Kufuma 40:7 - Amazwi Yakwe Leza 2013

⁷ Wike muyeza uwakufulalila pakasi ki Taalu lya Ukongano na kavuwa nga witilemo amanzi.

Kufuma 40:7 ပူးပေါင်းရင်းမြစ်များ

Masamu 26:6

We Yawe, nkafulala uku minwe apakulanga ukuti nene uwakaele nga inkupepa apa kuzinguluka kavuwa kako.

Kufuma 38:8

Lyene yapanga muyeza wa mukuwa uwakufulalila, pamwi ni citende cakwe ukufuma ku vilola vya anaci yano yatumikilanga pa mulyango wi Taalu lya Ukongano kuno Yawe wakomenkananga na antu yakwe.

Kufuma 40:6

Wike kavuwa ka kupelelapo uwila wakoca pa mulyango ku nkolelo yi Taalu lya Ukongano.

Kufuma 40:8

Upange umusolo kuzingulusya Itaalu, nu kukoweka insalu zyakucingilikizya pa mpongolo ya musolo.

Zakaliya 13:1

Yawe Wamaka yonsi wavwanga wati, “Lino insita iya ilafika, intulo yonga ilapongwela amanzi, yano ana yakwe Davidi na ina Yelusalemu yalafulala ku ukowezi wao.

Tito 3:5

wene watutuuzile. Citali apamulandu wa vicitwa visuma vino twacita, lelo apamulandu wa mizu yakwe umwisikulu acino watutuulile. Wacisile cii pa kutufula mu maka yakwe Mupasi Wamuzilo, wino uwatulenga kuvyalwa cipya cipya nu kutandika umi upya.

Ayebulai 10:22

Caleka lekini tupalamile kuli Leza nu mwenzo uwa cumi nu utailo uwa mpomvu. Lekini tusunge myenzo itu iye iswepe, ni myelenganyizizye itu nayo iye ya untungwa kufuma ku viipe, ni mili itu ifulwe na manzi aswepe.

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.