Kufuma 8:3 - Amazwi Yakwe Leza 2013

³ Luzi lwa Nailo lumazula cuze na yacula cakuti yalafuma mu luzi nu kuya mwi isano lyako, mu muputule uno ukalala mwenemo, pa musanzi wako, mu mang'anda yakwe yacilolo yako, nu mu mang'anda ya antu yako, nga nu mu citofu cakupangila umukate nu mu viya vyakukandila umunya.

Kufuma 8:3 ပူးပေါင်းရင်းမြစ်များ

2 Milandu 22:11

Lelo Yeosyeba, umwana umwanaci uwa mwene Yeolamu, atolosya Yoasyi nu kumufumya pa ana yonsi pyu a mwene Aaziya yano yali pipi nu kukomwa. Lyene aya amufisa kumwi nu mulezi wakwe ku muputule uze uwakulala kweneko, uwamu Ng'anda ikulu yakwe Yawe. Icalenzile kuti Yeosyeba acite ica musango uu, amuno wene wali umwana wa mwene Yeolamu, nupya umuci wakwe simapepo Yeoyada, na kaci wakwe Aaziya. Fwandi wene wakweti insambu zyonsi izyakufisa umwana ukufuma kwi lovyo lyakwe Ataliya.

Masamu 105:30

Nga alino yacula yiza yafunkuka umu mpanga yao, kumwi numu masano kwene muli yamwene.

Kufuma 10:6

Alalimba mwi sano lyako, mu mang'anda yakwe yacilolo yako nga nu mu mang'anda ya antu yako. Makanta wiyo alipa cuze, wino vikolwe vinu vitatala vyalola mwi landwe lya mpanga ya Eguputo.’ ” Lino Mose wamala kuvwanga vii kuli Falao afutata apita.

Kufuma 12:34

Caleka aina Izlaeli yatoola usu wa ngano yika mu ngeso, nga yakandila. Lelo yatatikinkinye icitutumusi mu munya kuti utatutumuka. Yatola umunya yika muno yakapangila umukate alino yapomba mu nsalu zyao nga yasenda pa viye.

Kufuma 7:11

Lyene Falao atuma akuya ama antu yakwe, amamanyamano na amalele. Alino aina Eguputo yalya mu malele yao yeleuzya vino Aaloni wacisile.

Kufuma 8:11

Yacula yalasisiwa pakasi kako, mu mang'anda inu, na pakasi kakwe yacilolo yako, na antu yako. Nupya kusi cula nanti umwi alasyala, suka sile mu Luzi lwa Nailo.”

Kufuma 8:2

Lelo ndi wakana kuti uyate yapite, namavunuka impanga yako yonsi kuti ilimbe na yacula.

Kufuma 8:4

Yacula yalakutampukila nu kutampukila pa antu yako, nga na pali yacilolo yako yonsi.’ ”