Kufuma 6:23 - Amazwi Yakwe Leza 2013

²³ Aaloni watozile Elisyeba, umwana wa kaci wakwe Aminadabu, nupya uwali kaci wakwe Nasyoni. Wene wamuvyalile Nadabu, Abiu, Eleaza, na Itamali.

Kufuma 6:23 ပူးပေါင်းရင်းမြစ်များ

1 Milandu 2:10

Lamu wali a isi wakwe Aminadabu, Aminadabu wali a isi wakwe Nasyoni, uwali intunguluzi ya mutundu wakwe Yuda.

1 Milandu 6:3

Ana yakwe Amulamu a Aloni, Mose na Milyamu. Ana aonsi yakwe Aaloni a Nadabu, Abiu, Eleaza na Itamali.

Kufuma 24:1

Pacisila lino Yawe wamala ukupeela amasunde ku ina Izlaeli anena Mose ati, “Iza, kwela mwamba kunondi, wize na Aloni, Nadabu Abiu nga na aikolo ya ntunguluzi zya ina Izlaeli amakumi cinimbali. Lino mucili katalamukila, mufukame pansi mumpepe.

Kufuma 24:9

Lyene Mose, Aloni, Nadabu, Abiu, nga na aikolo ya ina Izlaeli amakumi cinimbali yakwela mwamba,

Kufuma 28:1

Yawe apeela ilamulo kuli Mose ati, “Tuma akwama munyonko Aaloni pamwi na ana yakwe aonsi, Nadabu, Abiu, Eleaza, nga na Itamali. Ali antu yano natinsolola ukufuma mu ina Izlaeli pakuti yangantumikila wakwe yasimapepo.

Aina Levi 10:12

Mose anena Aaloni na ana yakwe aonsi asile yaili, Eleaza na Itamali ati, “Tolini uwila wa usu uno watiusyala pa mawila akocela Yawe. Mupange umukate usi na citutumusi, alino muliile pipi na kavuwa, pamulandu wakuti uwila uwo uwamuzilo cuze.

Aina Levi 10:6

Lyene Mose anena Aaloni na ana yakwe aonsi, Eleaza na Itamali ati, “Mutikala ni nyele zyaula kusakula nanti kulepula ivyakuzwala vinu, kulanga ukuti mukulosya. Ndi mwacita vivyo, mumafwa, nupya Yawe angasokela iuvi lyonsi lya ina Izlaeli. Lelo auzo aina Izlaeli yangalosya imfwa ii, iyalenzilwe nu moto uno Yawe watumile.

Mpendwa 1:7

Ukufuma muli Yuda, mwasololwa Nasyoni umwana wakwe Aminadabu.

Mpendwa 2:3

Lwaku ufumondaka, imitundu ya nzipa ya nsakwe yakwe Yuda yalinzile kukuula insakwe zyao kulingana na maumba muno yaya. Ni ntunguluzi ya antu yakwe Yuda a Nasyoni umwana wakwe Aminadabu.

Mpendwa 20:25

Fwandi tola Aaloni na Eleaza umwana wakwe, nga ukwele nayo pa Mwamba wa Holi.

Mpendwa 20:28

Alino Mose azula Aaloni ivyakuzwala vyakwe nu kuvizwika kuli Eleaza. Aaloni nawe afwila papa kwene pa mwamba papela, nga Mose na Eleaza yatantamuka nu mwamba.

Mateo 1:4

Lamu wali a isi wakwe Aminadabu, Aminadabu wali a isi wakwe Nasoni, Nasoni wali a isi wakwe Salimoni,

Luka 1:5

Mu manda yakwe Helodi umwene wa Yudeya, kwali simapepo umwi izina lyakwe a Zakaliya, uwamu mpuka yakwe yasimapepo yakwe Abiya. Nu muci nawe kwene wali uwamu luko lwakwe Aloni, izina lyakwe a Elizabeti.

Yoswa 24:33

Eleaza umwana wakwe Aaloni afwa, nga iyamuzika ku Gibeya, umusumba wakwe Pineasi umwana wakwe, uno wapezilwe kunoli mu mpanga ya myamba yakwe Efulemu.