Kufuma 5:23 - Amazwi Yakwe Leza 2013

²³ Pano ukufuma lino naile kuli Falao ku kumunena amazwi yako, Falao acili akucuzya antu yako. Lelo wemo utatala wacita nanti cimwi kuti uyakulule!”

Kufuma 5:23 ပူးပေါင်းရင်းမြစ်များ

Yobo 22:17

Antu yaya nu kwipa kwao, yanenanga Leza yakuti, ‘Senka pano!’ Nupya yavwanga yati, ‘Uzye Leza Wamaka yonsi angacita cani kunotuli?’

Masamu 118:26

Walongo awiyo wino wiza, wino atumilwe umwi zina lyakwe Yawe!

Kufuma 3:8

Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

Kufuma 6:1

Lelo Yawe aasuka Mose ati, “Ndakai umalola vino namacita kuli Falao. Namamupatikizya ate antu yane yapite. Endi namamupatikizya kuti ayafumye mu mpanga yakwe.”

Ezaya 28:16

Ali cino Yawe Simwandalali akuti, “Nemo namaimba umufula mu Zioni umucumi. Alino umufula kwene uo, namaika penepo iwe lyonga ilikome, ililemvilwe penepo amazwi akuti, ‘Uwazumila atalatenkana!’

Yelemiya 11:21

Aonsi amu Anatoti yano yalondanga kukoma ne Yelemiya ala yakunena yati, “Ndi cakuti watwalilila ukusema mwi zina lyakwe Yawe, lyene tumakukoma.”

Yoane 5:43

Nemo nizila mwi zina lyakwe Tata, namwe musikunzengela. Muze ndi angiza mwi zina lyakwe na lwakwe, wene mulamuzengela.