Kufuma 7:16 - Amazwi Yakwe Leza 2013

¹⁶ Lyene uce unene Falao uti, ‘Yawe, Leza wa Ayebulai watantuma kuti nkunene ukuta antu yakwe yapita, pakuti yangaya yakamupepe mu lwanga. Lelo kufika na ndakai utasakamile kumuyela.

Kufuma 7:16 ပူးပေါင်းရင်းမြစ်များ

Kufuma 10:3

Acino Mose na Aaloni yaya kuli Falao nga yamunena yati, “Yawe, Leza wa Ayebulai wavwanga wati, ‘Uzye amaila yanga yano ulatalama kunondi? Ta antu yane yapita, pakuti yangampepa.

Kufuma 13:15

Lino Falao wakomile umwenzo nu kukana kuti tufume mu mpanga yakwe, Yawe walenzile kuti ana mayeli ya antu na a nyama yafwe mu mpanga yonsi ya Eguputo. Uli mulandu uno tukapeela impolelwa kuli Yawe inyama zya kalume mayeli. Lelo mayeli itu aonsi tukayakulula.’

Kufuma 14:5

Lino umwene waku Eguputo uvwa ukuti aina Izlaeli yatiyapuuka, Falao pamwi na yacilolo yakwe yasenula amano yavwanga yati, “Uzye vino twacita asi kuli kutumpa? Twaleka aina Izlaeli yapuuka, na azya yaa tutalatala tuyalole nupya!”

Kufuma 3:12

Lelo Leza amunena ati, “Ndaya nawe, nupya lino ulafumya antu mu Eguputo uliza umpepe pa mwamba kwene uu. Cico cilaya cisininkizyo cakuti nene nakutuma.”

Kufuma 3:13

Lelo Mose anena Leza ati, “Ndi naya ku ina Izlaeli nu kuyanena inti, ‘Leza wa vikolwe vinu watantuma kunomuli,’ nayo yalanguzya yati, ‘Uzye izina lyakwe aweni?’ Uzye lyene ndayanena ntuuli?”

Kufuma 3:18

“Intunguluzi zya ina Izlaeli zilatezya cino ulazinena. Lyene wewe pamwi ni ntunguluzi zya ina Izlaeli ulinzile ukupita ku mwene waku Eguputo ukamunene uti, ‘Yawe, Leza wa Ayebulai, wataisokolola kunotuli. Ndakai tuzumilizye kuti tupite ulwendo lwa manda yatatu mu lwanga kuti tukapeele impolelwa kuli Yawe, Leza witu.’

Kufuma 4:22

Lyene ulinzile ukuyanena Falao ukuti Nene, ne Yawe navwanga nati, ‘Izlaeli umwana wane umonsi iyeli.

Kufuma 4:23

Nakunenyile ukunena umwana wane umonsi iyeli apite pakuti angampepa, lelo wemo wakanyile. Cisuma! Ndakai namakoma umwana wako umonsi nupya iyeli.’ ”

Kufuma 7:4

Lyene ndaomvya maka yane pa kuvunuka cuze aina Eguputo. Alino ndatungulula imitundu ya ina Izlaeli ukufuma mu mpanga ya Eguputo.

Kufuma 8:1

Nupya Yawe anena Mose ati, “Pita ukanene Falao uti, Yawe wavwanga wati, ‘Ta antu yane yapita, pakuti yangampepa.

Kufuma 8:20

Nupya Yawe anena Mose ati, “Uce ulaye katondotondo, ukakomenkanye Falao lino akuya ku luzi umunene uti, Yawe wavwanga wati, ‘Ta antu yane yapita, pakuti yangampepa.

Kufuma 9:1

Lyene Yawe anena Mose ati, “Pita ukanene Falao uti Yawe, Leza wa Ayebulai wavwanga wati, ‘Ta antu yane yapita, pakuti yangampepa.

Kufuma 9:13

Nupya Yawe anena Mose ati, “Mutondo katondotondo ukalolane na Falao nga umutekezye umwenzo umunene uti Yawe Leza wa Ayebulai wavwanga wati, ‘Ta antu yane yapite, pakuti yangampepa.

Ezaya 45:13

Anene natinkatusya Kilusi kuti uwololoke ucitwe. Ndololola inzila zyonsi muno alapitamo. Wene alakuululula umusumba wane wa Yelusalemu nu kuleka antu yane ali mu uzya yaye antungwa, ukwaula kuti umwi amulipile nanti kumupa amafukakanwa.” Avino Yawe Wamaka yonsi wavwanga.

Yelemiya 50:33

Nga alino nupya kwene Yawe Wamaka yonsi wavwanga wati, “Aina Izlaeli na ina Yuda pasi pakucula mwe. Yonsi yano yalemwa nu kuyasenda mu uzya yayasinamo ni ngala, kusi nu kuyata foo.