Kufuma 5:13 - Amazwi Yakwe Leza 2013

¹³ Yakangalila akalale ya ina Eguputo yayakulizya yala yakuyanena ukumala kutama injelwa kulingana ni mpendwa ilya kwene ino yatamanga cila wanda, ndi vino yacitanga lino yayapeelanga insaawa.

Kufuma 5:13 ပူးပေါင်းရင်းမြစ်များ

Ezila 3:4

Nu kuwaka yawakanga sana amanda ya uzevyo ndi vino uwanda wakuzevya Cimulo ca Nsakwe, nu kupeela impendwa ya mpolelwa zyakoca ndi vino calemvilwe ukupeela cila wanda.

Yobo 39:7

Fwandi ali cino wene wasoka icongo camu misumba. Kutaya uwakuti amutonsye nu kuti amuomvya ukukusenda iviya.

Kufuma 1:11

Caleka umwene wilya ni nkombe zyakwe yika yakangalila akalale pa ina Izlaeli kuti yayapatikizya ukuomba imilimo ikome pakuti yayatonsye. Aina Izlaeli yakuula umusumba wa Pitomu nu musumba wa Lamesesi kuti iye imisumba yakwe Falao yakusungilamo ivyakulya.

Kufuma 5:11

Watavwanga ukuti mweisikulu mulinzile mwaya mukuilondela insaawa kuli konsi kuno mungazizana. Lelo mulinzile mwatama impendwa ya njelwa ilya kwene ino mukatama lyonsi.”

Kufuma 5:12

Caleka aina Izlaeli yonsi yasapalala konsikonsi mu Eguputo mukulonda insaawa.

Kufuma 5:14

Yakangalila akalale aina Eguputo iyatandika ukuuma yakapitao aina Izlaeli angalilanga auze pa milimo. Nga yayuzya yati, “Uzye pacani cino mwe ina Izlaeli mutakutama impendwa ya njelwa ilya kwene ino mwatamanga?”

Kufuma 5:6

Lyene uwanda kwene ulya umwene wilya apeela ilamulo kuli yakangalila akalale aina Eguputo na kuli yakapitao aina Izlaeli ati,