Kufuma 7:19 - Amazwi Yakwe Leza 2013

¹⁹ Yawe anena Mose ati, “Unene Aaloni kuti atoole intuwa yakwe asonte pa nguzi zyonsi, pa mifolo ya manzi yonsi, na pa viziya vyonsi vyamu Eguputo. Amanzi yamaya uwazi, nu mu Eguputo monsi mumaya uwazi, mu nkolo nu mu nsembo kwene mumaya uwazi.”

Kufuma 7:19 ပူးပေါင်းရင်းမြစ်များ

Utandiko 1:10

Alino Leza atemela musili ati, “Insi,” nga na manzi ali pa cifulo conga ati, “Yemba.” Lyene Leza alola ukuti camuzanzya.

2 Yamwene 4:29

Elisya ali pakunena Geazi ati, “Zwala ikoti lyako, nga utoole ni ntuwa yane uwapita. Ndi wakomenkanya umuntu umwi munzila, utezya wimilile nanti kumulamuka. Nga ndi umwi wakulamuka, utezya kumwasuka. Wemo yanga ukalambalike intuwa yane pa usyu wa mulumendo.”

Kufuma 10:12

Lyene Yawe anena Mose ati, “Konzolola ikasa lyako usonte pa mpanga ya Eguputo kuti makanta awe. Makanta alalya cimelwa consi cino capuswike ku mvula ya mawe.”

Kufuma 10:21

Nupya Yawe anena Mose ati, “Konzolola ikasa lyako usonte mwi yulu, pakuti uleke kuye imfinzi ikome fititi ino imaandatila impanga yonsi ya Eguputo.”

Kufuma 14:16

Katusya intuwa yako ukonzolole ikasa lyako pali yemba. Amanzi yamapaatukana yaye kuu na kuu pakuti yapeele inzila ku ina Izlaeli kuti yapite mwenemo pa musili uume.

Kufuma 14:21

Lyene Mose akonzolola ikasa lyakwe pali yemba, alino Yawe alenga kuti muza upunge ukufuma ku ufumondaka. Muza upunga usiku onsi nu kulenga kuti amanzi yapaatukane cakuti musili uume uloleka pali yemba. Amanzi yapaatukana kuu na kuu,

Kufuma 14:26

Yawe anena Mose ati, “Konzolola ikasa lyako usonte intuwa yako pali yemba, pakuti amanzi yaswilile nu kulenga kuti aina Eguputo ali mu maceleta, na ali pa mfwalasi, na ali pansi yonsi yamwele.”

Kufuma 4:9

Pa vizungusyo vii vyoili napo kwene ndi yatalakutaila, nupya ndi yaca yakana kuvwa vino ulayanena, lyene uce usembe amanzi mu Luzi lwa Nailo nu kwita pansi. Amanzi yalasanguka uwazi.”

Kufuma 8:16

Alino Yawe anena Mose ati, “Nena Aaloni akonzolole ikasa lyakwe aume intuwa yakwe pa lutukumbu, lyene lukungu lonsi mu mpanga ya Eguputo lumaya inkufu.”

Kufuma 9:33

Lyene Mose afumako kuli Falao, afuma mu musumba, nga akatusya makasa yakwe apepa kuli Yawe. Kupangalansya, na mawe ya mvula, nga ni mvula vyonsi vita.

Ezaya 19:10

Na yafundi kwene yano yacenjelesya ukusuma insalu, nu mu vyakupangapanga, nayo kwene yalatovoka nu kuteeza sana.

Ezaya 5:25

Fwandi Yawe watasokela antu yakwe. Wene watazunzula ikasa lyakwe apakuti ayapame. Imyamba imatelengananga. Alino ivyala vya antu yayo amafwanga, vimasyalanga ntangali ntangali umu miseo yamu musumba kwati sile ivikona. Yawe atalatala ate ukusoka. Alasyala sile ndi muno walawazunzwila ikasa kuti ayapamola.

Habakuku 3:8

We Yawe uzye inguzi izyatizikukalifya? Uzye imilonga yatikuletela icipyu? Uzye a yemba uwakusosizye, lino wakwezile pa mfwalasi zyako nu kuleta ucimvyo ku antu yako?