Kufuma 8:11 - Amazwi Yakwe Leza 2013

¹¹ Yacula yalasisiwa pakasi kako, mu mang'anda inu, na pakasi kakwe yacilolo yako, na antu yako. Nupya kusi cula nanti umwi alasyala, suka sile mu Luzi lwa Nailo.”

Kufuma 8:11 ပူးပေါင်းရင်းမြစ်များ

Kufuma 4:21

Nupya kwene Yawe anena Mose ati, “Ndakai lino ukuswilila ku Eguputo, ukasininkizye ukuti wacita pa manso yakwe Falao vizungusyo vyonsi vino nakupeela maka kuti ucite. Lelo ndalenga kuti Falao akome umwenzo nupya atalaleka antu yapite.

Kufuma 7:13

Lelo nanti cali vii, Falao atwalilila ukukoma umwenzo wakwe vino Yawe wavwanzile ukuti, Falao ataluvwa kuli Mose na Aloni.

Kufuma 7:14

Lyene Yawe anena Mose ati, “Umwene wilya watakoma umwenzo cuze, nupya watakana kuleka antu yane yapite.

Kufuma 8:12

Lyene Mose na Aaloni yafuma mwi sano, yasya Falao. Nga Mose apepa kuli Yawe kuti afumye yacula yano walesile pali Falao.

Kufuma 8:13

Yawe acita ndi vino Mose walenzile kunoli, nga yacula ali mu mang'anda, mu misolo nu mu vyalo, iyafwa.

Kufuma 8:3

Luzi lwa Nailo lumazula cuze na yacula cakuti yalafuma mu luzi nu kuya mwi isano lyako, mu muputule uno ukalala mwenemo, pa musanzi wako, mu mang'anda yakwe yacilolo yako, nu mu mang'anda ya antu yako, nga nu mu citofu cakupangila umukate nu mu viya vyakukandila umunya.

Kufuma 8:9

Mose aasuka ati, “Ningatemwa kukupepela. Uteyanye sile insita ino ningakupepela, impepele na yacilolo yako na antu yako kuti yacula yasisiwe. Kusi cula umwi alasyala suka sile mu Luzi lwa Nailo.”