Kufuma 7:4 - Amazwi Yakwe Leza 2013

⁴ Lyene ndaomvya maka yane pa kuvunuka cuze aina Eguputo. Alino ndatungulula imitundu ya ina Izlaeli ukufuma mu mpanga ya Eguputo.

Kufuma 7:4 ပူးပေါင်းရင်းမြစ်များ

Kufuma 10:1

Nupya Yawe anena Mose ati, “Yanga kwi sano unene Falao uti, ‘Nene natindenga kuti aliwe na yacilolo yakwe yakome myenzo pakuti incite vizungusyo pakasi kao.

Kufuma 11:9

Lyene Yawe anena Mose ati, “Falao amatwalilila kukana uvwa amazwi yako, pakuti ningacita vizungusyo navyuze mu mpanga ya Eguputo.”

Kufuma 12:51

Pa wanda kwene ulya Yawe aleka kuti aina Izlaeli yafume mu Eguputo ukulingana ni mitundu yao.

Kufuma 13:3

Mose anena antu ati, “Lyonsi mwaiusya uwanda uu. Uli wanda uno mwafumile mu Eguputo, ku cifulo cino mwali azya. Uu uli wanda uno Yawe waomvizye maka yakwe pa kumufumya kuku. Caleka mutalinzile ukulya umukate umuli icitutumusi.

Kufuma 13:9

Lutambi kwene lu lulaya wa cimanyililo cino canyepelelwa kwi kasa nanti wa ciusizyo icanyepelelwa pa mpumi zinu wa mupango. Mu musango kwene uu mulasunda yauze vyamu usambilizyo wakwe Yawe, pano aliwe wamufumizye mu Eguputo ku maka yakwe akulu.

Kufuma 18:8

Lyene Mose alondolwela Yetulo vyonsi vino Yawe wacisile kuli Falao nu ku ina Eguputo, pakuti apususye aina Izlaeli. Nupya amulondolwela vino Yawe wayazwilizye mu ucuzi wao onsi, na vyonsi vino Yawe wacisile pa kuyatuula.

Kufuma 3:19

Lelo manyile ukuti umwene waku Eguputo atalamuzumilizya kuti mupite suka sile wapatikiziwa ukucita cico.

Kufuma 3:20

Caleka ndaomvya maka yane nupya ndavunuka aina Eguputo ku vizungusyo vya maka vino ndacita kukwa. Pacisila cakwe vii, umwene wilya alamuzumilizya kuti mupite.”

Kufuma 6:1

Lelo Yawe aasuka Mose ati, “Ndakai umalola vino namacita kuli Falao. Namamupatikizya ate antu yane yapite. Endi namamupatikizya kuti ayafumye mu mpanga yakwe.”

Kufuma 6:26

Aaloni na Mose ali yano Yawe wavwanzile kunoyali ati, “Katungululini aina Izlaeli ukufuma mu Eguputo ukulingana ni mitundu yao.”

Kufuma 6:6

Caleka nena aina Izlaeli ukuti Yawe wavwanga wati, ‘Nene indi Yawe, nga ndamukulula ukufuma ku uzya wa milimo ikome ino aina Eguputo yamutwika. Ndaomvya maka yane nu kuvunuka aina Eguputo pakulu cuze. Nupya ndamutuula.

Kufuma 7:13

Lelo nanti cali vii, Falao atwalilila ukukoma umwenzo wakwe vino Yawe wavwanzile ukuti, Falao ataluvwa kuli Mose na Aloni.

Kufuma 7:16

Lyene uce unene Falao uti, ‘Yawe, Leza wa Ayebulai watantuma kuti nkunene ukuta antu yakwe yapita, pakuti yangaya yakamupepe mu lwanga. Lelo kufika na ndakai utasakamile kumuyela.

Kufuma 8:15

Lelo lino Falao walola ukuti yacula yafwa, nupya kwene akoma umwenzo, wakwe vino Yawe wavwanzile ukuti Falao ataluvwa ku mazwi yakwe Mose na Aloni.

Kufuma 8:19

Alino amamanyamano yanena Falao yati, “Leza uwatacita cii!” Lelo Falao akoma umwenzo wakwe vino Yawe wavwanzile ukuti Falao ataluvwa ku mazwi yakwe Mose na Aloni.

Kufuma 9:12

Lelo Yawe alenga Falao kuti akome umwenzo, wakwe vino Yawe wavwanzile ukuti, Falao ataluvwa ku mazwi yakwe Mose na Aloni.

Kufuma 9:3

ale lyene Yawe alaponya impungo pa nyama zyako zyonsi, imfwalasi, yapunda, ingamila, ing'ombe, imfwele nga ni mbuzi.

Mapinda 19:29

Intuwa yapangilwa ukumila kweneko antu amitumfyo. Impumo nazyo zyateyanyiziwa amatundu ya viwelewele.

Ezaya 26:9

Apa nsita ya usiku nkakuluuka wakwe cimwi. Lino ulalolwela aikala nsi, ali lino yonsi yalamanya ulungami vino waya.

Nyimbo zya ndosya 3:3

Alino atandika ukuntimbola lili lili ukwaula nu kuntezela foo.

Ezekelo 14:21

“Pano vii ivyalanda Yawe Simwandalali. Cilipisya wakwe cimwi lilyo lino ndapezya Yelusalemu ku vyaupinguzi vyane vii vini vyakoofya: inkondo, icipowe, ivilyanyi nga ni ndwala, kuti vyonone antu kumwi ni nyama.

Ezekelo 25:11

Ee, anene ndapezya aina Moabu, nga alino yalasininkizya ukuti nene indi Yawe.”

Ezekelo 30:14

Umusumba wa Patilosi ndausangula ulwanga. Umusumba wa Zoani ndausonteka umoto, nu kuvunuka umusumba wa Teebesi.

Ezekelo 30:19

Acino ndavunuka aina Eguputo, lyene yalamanya ukuti nene indi Yawe.”

Umbwilo 15:4

Uzye aweni atangoopa we Mwene? Uzye aweni angakana kulanda ukulu wako? Wewe wenga sile waya uwamuzilo. Antu amu nko zyonsi yaliza nu kukupepa, pano micitile yako isi yalufyengo nupya ikaloleka kuli onsi.”

Umbwilo 16:7

Lyene nuvwa izwi likuti, “We Mwene Leza wa maka onsi! Upinguzi wako uwa cumi nupya usi walufyengo!”

Umbwilo 19:2

Upinguzi wakwe uwa cumi nupya usi walufyengo! Wene watavunuka cizelele wino uwakowizye insi ku uzelele wakwe. Leza watamuvunuka pano wene wakoma aomvi yakwe.”

Yakapingula 2:15

Lyene lyonsi lino aina Izlaeli yaya ku kulwa, Yawe ayaletela uzanzo, wakwe vino walafile kunoyali nu mulapo. Fwandi lyonsi yikalanga akungumale.