Kufuma 8:4 - Amazwi Yakwe Leza 2013

⁴ Yacula yalakutampukila nu kutampukila pa antu yako, nga na pali yacilolo yako yonsi.’ ”

Kufuma 8:4 ပူးပေါင်းရင်းမြစ်များ

1 Yamwene 13:6

Umwene nawe pali pakunena kasema wakwe Leza ati, “Mpapatila kweneko kuli Yawe Leza wako pakuti inje namaka akuwezya ikasa lyane.” Awe kasema wakwe Yawe amupapatila kuli Yawe ni kasa lyakwe liya vino lyali mpiti.

Masamu 107:40

alino walesile ukuti asambazi yasuulwe, aleka nu kuti yalulumbe umu lwanga umwaula inzila.

Kufuma 10:17

Pamulandu wakuti nacita cii, munjelele iifyo lyane. Mpapatilini kuli Yawe kuti asisye kuvunuka kuno kungaleta imfwa panondi.”

Kufuma 8:24

Lyene Yawe acita wakwe vino Mose wanenyile Falao ukuti ali nu kucita. Kuya vizembele kwi isano lyakwe Falao nu mu mang'anda yakwe yacilolo yakwe. Impanga ya Eguputo yonsi iyononeka ku vizembele.

Kufuma 8:3

Luzi lwa Nailo lumazula cuze na yacula cakuti yalafuma mu luzi nu kuya mwi isano lyako, mu muputule uno ukalala mwenemo, pa musanzi wako, mu mang'anda yakwe yacilolo yako, nu mu mang'anda ya antu yako, nga nu mu citofu cakupangila umukate nu mu viya vyakukandila umunya.

Kufuma 8:5

Yawe anena Mose ati, “Nena Aaloni akonzolole ikasa lyakwe asonte intuwa yakwe pa nguzi, pa mifolo ya manzi, na pa viziya, nu kulenga kuti yacula yafume mu luzi yalimbe impanga yonsi ya Eguputo.”

Kufuma 9:28

Imvula ya mawe nu kupangalansya vyaluta muno. Acino pepini kuli Yawe. Nalaya ukuti namamuta mupite, mutakwikala muno mpanga ya Eguputo nupya.”

Ezaya 19:11

Intunguluzi zyamu musumba wa Zoani zyatumpa! Na antu yano yakapanda Falao amano, nayo kwene iviwelewele sile! Uzye yene cino yangaituntumba ukunena umwene ukuti ali yano yapyanikizya pa antu yampiti, antu ya mano, alino na pali yamwene ampiti, icani?

Ezaya 19:22

Yawe alatuma impungo umu Eguputo, lelo wene alayapozya. Alino nayo yalaswilila kuli Yawe, nga nawe aluvwa ku mipapatile yao nu kuyapozya ace ayapozye.

Ezaya 23:9

Ala, Yawe Wamaka yonsi uwapanzile ukucita vii, apakuti amale ivilumba kuli yonsi, na pakuti acefye acindami yonsi apano nsi.

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Mpendwa 21:7

Alino antu yiiza kuli Mose yamunena yati, “Twatituluvyanya pa kuilizyanya kuli Yawe na kuli wewe kwene. Si tupapatileko kuli Yawe, pakuti afuntusye inzoka zii kunotuli.” Acino Mose nawe ayapapatila kuli Yawe.