Kufuma 7:10 - Amazwi Yakwe Leza 2013

¹⁰ Caleka Mose na Aaloni yaya kuli Falao wilya yaya yacita wakwe vino Yawe wayapile ilamulo. Aaloni asumba intuwa yakwe pansi ku nkolelo yakwe Falao na yacilolo yakwe, nga lilyo kwene intuwa isanguka iya inzoka.

Kufuma 7:10 ပူးပေါင်းရင်းမြစ်များ

Masamu 135:9

Watumile ivimanyililo ni vizungusyo apakasi kako we Eguputo, pali Falao napa aomvi yakwe yonsi.

Kufuma 12:28

Lyene aina Izlaeli yaya yacita wakwe vino Yawe wapeezile ilamulo kuli Mose na Aaloni kuti yacite.

Kufuma 4:3

Yawe amunena ati, “Sumba intuwa pansi.” Lino Mose wasumba intuwa pansi isanguka inzoka, nga asempuka.

Kufuma 7:15

Caleka mutondo uce upite ukamukomenkanye katondo lino akuya ku Luzi lwa Nailo. Uce usende intuwa ino yasangwike inzoka, alino ukamulolela mumbali ya luzi.

Kufuma 7:20

Lyene Mose na Aaloni iyacita wakwe vino Yawe wapeezile ilamulo. Pa manso yakwe Falao na yacilolo yakwe, Aaloni akatusya intuwa yakwe auma papela pa luzi, nga amanzi yonsi yasanguka yaya uwazi.

Kufuma 7:6

Mose na Aaloni iyacita wakwe vino Yawe wapeezile ilamulo kunoyali.

Kufuma 7:9

“Lino Falao aluzya wewe na Aaloni kuti mucite vizungusyo vya kusininkizya ukuti Leza winu watamutuma, lyene wewe Mose ulinzile ukupeela ilamulo kuli Aaloni kuti asumbe intuwa yakwe pansi ino akapitila, ku nkolelo yakwe Falao. Intuwa iyo ilasanguka iye inzoka.”

Amosi 9:3

Ndi cakuti yangafisama papela ya mwamba wa Kalimeli, ndayalondalonda mpaka njaleme. Ndi cakuti yangafisama pansi pali yemba mukulu, ndapeela ilamulo ku cilyanyi camwenemo kuti ciyalume.

Mako 16:18

Lino yalalema inzoka, na lino yalamwa ulembe wene utalayakoma, yalika makasa yao pa alwale, nao yalapola.”

Luka 10:19

Uvwini! Namupeela amaka akulyata pa nzoka na makalela nu kucimvya maka yonsi yakwe Ciwa mwanisi, nga mutalazanzwa.