Kufuma 7:3 - Amazwi Yakwe Leza 2013

³ Lelo ndalenga Falao akome umwenzo cuze. Nanti angala ndacita vizungusyo vya maka vivule mu Eguputo, wene ataluvwa kunomuli.

Kufuma 7:3 ပူးပေါင်းရင်းမြစ်များ

Neemiya 9:10

Lyene wemo ali pakucita ivinjelengwe ni vizungusyo, ivyakulwisya Falao, aomvi yakwe pamwi na antu yonsi amu mpanga yakwe, pamulandu wa ukakasi uno yayacitile. Wemo waicitile ululumbi lwako luno ucikweti na pilelo kwene.

Masamu 135:9

Watumile ivimanyililo ni vizungusyo apakasi kako we Eguputo, pali Falao napa aomvi yakwe yonsi.

Masamu 78:12

Leza wacisile ivizungusyo apa manso ya vikolwe vyao, umu citungu caku Zoani, ica mpanga yaku Eguputo.

Kufuma 11:10

Mose na Aaloni iyacita vizungusyo vyonsi pa manso yakwe Falao, lelo Yawe alenga Falao kuti akome umwenzo. Caleka atazumilizye aina Izlaeli kuti yafume mu mpanga yakwe

Kufuma 11:9

Lyene Yawe anena Mose ati, “Falao amatwalilila kukana uvwa amazwi yako, pakuti ningacita vizungusyo navyuze mu mpanga ya Eguputo.”

Kufuma 14:4

Ndalenga Falao kuti akome umwenzo, nupya alamulondelela kuti aezye kumulema. Lelo vino ndacita kunoli nu ku vita vyakwe, vilalenga kuti antu yancindike. Lyene aina Eguputo yalamanya ukuti nene indi Yawe.” Aina Izlaeli iyayela amazwi yakwe Yawe nga yaya yakuula insakwe kuno wayanenyile.

Kufuma 3:20

Caleka ndaomvya maka yane nupya ndavunuka aina Eguputo ku vizungusyo vya maka vino ndacita kukwa. Pacisila cakwe vii, umwene wilya alamuzumilizya kuti mupite.”

Kufuma 4:21

Nupya kwene Yawe anena Mose ati, “Ndakai lino ukuswilila ku Eguputo, ukasininkizye ukuti wacita pa manso yakwe Falao vizungusyo vyonsi vino nakupeela maka kuti ucite. Lelo ndalenga kuti Falao akome umwenzo nupya atalaleka antu yapite.

Kufuma 4:29

Caleka Mose na Aaloni iyaya ku mpanga ya Eguputo, nga yakonganika intunguluzi zyonsi zya ina Izlaeli pamwi.

Kufuma 4:7

Lyene Yawe anena Mose ati, “Ingizya ikasa lyako mu mwingila wako nupya.” Caleka Mose acita vivyo kwene. Nga lino Mose wafumyamo ikasa lyakwe nupya, alola ukuti lyatilipola, liya wa mwili wakwe onsi.

Kufuma 7:13

Lelo nanti cali vii, Falao atwalilila ukukoma umwenzo wakwe vino Yawe wavwanzile ukuti, Falao ataluvwa kuli Mose na Aloni.

Kufuma 9:16

Lelo pakuti nkulange maka yane kuti uye umumi pakuti antu munsi yonsi yandumbanye.

Mapinda 21:1

Yawe aliwe akatungulula imyenzo yakwe yakateeka, wakwe vino akatungulula uluzi nu kulutwala kuno atemilwe.

Ezaya 51:9

Katuka fwandi zyuka we Yawe Leza witu! Ndanga utwazwe kweneko, utupususye uku maka yako. Kalambana ndi vino wacisile uku myaka yampiti mpiti. Uzye asi wewe kwene wasandozile icilyanyi ci Laabu tupimfya tupimfya?

Mika 7:15

Yawe akuti, “Ndayalanga ivizungusyo vyane, wakwe vino cali mu manda yano yafumile mu Eguputo.”

Yoane 4:48

Yesu nawe amunena ati, “Kusi umwi uwa munomuli angataila, suka ndi walola vilangililo ni vizungusyo.”

Milimo 2:22

“Mwe ina Izlaeli, uvwini mazwi yaa. Yesu uwaku Nazaleti umuntu wino Leza watumile kuli mwemwe, walangililwe mu vinjelengwe, mu vizungusyo, nga nu mu vilangililo vino Leza wacisile kupitila munoli. Mumanyile vii vyonsi, ukuti ivya cumi pano vyacitike.

Milimo 7:36

“Watungulwile antu kufuma mu Eguputo, ala akucita vinjelengwe ni vizungusyo mu Eguputo na pali Yemba Muyenzu nga nu mulwanga pa myaka makumi yani.

Loma 15:19

mu maka ya vinjelengwe ni vizungusyo, nga nu mu maka yakwe Mupasi Wamuzilo. Acino mukupita ulendo kufuma ku Yelusalemu kufika ku Ililikumu, nasalanganya Ilandwe Lisuma lya pali Yesu Klistu.

Loma 9:18

Caleka Leza akaya na mizu kuli wino akasi kuyela mizu, nga nu kukomya mwenzo wakwe wino akasi kukomya mwenzo.

Malango 4:34

Uzye kwatala kwaya kaleza kamwi kano katala kezya ukufumya antu mu luko luze nu kuyacita antu yakako kololo, wakwe vino Yawe Leza winu wacitile mwemwe ku mpanga ya Eguputo? Mwailolile na manso inu ntontonto vino wene waomvizye amaka yakwe akulu nu ulamba. Wene waponyizye impungo ni nkondo, wacisile ivinjelengwe ni vizungusyo, nu kuleka kuti ivintu ivyakoofya vicitike.

Malango 7:19

Mwiusye ivilumbelo iviipisye vino mwailolile na manso inu, pamwi ni vinjelengwe ni vizungusyo, nga na maka akulu nu ulamba uno Yawe waomvizye apakuleka kuti muye antungwa. Mu musango uli onga uno wene wononyile aina Eguputo, avino ali nu konona antu yaa yonsi yano mwemo mukoopa pali ndakai.