpiti.

Masamu 66:3

Vwangini muti, “Vino we Leza ukacita ivyakuzunguka! Amaka yako akulu wakwe cimwi. Anisi yako yakatunkana kunuli.

Kufuma 10:16

Lyene Falao kwaula ukusumba insita atuma akuya ama Mose na Aaloni nga aiza ayanena ati, “Natinifya kuli Yawe Leza winu nga nakuli mwemwe kwene.

Kufuma 10:17

Pamulandu wakuti nacita cii, munjelele iifyo lyane. Mpapatilini kuli Yawe kuti asisye kuvunuka kuno kungaleta imfwa panondi.”

Kufuma 10:18

Mose afuma kuli Falao nga aya amupapatila kuli Yawe kuti asisye makanta.

Kufuma 14:5

Lino umwene waku Eguputo uvwa ukuti aina Izlaeli yatiyapuuka, Falao pamwi na yacilolo yakwe yasenula amano yavwanga yati, “Uzye vino twacita asi kuli kutumpa? Twaleka aina Izlaeli yapuuka, na azya yaa tutalatala tuyalole nupya!”

Kufuma 32:11

Lelo Mose apapata kuli Yawe ati, “Mwe Yawe, pacani cino mwasokela antu inu musango uu, antu yano mwafumizye mu uzya mu Eguputo, ku maka inu akulu nu kwi kasa linu lya maka?

Kufuma 5:2

Lelo Falao auzya ati, “Uzye Yawe aweni wakuti ninguvwa kunoli kuti inte aina Izlaeli yapite? Nemo ntamumanyile Yawe wiyo, nupya nkukunena vino ntalata aina Izlaeli yapite.”

Kufuma 8:15

Lelo lino Falao walola ukuti yacula yafwa, nupya kwene akoma umwenzo, wakwe vino Yawe wavwanzile ukuti Falao ataluvwa ku mazwi yakwe Mose na Aloni.

Kufuma 8:29

Mose aasuka ati, “Silola, zuwazuwa lino namafuma pano, namapepa kuli Yawe kuti mutondo vizembele vice visisiwe kunuli, kuli yacilolo yako, nga nu ku antu yako. Lelo utalinzile kutusomba nu kulesya antu kuti yapite ku kupeela impolelwa kuli Yawe.”

Kufuma 8:32

Lelo ni ila kwene li, Falao akoma umwenzo nga nupya akana ukuta antu yapite.

Kufuma 8:9

Mose aasuka ati, “Ningatemwa kukupepela. Uteyanye sile insita ino ningakupepela, impepele na yacilolo yako na antu yako kuti yacula yasisiwe. Kusi cula umwi alasyala suka sile mu Luzi lwa Nailo.”

Kufuma 9:27

Falao atuma akuya ama Mose na Aaloni nga aiza ayanena ati, “Ndakai nazumila ukuti natinifya. Yawe umololoke. Nene na antu yane sweswe yaponge.

Kufuma 9:28

Imvula ya mawe nu kupangalansya vyaluta muno. Acino pepini kuli Yawe. Nalaya ukuti namamuta mupite, mutakwikala muno mpanga ya Eguputo nupya.”

Kufuma 9:33

Lyene Mose afumako kuli Falao, afuma mu musumba, nga akatusya makasa yakwe apepa kuli Yawe. Kupangalansya, na mawe ya mvula, nga ni mvula vyonsi vita.

Mpendwa 21:7

Alino antu yiiza kuli Mose yamunena yati, “Twatituluvyanya pa kuilizyanya kuli Yawe na kuli wewe kwene. Si tupapatileko kuli Yawe, pakuti afuntusye inzoka zii kunotuli.” Acino Mose nawe ayapapatila kuli Yawe.

Milimo 8:24

Simoni anena Petulo na Yoane ati, “Napapata mumpepele ku Mwene, pakuti cimwi ica mu vintu vino mwavwanga citancitikila.”

1 Samueli 12:19

Alino antu yonsi pamwi iyanena Samueli iyati, “Sungala utupepele swe aomvi yako kuli Yawe Leza wako pakuti tutafwa, pasi pano twatitulunda pa maifyo itu yonsi iifyo lii ilya kuilengela umwene.”