Kufuma 6:20 - Amazwi Yakwe Leza 2013

²⁰ Amulamu watwite Yokebedi, kaci wakwe isi, uwamuvyalile Aaloni na Mose. Amulamu watenzi imyaka umwanda onga na makumi yatatu na cinimbali.

Kufuma 6:20 ပူးပေါင်းရင်းမြစ်များ

1 Milandu 23:13

Ana aonsi yakwe Amulamu yali a Aaloni na Mose. Aaloni pamwi na amu mupanda wakwe yayapaatwile kuti yaangalila ivintu vyamuzilo, na kuti yapeela impolelwa apa manso yakwe Yawe umuyayaya, nu kutumikila inkolelo yakwe Yawe nga nu kupolelela antu umwi zina lyakwe umuyayaya.

Kufuma 6:16

Levi wakweti ana aonsi yatatu. Pali, Gelisyoni, Koati, na Melali. Yakwene ali vikolwe vya mitundu ino ikaamwa na mazina yao. Levi watenzi imyaka umwanda onga na makumi yatatu na cinimbali.

Kufuma 6:18

Koati wakweti ana yani aonsi. Pali Amulamu, Izali, Hebuloni, na Uzieli. Koati watenzi imyaka umwanda onga na makumi yatatu na itatu.

Mpendwa 26:58

Inko zya ina Levi nazyuze kwene aezi: uluko lwa ina Libini, uluko lwa ina Hebuloni, uluko lwa ina Maali, uluko lwa ina Musyi, nu luko lwa ina Kola. Koati wali a isi wakwe Amulamu.

Mpendwa 26:59

Umuci wakwe Amulamu wali a Yokebedi, wino wavyalilwe mu Eguputo nupya wali uwamu mupanda wakwe Levi. Wene wamuvyalile ana aonsi yaili, Aaloni na Mose, nga nu mwana umwanaci, Milyamu.

Mpendwa 3:1

Yaa ali amu mupanda wakwe Aaloni na Mose ali kweneko pa nsita ino Yawe wavwanzile na Mose pa Mwamba wa Sinai.

Yoswa 21:4

Amu luko lwakwe Koati mu mutundu wakwe Levi, ali yano yali akutandikilapo ukupelwa imisumba, uluko nu luko. Aina Levi amu mupanda wakwe simapepo Aaloni yapilwe imisumba ikumi na itatu ukufuma mu mutundu wakwe Yuda, na wakwe Simeoni nga na Benjamini.