Kufuma 8:6 - Amazwi Yakwe Leza 2013

⁶ Caleka Aaloni atoola intuwa akonzolola ikasa lyakwe pa manzi yonsi, na yacula iyafuma nga yalimba impanga yonsi ya Eguputo.

Kufuma 8:6 ပူးပေါင်းရင်းမြစ်များ

2 Samueli 7:22

Si lola vino wacindamisya, we Yawe Simwandalali! Kusi umuntu nanti wenga angaya wakwe wewe. Nupya kutaya Leza muze suka sile wewe.

2 Milandu 6:14

Alino avwanga ati, “Iye, we Yawe Leza, Leza wa ina Izlaeli, umwi yulu na pano nsi mutaya Leza nanti wenga uwaya wakwe wewe.

Masamu 105:30

Nga alino yacula yiza yafunkuka umu mpanga yao, kumwi numu masano kwene muli yamwene.

Masamu 78:45

Wayatumile nu tuzyembele apakuti tuyalumole nga na yacula kwene apakuti yonone ivyalo vyao.

Masamu 86:8

Kutaya Leza uwaya wakwe wewe, we Yawe. Kutatala kuloleke nanti wenga uwacita wakwe vino wacita.

Masamu 90:2

Lino imyamba itacili ipangwe ni nsi yonsi itacili iyeko, wemo we Leza akuno wali, nupya ulayelelela.

Kufuma 10:2

Nkulonda mwalondolwela ana inu na aizikulu inu pa vizungusyo vii nu kuti mwayalondolwela vino nalenzile aina Eguputo kuti yaloleke atumpe. Lyene mwensi mulamanya ukuti Nene indi Yawe.’ ”

Kufuma 15:11

“We Yawe, uzye aweni muli tuleza angaya wakwe wewe? Kusi umwi munoyali angakolana nawe. Kusi umwi uwakwata maka avule cuze ukuluta wewe. Antu yonsi yakakoopa nupya yakakulumbanya pano kusi umwi angacita vizungusyo ivikulu wakwe wewe.

Kufuma 7:19

Yawe anena Mose ati, “Unene Aaloni kuti atoole intuwa yakwe asonte pa nguzi zyonsi, pa mifolo ya manzi yonsi, na pa viziya vyonsi vyamu Eguputo. Amanzi yamaya uwazi, nu mu Eguputo monsi mumaya uwazi, mu nkolo nu mu nsembo kwene mumaya uwazi.”

Kufuma 9:14

Insita ii ntalavunuka sile yacilolo yako na antu yako lelo nawe kwene ndakuvunuka, pakuti umanye ukuti kusi umwi uwakolana nani mu nsi yonsi.

Kufuma 9:29

Mose anena Falao ati, “Lino namafuma sile muno mu musumba, namaya nkakatusye makasa yane nu kupepa kuli Yawe. Kupangalansya kumata, ni mvula ya mawe kutakuya, pakuti ungamanya ukuti insi iyakwe Yawe.

Ezaya 43:10

Ala mwe ina Izlaeli mwe, mwemwe muli yakambone yane. Anene namusolwile kuti muye aomvi yane, pakuti mungamanya nu kunzumila, nu kumanya ukuti nene indi Leza nenga mpo. Inkolelo yane kutatala kwapangwa leza muze, nupya kutalatala kuye muze.

Aina Levi 11:12

Mutakezye ukulya icintu consi icikaikala mu manzi icitakwata tunkupili na mamba.

Malango 32:31

Anisi yao, yamanya ukuti tuleza twao tutakwata amaka, nupya tusi utwaulamba wakwe Leza wa ina Izlaeli.

Malango 33:26

Ala Mwe ina Izlaeli, mwe, kutaya Leza nanti wenga uwakolana na Leza winu, wino akapita mu lulumbi acilinganya iyulu, ala akupuzinkanya mu makumbi ku kwiza azwilizya mwemwe.

Malango 4:35

Yawe wamulanzile ivintu vii vyonsi pakuti mumanye ukuti wene ali Leza wenga mpo nu kuti kutaya namuze foo.

Umbwilo 16:13

Lyene ndola mipasi ikowele itatu yalolike wakwe yacula. Onga ufuma mu mulomo wa cizoka, umwi mu mulomo wa cilyanyi, nauze mu mulomo wakwe kasema waufi.