Kufuma 8:20 - Amazwi Yakwe Leza 2013

²⁰ Nupya Yawe anena Mose ati, “Uce ulaye katondotondo, ukakomenkanye Falao lino akuya ku luzi umunene uti, Yawe wavwanga wati, ‘Ta antu yane yapita, pakuti yangampepa.

Kufuma 8:20 ပူးပေါင်းရင်းမြစ်များ

Masamu 105:31

Leza apeela iceo ca tuzizi kumwi na yamunyinyi viza vyalimba impanga yonsi.

Masamu 78:45

Wayatumile nu tuzyembele apakuti tuyalumole nga na yacula kwene apakuti yonone ivyalo vyao.

Kufuma 2:5

Lyene pa nsita imwi mukazyana umwana wakwe Falao wilya aya ku luzi ku kufulala. Lino mukazyana wilya akufulala, aomvi yakwe nayo yalyatokela ku cituntu. Lyene mukupumikizya alola cimponda mu mpunga, nga atuma muomvi wakwe umwanaci kuti akalete cimponda cici kunoli.

Kufuma 3:18

“Intunguluzi zya ina Izlaeli zilatezya cino ulazinena. Lyene wewe pamwi ni ntunguluzi zya ina Izlaeli ulinzile ukupita ku mwene waku Eguputo ukamunene uti, ‘Yawe, Leza wa Ayebulai, wataisokolola kunotuli. Ndakai tuzumilizye kuti tupite ulwendo lwa manda yatatu mu lwanga kuti tukapeele impolelwa kuli Yawe, Leza witu.’

Kufuma 4:23

Nakunenyile ukunena umwana wane umonsi iyeli apite pakuti angampepa, lelo wemo wakanyile. Cisuma! Ndakai namakoma umwana wako umonsi nupya iyeli.’ ”

Kufuma 5:1

Pacisila ca vintu vii, Mose na Aaloni yaya kwi sano kuli Falao nga yamunena yati, “Yawe, Leza wa ina Izlaeli, watavwanga ati, ‘Ta antu yane yapita, pakuti yangaya yakacite uzevyo wa cimulo ca kuncindika mu lwanga.’ ”

Kufuma 5:3

Lyene Mose na Aaloni yaasuka yati, “Leza wa Ayebulai umwisikulu wataloleka kunotuli. Wemo ule utuzumilizye kuti tupite ulwendo lwa manda yatatu mu lwanga kuti tukapeele impolelwa kuli Yawe, Leza witu. Ndi tutangacita vii, alatukoma ni mpungo nanti nu lupanga.”

Kufuma 7:15

Caleka mutondo uce upite ukamukomenkanye katondo lino akuya ku Luzi lwa Nailo. Uce usende intuwa ino yasangwike inzoka, alino ukamulolela mumbali ya luzi.

Kufuma 8:1

Nupya Yawe anena Mose ati, “Pita ukanene Falao uti, Yawe wavwanga wati, ‘Ta antu yane yapita, pakuti yangampepa.

Kufuma 8:21

Nakusoka kuti ndi wakana, namakuvunuka, namalenga kuti vizembele viye panuli, pali yacilolo yako, nga na pa antu yako. Vizembele vilazula mu mang'anda ya ina Eguputo na pa musili kwene vilaya ivitupu.

Kufuma 9:13

Nupya Yawe anena Mose ati, “Mutondo katondotondo ukalolane na Falao nga umutekezye umwenzo umunene uti Yawe Leza wa Ayebulai wavwanga wati, ‘Ta antu yane yapite, pakuti yangampepa.