Kufuma 5:18 - Amazwi Yakwe Leza 2013

¹⁸ Ndakai swililini ku kuomba imilimo. Mutakupelwanga insaawa, lelo mulinzile kutama impendwa ya njelwa ilya kwene ino mukatama lyonsi.”

Kufuma 5:18 ပူးပေါင်းရင်းမြစ်များ

2 Milandu 10:11

Vino tata wamucuzyanga vyacepa. Nemo indi nu kucizya penepo. Tata wamuvupulanga ni mikota, lelo nemo indamuuma ni vikoti vyakwe civu nanti ni mikota ya vyela.’ ”

Kufuma 5:17

Lelo Falao ayaasuka ati, “Mutakulonda ukuomba, mwemwe yakasu. Cico kwene icikulenga kuti mwaiza kunondi nu kunganola kuti imuzumilizye ukupita nu kuyapeela impolelwa kuli Yawe.

Kufuma 5:19

Alino yakapitao aina Izlaeli iiluka ukuti yali mu ntazi lino yayanena ukuti yalinzile yatama impendwa ya njelwa ilya kwene ino yatamanga lyonsi.

Kasambilizya 4:1

Lyene ndolekesya pa lufyengo lonsi ulukacitika mu nsi ii. Antu yano yatitikiziwa yakulosya nga kusi nanti aumwi uwakuti angayazwa. Kusi nanti aumwi uwakuti ayazwe pano antu yano yakuyatitikizya yakwatisya maka.

Ezekelo 18:18

Isi wene alafwila pa maifyo yakwe umweneco, pano wali umukakate, wapokololanga vya eneco ku maka, atazifizye mukasi ka antu yakwe.