Kufuma 6:6 - Amazwi Yakwe Leza 2013

⁶ Caleka nena aina Izlaeli ukuti Yawe wavwanga wati, ‘Nene indi Yawe, nga ndamukulula ukufuma ku uzya wa milimo ikome ino aina Eguputo yamutwika. Ndaomvya maka yane nu kuvunuka aina Eguputo pakulu cuze. Nupya ndamutuula.

Kufuma 6:6 ပူးပေါင်းရင်းမြစ်များ

1 Yamwene 8:42

apamulandu wakuti antu avule yaluvwa ukucindama kwi zina lyako, na maka yako asuma, alino fwandi ndi cakuti wiza wapepa mu Ng'anda ii ikulu,

2 Yamwene 17:36

Muce mwauvwila sile ne Yawe, uwamufumizye mu Eguputo na maka akalamba nu ulamba. Kuli nene sile akuno mufwile ukufukama nu kupeela impolelwa.

1 Milandu 17:21

Uzye kwaya uluko pano nsi ulukoline na antu yako aina Izlaeli, yano we Leza waile ku kuyakulula kuti yaye antu yako kololo? Ivintu ivyakuzunguka nupya ivyakoofya, vino wemo wacisile, ivyalenzile kuti ulumbuke wakwe cimwi, apa kuzinga antu amu nko zizi pa manso ya antu yako, yano wakuulwile ukufuma ku ina Eguputo.

Neemiya 1:10

“We Yawe, ala yaa aomvi yako nupya antu yako kololo, yano we mweneco wakulwile uku maka yako nu ku makasa yako.

Masamu 77:16

Walanga amanzi yakulola sile we Leza, yazakize, nu mumatenga pansi namo imutenta.

Masamu 81:11

Lelo antu yane yakana ukunguvwa. Aina Izlaeli yakana ukunjela.

Masamu 81:6

“Ala asi anene namupokile ivisendo apaviye ivyamutonsizye, namwisizya ni mise pansi muno mwasinzilanga.

Masamu 81:7

Lino mwacululukanga, mwandaizye, nani niza namupususya. Umwi kumbi lino lyapangalakansyanga, ali muno nafisime, nu kwasuka amuno namwasukilanga. Lino kwalolike amanzi ku Meliba ali kuno namumwesizye,”

Kufuma 1:11

Caleka umwene wilya ni nkombe zyakwe yika yakangalila akalale pa ina Izlaeli kuti yayapatikizya ukuomba imilimo ikome pakuti yayatonsye. Aina Izlaeli yakuula umusumba wa Pitomu nu musumba wa Lamesesi kuti iye imisumba yakwe Falao yakusungilamo ivyakulya.

Kufuma 12:41

Pa wanda uno imyaka 430 yasizile, ukufuma lino aina Izlaeli ingile mu Eguputo, imitundu yonsi ya antu yakwe Yawe ifuma mu Eguputo.

Kufuma 12:51

Pa wanda kwene ulya Yawe aleka kuti aina Izlaeli yafume mu Eguputo ukulingana ni mitundu yao.

Kufuma 13:14

“Mu manda akwiza, ana inu yalamuzya yati, ‘Uzye cii cikusenula cani?’ Mulayaasuka muti, ‘Pakuti tufume mu Eguputo kuko kuno twali mu uzya, Yawe waomvizye maka yakwe akulu.

Kufuma 13:16

Lutambi lu lulaya wa ciusizyo kunotuli, lulaya wa cimanyililo icanyepelelwa ku makasa itu nanti icanyepelelwa pa mpumi zitu wa mupango, cakutwiusya ukuti Yawe watufumizye mu Eguputo ku maka yakwe akulu.”

Kufuma 13:3

Mose anena antu ati, “Lyonsi mwaiusya uwanda uu. Uli wanda uno mwafumile mu Eguputo, ku cifulo cino mwali azya. Uu uli wanda uno Yawe waomvizye maka yakwe pa kumufumya kuku. Caleka mutalinzile ukulya umukate umuli icitutumusi.

