Kufuma 6:8 - Amazwi Yakwe Leza 2013

⁸ Ndalenga kuti muye ku mpanga ino nalavile nu mulapo ukupeela kuli Abulaamu, kuli Isaki, na kuli Yakobo. Impanga ii, ilaya iyakwinu.’ ”

Kufuma 6:8 ပူးပေါင်းရင်းမြစ်များ

Utandiko 14:22

Abulamu aasuka ati, “Nkulapa pa manso yakwe Yawe, Leza wapapelapela kaumba wa nsi ni yulu,

Utandiko 15:18

Pa wanda ulya Yawe acita upangano na Abulamu, avwanga ati, “Nakulaya ukuti namapeela impanga ii yonsi ku amu mupanda wako, ukufuma ku Luzi lwa Eguputo kufika nu ku luzi lukulu lwa Yufulate,

Utandiko 26:3

Tala ikala kuno kwene, nga namakupolelela nupya namaya nawe. Ndapeela impanga ii yonsi kunuli nu ku amu mupanda wako. Ndafikilizya ulayo uno nacisile kuli so Abulaamu.

Utandiko 28:13

Mwene aimilila pipi nawe avwanga ati, “Nene Yawe, Leza wakwe Abulaamu na Isaki. Ndapeela impanga muno uizi kunuli nu ku amu mupanda wako.

Utandiko 35:12

Ndakupeela impanga ino napiile Abulaamu na Isaki. Ndaipela nu ku amu mupanda wako icisila cako.”

Neemiya 9:15

“Alino apakuti yatuuke uku nzala wayapeelanga icilyo ukufuma kwiyulu. Apakuyapususya uku lusala nalyo wayapeelanga amanzi ukufuma umwiwe. Wemo wayanenyile ukuya pokolola impanga ino walavile ukuyapeela.

Kufuma 13:5

Yawe umwisikulu walavile nu mulapo ku vikolwe vinu kumupeela impanga ya ina Kenani, Hiti, Amoli, Hivi, nga na aina Yebusi. Lino alamwingizya mu mpanga ilya ya ukama nupya ivunde, mulinzile kuzevya cimulo ci mu mwezi wakutandika cila mwaka.

Kufuma 32:13

Iusya aomvi yako Abulaamu, Isaki na Yakobo nupya iusya na vino wayalavile nu kulapa pi zina lyako lino wayanenyile ukuti ulayapeela aizikulu avule cuze, avule wa ntanda zya mwiyulu, nu kuti ulapeela aizikulu yao impanga yonsi ino walavile. Mpanga kwene ii ilaya impanga yao amanda pe.”

Kufuma 6:2

Leza avwanga kuli Mose, amunena ati, “Nene Yawe.

Kufuma 6:4

Nupya nacisile upangano wane nayo, injalaya kuyapeela impanga ya Kenani, impanga ino yatazile yikala mwenemo wa inamasi.

Kufuma 6:6

Caleka nena aina Izlaeli ukuti Yawe wavwanga wati, ‘Nene indi Yawe, nga ndamukulula ukufuma ku uzya wa milimo ikome ino aina Eguputo yamutwika. Ndaomvya maka yane nu kuvunuka aina Eguputo pakulu cuze. Nupya ndamutuula.

Ezekelo 20:15

Acino nani mu lwanga kwene ali pakulapa ukuti ntalayatwala mu mpanga ino nayapeela, impanga ikankala nupya yamuvundo, yaluta impanga zyuze zyonsi ku usuma.

Ezekelo 20:23

Nupya kwene mu lwanga kwene amuno naswilizye ukulapa. Lyene indapa ukuti indayasansantila mu mpanga zyonsi.

Ezekelo 20:28

Nemo nayatwazile mu mpanga ino nayalavile kuyapela. Lelo lino yaweni mwenemo utwamba tonsi ututumpuke, ni miti yonsi ilembe, awe nupya kwene yatandika ukupeela impolelwa zyao. Yaleka nu kuti insoke pamulandu ni mpolelwa zino yocelangapo, na pamulandu wa mawila yauze ya vyakulya vino yatwalanga penepo.

Ezekelo 20:42

Lino ndamuwezezya mu mpanga ya Izlaeli, ino nalavile ukupeela ivikolwe vinu, alino mulasininkizya ukuti nene indi Yawe.

Ezekelo 36:7

Nemo ne Yawe Simwandalali nalapa ukuti antu ya mitundu yaya umu mbali yalazewana.

Ezekelo 47:14

Mulapoka mwensi ivipande ivilingane, pano ali vino nalavile ivikolwe vinu nu mulapo po inti, ‘Ndamupeela impanga, ilaya icuma cinu caupyanyi.’

Mpendwa 10:29

Alino Mose anena Hobabu, mulamu wakwe, umwana umonsi wakwe Leweli umwina Midyani ati, “Twasya tukatuke ukuya ku mpanga ino Yawe watulavile ukutupeela. Fwandi uce utulondele nga naswe tulakusunga ningo cuze, pasi pano Yawe walaya aina Izlaeli ukuya nu longo pee.”

Mpendwa 11:12

Uzye icumi anene nanyomelile nu kuvyala antu yaa onsi? Fwandi uzye pacani cino ungantazyelela nu kuleka injasende nene mu minwe yane, ungati nene indi kalela wa tunya ututacili tusumuke, lilyo lino nkuyatwala ku mpanga ya ulayo ino walavile ivikolwe vyao?

Mpendwa 14:30

Kusi nanti wenga alingila mu mpanga ino nalafile ukumupeela kuti mwaikalamo, suka sile Kalebu umwana wakwe umonsi Yefune nga na Yoswa umwana umonsi wakwe Nuni.

Mpendwa 23:19

Leza asi umuntu uwakuti angatumpoka Nanti umwana wakwe Adamu uwakuti afutuke muli cino watataka. Wene akavwanga nu kufikilizya cino watavwanga.

Malango 32:40

Icumi kwene anene Leza wa umi, nkakatusya ikasa lyane papela nu kulapa

Malango 4:31

Pasi pano Yawe Leza winu a Leza uwa mizu. Wene atalamutazyela nanti ukumonona, nupya atalilila upangano uno umwisikulu wacisile ni vikolwe vinu.

Yoswa 24:13

Acino namupiile impanga ino mutatazile mulime nga ni misumba ino mutatazile mukuule. Nga namwe mukaikala mwenemo nu kulya iviseekwa vyamu vyalo vya matingi ni vya miolivi ino mwemo mutalemile.”

Umbwilo 10:6

nu kucita mulapo mwi zina lyakwe Leza wino uwaya umumi pe na pe. Leza kwene wii uwaumvile iyulu na vyonsi vyayamo, insi na vyonsi vyayamo yemba na vyonsi vyayamo. Mungeli avwanga nu mulapo ati, “Kutalaya kulengezya nupya!

1 Samueli 15:29

Pasipano Leza uwacindamika aina Izlaeli asitumpoka nupya asi uwa mansenunsenu. Pano wene asi umuntu, awe.”