Kufuma 6:4 - Amazwi Yakwe Leza 2013

⁴ Nupya nacisile upangano wane nayo, injalaya kuyapeela impanga ya Kenani, impanga ino yatazile yikala mwenemo wa inamasi.

Kufuma 6:4 ပူးပေါင်းရင်းမြစ်များ

Utandiko 12:7

Lyene Yawe aloleka kuli Abulamu amunena ati, “Ii ili mpanga ino ndapeela ku amu mupanda wako.” Caleka Abulamu akuulako na kavuwa papa kwene kakwe Yawe, uwalolike kunoli.

Utandiko 15:13

Lyene Yawe amunena ati, “Cumi manya vino amu mupanda wako yalaya alowezi mu mpanga yacilendo kuno yalaya yakaye azya nu kucula pa myaka imyanda ini.

Utandiko 15:18

Pa wanda ulya Yawe acita upangano na Abulamu, avwanga ati, “Nakulaya ukuti namapeela impanga ii yonsi ku amu mupanda wako, ukufuma ku Luzi lwa Eguputo kufika nu ku luzi lukulu lwa Yufulate,

Utandiko 17:13

Nanti ana kuvyalwa nanti ana kukalwa ni mpiya yalinzile kusilamulwa. Cilaya cilangililo pa mili inu ukulanga vino upangano pali mwemwe nani uwa manda pe.

Utandiko 17:4

“Upangano uno nkucita uli ndi vii. Nkukulaya ukuti ulaya cikolwe ca nko zivule.

Utandiko 23:4

“Nene mwinamasi nupya mwenyi kunomuli. Nkazini impanga iya kuzikapo pakuti ningazika umuci wane.”

Utandiko 26:3

Tala ikala kuno kwene, nga namakupolelela nupya namaya nawe. Ndapeela impanga ii yonsi kunuli nu ku amu mupanda wako. Ndafikilizya ulayo uno nacisile kuli so Abulaamu.

Utandiko 26:4

Ndalenga ana yako kuvula wa ntanda zya mwiyulu, nupya ndayapeela impanga ii yonsi. Mitundu yonsi ili nu kunguzya kuti njipolelele wakwe vino natimpolelela ana yako.

Utandiko 28:13

Mwene aimilila pipi nawe avwanga ati, “Nene Yawe, Leza wakwe Abulaamu na Isaki. Ndapeela impanga muno uizi kunuli nu ku amu mupanda wako.

Utandiko 28:4

Nupya akapolelele na ana yako kwene vino wapolelile sokulu Abulaamu. Ace alenge kuti ukapyane impanga ii ino nkaikalamo wa mwinamasi, impanga ino Leza wapile kuli Abulaamu.”

Utandiko 6:18

Lelo ndacita upangano pakasi kakwe wewe nani. Ingila mu cange pamwi nu muci wako, na ana yako na aci yao.

2 Samueli 23:5

Avino Leza wane alapolelela amu mupanda wane, pamulandu wakuti wene watacita upangano uwa manda pe nani uno utalavunwa ulayo uno utalasenulwa. Icili cintu cino nkulonda. Cico cilaya ucimvyo wane, icumi kwene Leza alafikilizya cico.

Masamu 105:11

“Nakupeela impanga ya Kenani ukuya icuma cako.”

Masamu 105:12

Antu yakwe Leza yali ampendwa inono, nupya yali aenyi umu mpanga ilya ya Kenani.

Kufuma 13:4

Mukufuma mu mpanga ya Eguputo pa wanda uu mu mwezi wakutandika, umwezi wakwe Abibu

Kufuma 13:5

Yawe umwisikulu walavile nu mulapo ku vikolwe vinu kumupeela impanga ya ina Kenani, Hiti, Amoli, Hivi, nga na aina Yebusi. Lino alamwingizya mu mpanga ilya ya ukama nupya ivunde, mulinzile kuzevya cimulo ci mu mwezi wakutandika cila mwaka.

Kufuma 6:8

Ndalenga kuti muye ku mpanga ino nalavile nu mulapo ukupeela kuli Abulaamu, kuli Isaki, na kuli Yakobo. Impanga ii, ilaya iyakwinu.’ ”

Ezaya 55:3

Teini amatwi mwize kunondi, munguvwe pakuti imyenzo inu isyukile uumi. Namapangana namwe upangano wa pee, uwaluse uno nalavile Davidi.

Mpendwa 10:29

Alino Mose anena Hobabu, mulamu wakwe, umwana umonsi wakwe Leweli umwina Midyani ati, “Twasya tukatuke ukuya ku mpanga ino Yawe watulavile ukutupeela. Fwandi uce utulondele nga naswe tulakusunga ningo cuze, pasi pano Yawe walaya aina Izlaeli ukuya nu longo pee.”

Milimo 7:5

Leza atapile Abulaamu nanti ciputulwa ca mpanga kuti iye impanga yakwe, nanti impanga kulingana nu lutampulo longa awe. Lelo Leza wamulavile ukumupeela impanga ilya, nu kuti ilaya impanga yakwe nga na amu mupanda wakwe kwene aliza cisila cakwe. Pa kasita kano Leza wacisile ulayo uu, Abulaamu atakweti ana.