Kufuma 15:13

Watutungulula antu yako yano wapuswisye ku anisi yao mu lukundo lwako ulusikaoka. Ku maka yako wayatungulula ku mpanga yamuzilo.

Kufuma 16:6

Caleka Mose na Aaloni yanena aina Izlaeli yonsi yati, “Ilelo manguzi mumamanya ukuti Yawe ali wino wamufumizye mu Eguputo.

Kufuma 18:1

Yetulo, simapepo waku Midyani, sivyala wakwe Mose, auvwa vyonsi vino Yawe Leza wacitile Mose na antu yakwe aina Izlaeli, lino walenzile kuti yafume mu Eguputo.

Kufuma 2:11

Lino Mose wakula, uwanda umwi aya ku kutandalila antu yakwe, Ayebulai. Nga alola vino aina Eguputo yakupatikizya Ayebulai ukuomba imilimo ikome. Alola na vino mwina Eguputo akuma Muyebulai, wenga uwamu antu yakwe.

Kufuma 3:17

Natinelenganya ukuti ndayafumya mu Eguputo, kuko kuno ndakai aina Eguputo yakuyasunga mu kukalala. Ndayatwala ku mpanga ivunde nupya iya uzombozi cuze, impanga ya ina Kenani, aina Hiti, aina Amoli, aina Pelizi, aina Hivi, na ina Yebusi.’

Kufuma 3:8

Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

Kufuma 32:11

Lelo Mose apapata kuli Yawe ati, “Mwe Yawe, pacani cino mwasokela antu inu musango uu, antu yano mwafumizye mu uzya mu Eguputo, ku maka inu akulu nu kwi kasa linu lya maka?

Kufuma 6:2

Leza avwanga kuli Mose, amunena ati, “Nene Yawe.

Kufuma 6:29

wamunenyile ati, “Nene indi Yawe. Kanene Falao umwene waku Eguputo vyonsi vino namakunena.”

Kufuma 6:8

Ndalenga kuti muye ku mpanga ino nalavile nu mulapo ukupeela kuli Abulaamu, kuli Isaki, na kuli Yakobo. Impanga ii, ilaya iyakwinu.’ ”

Kufuma 7:4

Lyene ndaomvya maka yane pa kuvunuka cuze aina Eguputo. Alino ndatungulula imitundu ya ina Izlaeli ukufuma mu mpanga ya Eguputo.

Kufuma 7:5

Lilya lino ndaomvya maka yane panoyali nu kufumya aina Izlaeli mu Eguputo, alino aina Eguputo yalamanya ukuti Nene indi Yawe.”

Ezaya 9:12

Aina Alamu yayelile lwaku ufumondaka. Aina Filisti nayo yayelile lwaku uwondaka, ala yatiyacenzela calimwi apa kuciola aina Izlaeli. Icipyu cakwe Yawe cicili, pano acili azunzwile ikasa lyakwe apakuyazangola.

Ezaya 9:17

Ali cino Yawe atalaleka nanti wenga apa alumendo yayo kuti apusuke. Wene atalatezela nanti ana asyale, yano yalasya kumwi na yamukamfwilwa. Pano umutundu onsi ukapontela Leza nu kwifya. Ukavwanga ni vya uwelewele. Ali cino fwandi muli vyonsi vivyo Yawe atalezya ukuta ukusoka nanti ukuzunzula ikasa lyakwe.

Ezaya 9:21

Aina Efulemu na ina Manase yakulwisyanya. Alino nupya antu kwene yaa yakulwisya Ayuda. Ee, kwene umu cumi icipyu cakwe Yawe ciciliko, pano acili watazunzula ikasa lyakwe apa kuyavunuka.

Yelemiya 21:5

Nene nemweneco namaya kalwisya wa anisi yinu namaka yane yonsi, icipyu cane nu ukali wane onsi.

