Kufuma 6:3 - Amazwi Yakwe Leza 2013

³ Nalolike kuli Abulaamu, kuli Isaki, na kuli Yakobo wakwe Leza Wamaka yonsi. Lelo ntalenzile kuti imanyike kunoyali mwi zina lyane lyamuzilo, Yawe.

Kufuma 6:3 ပူးပေါင်းရင်းမြစ်များ

Utandiko 13:18

Caleka Abulamu asama, aya aikala pipi ni miti yamuzilo ya Mamule ku Hebuloni, kuno wakuulile Yawe kavuwa.

Utandiko 17:1

Lino Abulamu wali ni myaka amakumi fundimbali na fundimbali, Yawe aloleka kunoli nga amunena ati, “Nene Leza Wamaka yonsi. Uwanguvwila mu manda ya umi wako yonsi nu kucita vyawololoke pe.

Utandiko 22:14

Abulaamu atemela cifulo cici izina ati, “Kapeela a Yawe.” Caleka kufika na pilelo kwene antu yakati, “Pa mwamba wakwe Yawe apano cilapelwa.”

Utandiko 28:3

Si Mwene Leza Wamaka yonsi akupolelele akupeele nu uvyazi uce usanduluke uye imitundu ingi!

Utandiko 35:11

Nupya Leza ati, “Nene Leza Wamaka yonsi. Mulinzile kuvyalana muvule. Inko izingi zilafuma munuli, nga ulaya cikolwe ca ene.

Utandiko 48:3

Yakobo anena Yosefu ati, “Leza Wamaka yonsi walolike kunondi lino wampolelile ku Luzi mu mpanga ya Kenani.

Masamu 68:4

Imbilini Leza inyimbo zyakumuwanzya, lumbanyini wiyo akapitila umu makumbi. Izina lyakwe a Yawe, zangangini apa cinso cakwe!

Masamu 83:18

Yangala yamanye nu kuti awewe sile wenga ukaamwa Yawe, nupya wenga mpo, wewe uli Leza Wapapelapela umu nsi yonsi!

Kufuma 15:3

Yawe akoline ni cita, izina lyakwe a Yawe.

Kufuma 23:21

Mwauvwila wiyo kwene, nupya mwauvwikisya vino akumunena pamulandu wakuti natimupeela maka yonsi. Ndi mwacita vikanza kunoli alasoka cuze.

Kufuma 3:14

Leza anena Mose ati, “Naya vino naya. Ulinzile ukuyanena uti, ‘Wino akaamwa ukuti Naya vino naya, uwatantuma kunomuli.’ ”

Ezaya 42:8

Nene indi Yawe, lilyo lili zina lyane. Ntalapa ululumbi lwane kuli wiyo ali wensi. Ukulumbanyiziwa ukulinzile nene, ntalazumilizya kuti kupelwe nu ku tuluwi.

Ezaya 44:6

Yawe, Umwene wa ina Izlaeli, Yawe Wamaka yonsi, wavwanga wati, “Nene wankolelo nga nu wakusyalikizya. Kutaya Leza namuze, suka sile nene nenga.

Yelemiya 16:21

Fwandi lyene ndayamanyisya calimwi amaka nu ulamba wane. Yene yalamanya ukuti nene indi Yawe.

Yelemiya 33:2

“Yawe wino waumvile insi nu kuimumunga, nu kuiteka pano ikala, wamunena wati wiyo wino akaamwa izina lyakuti Yawe, wavwanga wati,

Ezekelo 20:5

Yanene vino namalanda. Lino nasolwile aina Izlaeli, nemo nalavile ana yakwe Yakobo, indundapo nu kulapa. Nupya mu Eguputo nemo naisokolwile kunoyali nu kuyanena ukuti nene indi Yawe Leza winu.’

Ezekelo 37:13

Amalindi muno antu yane yalala lino ndayacenamika nu kuyafumya mwenemo, alino yalasininkizya ukuti fwandi nene indi Yawe.

Ezekelo 37:6

Nemo namafupilizya imikole iminyefu alino ni nkanda. Namaputilizyamo umupu nu kuyawezezya uumi. Alino lyene mumasininkizya ukuti nene indi Yawe.”

Yoane 8:58

Yesu aasuka ati, “Cumi namunena vino Abulaamu lino atali ayeko ala nemo akunondi.”

Umbwilo 1:4

Ne Yoane nalemba kalata ku mauvi cinimbali amu muputule wa mpanga ya Asiya. Cikuku nu mutende viye namwe kufuma kuli Leza, wino alipo, wino uwalipo, wino aliza. Cikuku nu mutende viye namwe kufuma ku mipasi cinimbali ili ku nkolelo ya cilimba cakwe Leza.

Luti 1:20

Nawe ayanena ati, “Mutangama imuti Naomi. Lelo mwangama imuti Mala, pamulandu wakuti Leza Wamaka yonsi watalenga umi wane ukuya uwa ulanda wakwe cimwi.