Kufuma 5:21 - Amazwi Yakwe Leza 2013

²¹ Nga yanena Mose na Aaloni yati, “Yawe watalola vino mwatimucita nupya alamuvunuka pakulenga Falao na yacilolo yakwe kuti yatupate. Vino mwatimucita cili wa kuyapeela lupanga mu minwe kuti yatukome.”

Kufuma 5:21 ပူးပေါင်းရင်းမြစ်များ

Utandiko 16:5

Salai avwanzya Abulamu ati, “Wewe ukulenga kuti Haga angansoweka nu kuntumfya. Nemwisikulu nakupiile muzya wi. Lelo lino wene wamanya ukuti watasenda indilwa wataya ni misuli kunondi. Si Yawe ka aliwe apingule umulandu witu, wapali wewe nani!”

Utandiko 31:53

Leza wakwe Abulaamu na Leza wakwe Nawoli yali nu kupingula panotuli.” Lyene Yakobo alapa mwi zina lyakwe Leza wino wapepanga, Leza wakwe isi Isaki.

Utandiko 34:30

Yakobo anena Simeoni na Levi ati, “Yanamwe, vino mwandetelela ku ina Kenani, aina Pelizi nga nu muntu wensi mu mpanga ii amampata. Swemo aonsi tuli ncepelwa. Ndi antu yaa yalemana pamwi kuti yanzanze, lyene ang'anda itu yonsi yamalowa.”

2 Samueli 10:6

Aina Amoni iyiluka ukuti yatiyapanga uwanisi pakasi kao na Davidi. Pali pakutuma nu kulipila asilika kuti yize yayazwilizye. Asilika yapa ngazo aina Asilya ukufuma ku Beti Leobu nu ku Zoba yali amazimbi amakumi yaili, nayauze ukufuma ku Tobu yali amazimbi ikumi na yaili, nga ukwikapo nu mwene waku Maaka pamwi na antu yakwe izimbi lyonga.

1 Milandu 19:6

Lino aina Amoni yiluka ukuti lyene yaya anisi yakwe Davidi na Hanuni, lyene iyatuma siluva ukulingana amakilogalamu 34,000, kuti yakalipile apa maceleta kumwi na yakapisya yayako ukufuma ku Alamu Naalaimu, nu ku Alamu Maaka na Zoba.

Kufuma 14:11

Yanena Mose yati, “Uzye watuleta kuti twize tufwile muno mu lwanga vwile? Uzye pamulandu wakuti mu Eguputo mutali incende ikulu ya malindi? Lola lyene vino wacita pa kutufumya mu Eguputo.

Kufuma 15:24

Antu yailizyanya kuli Mose nga yamuzya yati, “Uzye ndakai tumamwa cani?”

Kufuma 16:2

Mumu mu lwanga iuvi lyonsi likatuka liilizyanya kuli Mose na Aloni.

Kufuma 4:31

Lino antu yalola vizungusyo vii iyataila. Nupya lino yuvwa ukuti Yawe wataiza kunoyali, nu kuti watalola vino yakuyasunga mu kukalala, iyafukama pansi yafupime, nga yapepa Yawe.

Kufuma 5:20

Lino yakapitao yalya yakufuma kwi sano iyazana Mose na Aaloni umu nzila ala yakuyalolela.

Kufuma 6:9

Mose anena aina Izlaeli vintu vii, lelo yene yakana kuvwa amazwi yakwe, pamulandu wakuti yalanga yatiyafita mpiti ku mwenzo pa milimo yao iya uzya.

Kasambilizya 10:1

Insazi zifwe zingonona umusazi onsi uwa mafuta acinunu cisuma, nu kutumpa kunono kungonona amano aingi.

Ezaya 30:6

Amazwi asowilwe pamulandu ni nyama zyamu Negebu, aeya akuti, “Inkombe zikapitana umu mpanga umwavula ivilyanyi, muno mwaya yacisama, umwaya ivizoka iviipisye, nga alino ni vinjelengwe vyuze ivikapapuka. Inkombe zizyo zikasenda pali yapunda napa ngamila, ivintu ivya wila ivya mutengo ivya kutwalila umutundu wa antu uno ukaposiwa nu kuyazwilizya kweneko.”

Yowelo 2:20

Ndafumya anisi aku katutu kuti yaye ukutali namwe, nupya ndayazingila uku lwanga. Ankolelo yene ndayazingila kuli yemba uwaku uwondaka. Acisila nayo ndayazingila kuli yemba uwaku ufumondaka. Lyene ivyala vyao vilaola nu kutandika ukununka.” Icumi kwene Yawe alacita ivikulu.

Mpendwa 14:22

kusi nanti wenga uwamu antu yaa yonsi alingila mu mpanga ilya. Yene yalola uluswepo ulwa ucindami wane ulwacatanga nga ni vilangililo vino nacisile mu Eguputo nu mu lwanga, lelo yanjezyanga amaila na maila nu kukanayela amazwi yane.

Mpendwa 14:3

Uzye pacani cino Yawe akututwalila mu mpanga ilya? Swemo tulakomwa mu nkondo, alino yalatupoka aci itu na ana itu. Uzye ukuswilila sile ku Eguputo kutange kuzipe?”

1 Samueli 13:4

Aina Izlaeli yonsi iyanenwa ukuti Saulo watacimvya inkambi ya ina Filisti, nu kuti aina Izlaeli lyene iyapatikwa wakwe cimwi ku ina Filisti. Acino antu iyazumila ulwamo ulwakuya ku Giligali pamwi na Saulo.

1 Samueli 27:12

Akisyi wataile sana Davidi nga aelenganya ati, “Davidi wataisausya sile ku antu yakwe aina Izlaeli, cakuti wene amaya umuomvi wane amanda pe.”