Kufuma 7:17 - Amazwi Yakwe Leza 2013

¹⁷ Mwene wakwisaci, ndakai Yawe wavwanga ukuti amacita icintu cimwi cino cimalanga kunuli ukuti mucumi wene ali Yawe. Silola, namauma pa luzi ni intuwa ii, na manzi yamasanguka yaye uwazi.

Kufuma 7:17 ပူးပေါင်းရင်းမြစ်များ

1 Yamwene 20:28

Lyene kasema wenga aya anena Aabu umwene waku Izlaeli ati, “Yawe wavwanga wati, ‘Pamulandu wakuti aina Asilya yakuti nene Leza uwamu myamba, lelo insi Leza uwamu manyika, ali cino namaleka kuti ucimvye iumba lya vita lilya nanti likule uli. Lyene alino ulamanya ukuti nene indi Yawe.’ ”

2 Yamwene 19:19

Ali cino fwandi we Yawe Leza witu, tupususye kweneko uku ina Asilya, apakuti antu amu mitundu yuze iya pano nsi yamanye ukuti awewe sile uli Leza, nga kutaya namuze.”

Masamu 105:29

Wasangwile amanzi yaya uwazi, yakoma ni nswi zyao.

Masamu 78:44

Amanzi umu nguzi wayasangwile uwazi utuputupu apakuti aina Eguputo yatamwa amanzi umu nguzi zyao.

Masamu 83:18

Yangala yamanye nu kuti awewe sile wenga ukaamwa Yawe, nupya wenga mpo, wewe uli Leza Wapapelapela umu nsi yonsi!

Masamu 9:16

Yawe wataisokolola umwisikulu umu upinguzi wakwe ulungame. Watafyenenkezya aipe umu vicitwa vyao.

Kufuma 1:22

Pa kusyalikizya umwene wilya apeela ilamulo ku antu yakwe yonsi ati, “Mwana wensi umonsi uwavyalwa ku Ayebulai alinzile asumbwe mu Luzi lwa Nailo. Lelo ana yao yakaci yonsi muyata sile.”

Kufuma 10:2

Nkulonda mwalondolwela ana inu na aizikulu inu pa vizungusyo vii nu kuti mwayalondolwela vino nalenzile aina Eguputo kuti yaloleke atumpe. Lyene mwensi mulamanya ukuti Nene indi Yawe.’ ”

Kufuma 4:9

Pa vizungusyo vii vyoili napo kwene ndi yatalakutaila, nupya ndi yaca yakana kuvwa vino ulayanena, lyene uce usembe amanzi mu Luzi lwa Nailo nu kwita pansi. Amanzi yalasanguka uwazi.”

Kufuma 5:2

Lelo Falao auzya ati, “Uzye Yawe aweni wakuti ninguvwa kunoli kuti inte aina Izlaeli yapite? Nemo ntamumanyile Yawe wiyo, nupya nkukunena vino ntalata aina Izlaeli yapite.”

Kufuma 6:7

Ndamulenga ukuya antu yane, nga nani ndaya Leza winu. Lino ndamukulula ukufuma ku uzya wa milimo ikome, ino aina Eguputo yamutwika, lyene mulamanya ukuti Nene indi Yawe, Leza winu

Kufuma 7:20

Lyene Mose na Aaloni iyacita wakwe vino Yawe wapeezile ilamulo. Pa manso yakwe Falao na yacilolo yakwe, Aaloni akatusya intuwa yakwe auma papela pa luzi, nga amanzi yonsi yasanguka yaya uwazi.

Kufuma 7:5

Lilya lino ndaomvya maka yane panoyali nu kufumya aina Izlaeli mu Eguputo, alino aina Eguputo yalamanya ukuti Nene indi Yawe.”

Ezekelo 25:17

Ndayavunuka nu kucita cilanduzi kunoyali. Yalalola apapelela icipyu cane. Alino lyene yalasininkizya ukuti nene indi Yawe.”

Ezekelo 29:9

Mpanga ya Eguputo ilasanguka ulwanga umutaya antu. Alino yalamanya ukuti nene indi Yawe. Pano wene wavwanzile ati Nailo ali cuma cane, nene namupanzile.

Ezekelo 30:19

Acino ndavunuka aina Eguputo, lyene yalamanya ukuti nene indi Yawe.”

Ezekelo 30:8

Lino ndasontenka umoto mu Eguputo nu konona yonsi yano yakamwazwilizya, alino lyene yalamanya ukuti nene indi Yawe.

Ezekelo 32:15

Eguputo ndamusangula ulwanga, nupya ndonona impanga ilya yonsi, nga lino ndakoma yonsi aikala mwenemo alino yalamanya ukuti nene indi Yawe.

Ezekelo 32:6

Ndapongolola uwazi wako mpaka usansantikile mu myamba, nga inguzi nazyo zilazulamo iminyefu yako.

Ezekelo 38:23

Ali vino nemo ndalanga antu ya mitundu yuze ukuti nene mukulu, nupya nene mucindami. Ali lino antu yalasininkizya ukuti fwandi nene, indi Yawe.”

Ezekelo 39:28

alino yalamanya ukuti nene indi Yawe Leza wao. Lilyo lino ndapususya azya ku mitundu nu kuyakolonganika mu mpanga yao ukwaula kusya nanti wenga.

Danieli 4:17

Kuu kuli kupingula kwa angeli awakanga nu kucevya. Acino lyene, lekini antu yonsi konsikonsi yamanye ukuti Leza wapapelapela wakwata amaka apa mawene yonsi ya antu cakuti angapeela uwene kuli wensi wino akasi. Wene angapeela uwene nu ku muntu musulwe kwene.’

Danieli 4:32

Wemo yalakufumya apakasi ka antu nupya ulikala pamwi ni nyama zya mpanga. Pa myaka cinimbali ulalya isote wa ng'ombe ni mbuzi apanzi. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Danieli 5:21

Yamufumizye pakasi ka antu, nga aelenganya wa nyama. Wikalanga pamwi na yacoolwa, nu kulya isote wa ng'ombe, nga nu kulala apa swe ukwaula cimwi cakucingilila umwili ku lumi. Umu kusyalikizya asuka azumila ukuti Leza Wapapelapela aliwe waya na maka apa mawene ya antu yonsi nupya angapeela uwene ku muntu ali wensi wino akasi.

Danieli 5:23

Wemo wasangukile Umwene wa mwiyulu. Wapile ilamulo kuti yakuletele ingako ni ngeso ukufuma mu Ng'anda ikulu yakwe Leza. Alino wewe, na yacilolo yako, na aci yako, na aci yako apa mbali yamwelile waini mu viya vii nu kulumbanya tuleza utwapangilwa na siluva na zaabu, nu mukuwa, ni cela, ni mbao nga na mawe, vivyo ivitangalola nanti ukuvwa. Lelo utacindike Leza wino wafumbata umi wako umwi kasa lyakwe kumwi na vyonsi vino ukacita.

Umbwilo 11:6

Yakambone ya yali na maka akuyala iyulu kuti imvula itaca itonye mu nsita yakusema kwao. Nupya yakweti maka pa manzi kuyasenula yaye uwazi, nupya yakweti maka akuponyezya insi vilumbelo vya misango yonsi pa nsita yonsi ino yakasi.

Umbwilo 8:8

Alino mungeli wakwe ciili alizya ntandala yakwe. Cintu cimwi cino calolike wa mwamba ukulu cuze uno ukupya cisumbilwa muli yemba. Ciputulwa conga mu viputulwa vitatu vyakwe yemba cisenuka iciya uwazi.