Kufuma 6:1 - Amazwi Yakwe Leza 2013

¹ Lelo Yawe aasuka Mose ati, “Ndakai umalola vino namacita kuli Falao. Namamupatikizya ate antu yane yapite. Endi namamupatikizya kuti ayafumye mu mpanga yakwe.”

Kufuma 6:1 ပူးပေါင်းရင်းမြစ်များ

2 Yamwene 7:19

Ali papa pano inkombe ya mwene yene yakanyile iti, “Awe cumi cico cene citange citale cicitike, nanti sile Yawe angaleka imvula itonye!” Elisya nawe ali pano wamwaswike ati, “Kwene wemo uli nu kuilolela na manso yako ntontonto kuno cilacitika. Lelo wemo utalalya kweneko vyakulya vivyo, foo.”

2 Yamwene 7:2

Lyene inkombe iyasukilile umwene inena kasema wilya iti, “Cico citange citale cicitike nanti panono, nanti sile Yawe umwisikulu angatuponyezya imvula.” Lelo Elisya aasuka ati, “Wemo ulailolela na manso yako kuno icintu cii cikucitika, lelo utalalya nanti kamwi apa cakulya cico!”

2 Milandu 20:17

Citalingine kuti mukalwisye pakwene. Mwemo mukikale celu, ale mukuceleka nu kulolelela vino Yawe alamulwila ulwi uu mwensi mwe ikazi aku Yuda nu ku Yelusalemu. Mutuvwa intete nanti kutovoka. Mutondo muce mufume mukalwe nayo, nga Yawe nawe alaya namwe pee.’”

Masamu 12:5

Pamulandu wakuzunya alanda, Yawe nawe wavwanga wati, “Namakatuka, intuule nu mulanda akufyengwa, nu mupina akuilizyanya. Namapususya yayo akapunda kunondi!”

Masamu 12:6

Amazwi yakwe Yawe acumi. Yaya wakwe siluva umuzifiwe, wino yafumya umu kumwengulula umwi lungu amaila cinimbali.

Masamu 136:12

kwikasa lyakwe ilya maka ilitambalale, pano luse lwakwe ulwa pe na pee.

Masamu 89:13

Wewe wakwata amaka yonsi. Ikasa lyako lyakoma wakwe cimwi, ikasa lyako ililunji lyatumpuka.

Kufuma 11:1

Nupya Yawe anena Mose ati, “Lyene ndalenga kuti kuye uvunuko onga sile uwakusyalikizya pali Falao na pa ina Eguputo yonsi. Pacisila cakwe cii alamuta mupite. Kulanda mucumi, wene alamuzinga mwensi pyu muno mpanga.

Kufuma 12:31

Usiku kwene wa wanda ulya Falao, atuma akuya ama Mose na Aaloni nga aiza ayanena ati, “Pitangini, mwemwe na aina Izlaeli! Mufume mu mpanga yane, mwapita mukapepe Yawe wakwe vino mwandenzile.

Kufuma 12:33

Aina Eguputo yacincizya aina Izlaeli kuti yakalauke ukufuma mu Eguputo yati, “Mumaleka tufwe ndi mutapisile!”

Kufuma 12:39

Iyapanga makeke asi na citutumusi ku munya uno yafumile nao ku Eguputo, pano yayapamvizye cakuti yatakweti insita yakuteyanya ivyakulya nanti kuteyanya umunya umuli icitutumusi.

Kufuma 13:14

“Mu manda akwiza, ana inu yalamuzya yati, ‘Uzye cii cikusenula cani?’ Mulayaasuka muti, ‘Pakuti tufume mu Eguputo kuko kuno twali mu uzya, Yawe waomvizye maka yakwe akulu.

Kufuma 13:16

Lutambi lu lulaya wa ciusizyo kunotuli, lulaya wa cimanyililo icanyepelelwa ku makasa itu nanti icanyepelelwa pa mpumi zitu wa mupango, cakutwiusya ukuti Yawe watufumizye mu Eguputo ku maka yakwe akulu.”

Kufuma 13:3

Mose anena antu ati, “Lyonsi mwaiusya uwanda uu. Uli wanda uno mwafumile mu Eguputo, ku cifulo cino mwali azya. Uu uli wanda uno Yawe waomvizye maka yakwe pa kumufumya kuku. Caleka mutalinzile ukulya umukate umuli icitutumusi.

Kufuma 13:9

Lutambi kwene lu lulaya wa cimanyililo cino canyepelelwa kwi kasa nanti wa ciusizyo icanyepelelwa pa mpumi zinu wa mupango. Mu musango kwene uu mulasunda yauze vyamu usambilizyo wakwe Yawe, pano aliwe wamufumizye mu Eguputo ku maka yakwe akulu.

Kufuma 14:13

Mose aasuka ati, “Awe mutoopa! Posyini, mumalola vino Yawe amacita ilelo pakuti atutuule, mutalatala mulole aina Eguputo yaa nupya.

Kufuma 15:6

“Iye we Yawe, ikasa lyako lilunji ilya ulamba wakoofya, lyene likavungola umwanisi wako.

Kufuma 7:4

Lyene ndaomvya maka yane pa kuvunuka cuze aina Eguputo. Alino ndatungulula imitundu ya ina Izlaeli ukufuma mu mpanga ya Eguputo.

Kufuma 7:5

Lilya lino ndaomvya maka yane panoyali nu kufumya aina Izlaeli mu Eguputo, alino aina Eguputo yalamanya ukuti Nene indi Yawe.”

Ezaya 63:12

Aukwi ukwaya Yawe uwaomvyanga amaka yakwe nu kuleka ukuti Mose acite ivintu vyakuzunguka, ivyakupandula Yemba apakasi pakuti antu yakwe yapite, nga nu kuleka ukuti Yawe alumbuke amanda pe?”

Mpendwa 11:23

Yawe nawe aasuka Mose ati, “Uzye ikasa lyakwe Yawe iliipi? Ulailolela wemwisikulu, ndi cakuti izwi lino nakunena lilafikiliziwa nanti foo.”

Mpendwa 23:23

Pano pataya insapolo, nanti ulozi, uno ungaleta mupamba pa luko lwa Izlaeli. Lyene antu yalalanda pali Izlaeli yati, ‘Si lolini vino Leza watacita!’

Milimo 13:17

“Leza wa ina Izlaeli wasolwile vikolwe vitu, nga aleka antu itu yaya luko lukulu lino yali atandazi mu mpanga ya Eguputo. Lyene Leza ayafumya na maka mu Eguputo

Malango 32:39

“ ‘Nemo, nenga mpo, nene indi Leza. Kutaya leza namuze. Nkakoma nupya mpeela umi, nkacisa nupya mpozya, kusi nanti wenga angamufumbatula mu makasa yane.

Malango 4:34

Uzye kwatala kwaya kaleza kamwi kano katala kezya ukufumya antu mu luko luze nu kuyacita antu yakako kololo, wakwe vino Yawe Leza winu wacitile mwemwe ku mpanga ya Eguputo? Mwailolile na manso inu ntontonto vino wene waomvizye amaka yakwe akulu nu ulamba. Wene waponyizye impungo ni nkondo, wacisile ivinjelengwe ni vizungusyo, nu kuleka kuti ivintu ivyakoofya vicitike.