Yelemiya 27:5

“Uku maka yane ataikulila, na pakukonzolola ikasa lyane apa kuumba antu, impanga ni myamba ya pano nsi nu kupeela nkapeela wino natemwa.

Yelemiya 32:21

Wafumizye umutundu wako wa ina Izlaeli mu mpanga ya Eguputo, umu vimanyililo nu ku vipezyamano, apakutambalika ikasa lyako lyamaka ni ngofyo zikulu.

Ezekelo 20:33

Nupya Yawe wavwanzile ati, “Nkulapa ne Leza wa umi, nemo ndamuteeka ku maka yane yonsi uluku uluku.

Milimo 13:17

“Leza wa ina Izlaeli wasolwile vikolwe vitu, nga aleka antu itu yaya luko lukulu lino yali atandazi mu mpanga ya Eguputo. Lyene Leza ayafumya na maka mu Eguputo

Malango 11:2

Mwiusye ukuti mwemuno mwasundwa amwemwe, asi ana inu foo. Asi aliyo yaweni nu kukumako ku kusunda kwakwe Yawe Leza winu. Amwemwe sile mwailolile ukulu wakwe Yawe, na maka yakwe, ulamba wakwe,

Malango 15:15

Mwaiusya ukuti mwemo mwali azya mu mpanga ya Eguputo nga Yawe Leza winu wamukulwile nga imuya antungwa. Uli mulandu uno ndakai nkumupeela ilamulo lii.

Malango 26:8

Acino Yawe ali pakutufumya mu mpanga ya Eguputo ku maka yakwe nu ku nzyansyo zyakwe. Wene wacisile ivinjelengwe ni vizungusyo, nga nu kucita ivintu ivyakoofya.

Malango 4:23

Ali cino fwandi cenjelini! Mutailila upangano wakwe Yawe Leza winu uno wacisile namwe. Mwayela ilamulo lyakwe ilyakuti mutakezye ukuipangila akaluwi mu musango wa cintu icili consi cino wene wamulesya,

Malango 4:34

Uzye kwatala kwaya kaleza kamwi kano katala kezya ukufumya antu mu luko luze nu kuyacita antu yakako kololo, wakwe vino Yawe Leza winu wacitile mwemwe ku mpanga ya Eguputo? Mwailolile na manso inu ntontonto vino wene waomvizye amaka yakwe akulu nu ulamba. Wene waponyizye impungo ni nkondo, wacisile ivinjelengwe ni vizungusyo, nu kuleka kuti ivintu ivyakoofya vicitike.

Malango 5:15

Uwiusye ukuti watazile uya umuzya mu mpanga ya Eguputo, nu kuti Yawe Leza wako wakufumizye mwenemo ku maka yakwe ataikulila ni kasa lyakwe livunguluke. Caleka Yawe Leza wako watakupeela ilamulo kuti wacindika uwanda wi Sabata.

Malango 6:12

muce mutekele pano limwi mungazana ukuti mwilila Yawe uwamufumizye mu Eguputo, muno mwali azya.

Malango 7:19

Mwiusye ivilumbelo iviipisye vino mwailolile na manso inu, pamwi ni vinjelengwe ni vizungusyo, nga na maka akulu nu ulamba uno Yawe waomvizye apakuleka kuti muye antungwa. Mu musango uli onga uno wene wononyile aina Eguputo, avino ali nu konona antu yaa yonsi yano mwemo mukoopa pali ndakai.

Malango 7:8

Lelo Yawe wamutemilwe nupya walondesyanga ukufikilizya ulayo wakwe uno wene wacisile ku vikolwe vinu. Uli mulandu uno wene wamutuuzile ku maka yakwe akulu nu kulenga kuti muye antungwa ku uzya kuli Falao umwene waku Eguputo.

Malango 9:29

Lelo yene antu yako, akwako kololo yano wafumizye mu Eguputo ku maka yako akulu nu ulamba.’