Kufuma 40:34 - Amazwi Yakwe Leza 2013

³⁴ Lyene ikumbi livimba Itaalu lya Ukongano, nu luswepo luyengese lwakwe Yawe luyengesa mwi Taalu.

Kufuma 40:34 ပူးပေါင်းရင်းမြစ်များ

2 Samueli 7:6

Intatala nikala umu ng'anda ukutandika lino nafumizye aina Izlaeli mu Eguputo, ukufika nu wanda wi lelo. Lelo nkaikala umwi taalu monsi muno tukapita.

2 Milandu 5:13

Yakiimba ya nyimbo na yakalizya ya ntandala yonsi yapomokela capamwi nu kulumbanya Yawe ni zwi lyonga sile. Api zwi lyakufuma umu ntandala ni vyakulizizya vyuze, yonsi pamwi yasanzula izwi lyao nu kulumbanya Yawe yati, “Endi, Yawe umusuma, pasi pano uluse lwakwe ulwa muyayaya.” Lino yasimapepo yafuma mu Ng'anda ikulu yakwe Yawe, ikumbi liiza ilizula mu Ng'anda ikulu yakwe Yawe, nga iliyengesa apakulanga ucindami wakwe Yawe.

2 Milandu 7:2

Yasimapepo iyaposiwa nu kwingila mu Ng'anda ikulu yakwe Yawe apamulandu wa luswepo lwa ucindami wakwe Yawe.

Masamu 26:8

We Yawe, nemo natemwa ukwikala umu ng'anda yako, umu cifulo cako umwazula ucindami wako.

Kufuma 14:24

Ku macaca Yawe wino wali mwi kumbi nu mu cimbilimbili ca moto alolekesya pa vita vya ina Eguputo, alenga kuti yuvwe intete nga yalonda kupuuka.

Kufuma 16:10

Lino Aaloni akunena iuvi lyonsi lya ina Izlaeli, nalyo ilisenukila ku lwanga, nga ililola uluswepo luyengese lwakwe Yawe mwi kumbi.

Kufuma 25:8

Antu yalinzile kunkuulila itaalu lyamuzilo pakuti ningaikala pakasi kao.

Kufuma 29:43

Kuku kwene akuno ndakomenkana na ina Izlaeli, nupya incende kwene iyo ilaya iziliziwe nu ucindami wane.

Kufuma 33:9

Mose ndi wingila mwi Taalu lili ikumbi liiza likala pa mulyango wi Taalu, alino Yawe atandika kuvwanga na Mose ukufuma mwi kumbi.

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Ezaya 6:4

Icilulumo ca mazwi yao citensya maingwe nu mufula wa Ng'anda ikulu yakwe Leza, nu mu Ng'anda ikulu yakwe Leza imuzula ni cunsi tupu!

Ezekelo 10:4

Nu ucindami wakwe Yawe ali pakufuma apapela yakwe yakelubi, nu kuya ku mulyango wa ng'anda yakweyo. Ni kumbi ilifupa monsi mu ng'anda iyo, cakuti nu musolo onsi uyengesa sile pamulandu nu ucindami wakwe Yawe.

Aina Levi 16:2

Yawe avwanga ati, “Nena munyonko Aaloni kuti ataingila insita ili yonsi mu Ncende Yamuzilo kuluta, kwi tundu lya nsalu yakucingilila, ku nkolelo ya ntupiko ya Mbokosi ya Upangano, pano angafwa pamulandu wakuti ne Yawe nkalolekela mwi kumbi papela ya ntupiko iyo.

Hagai 2:7

Indi nu kusunkanya imitundu ya antu yonsi iyaya muno nsi alino ni cuma cao cilaletwa kunondi, icakuti nupya kwene Ng'anda yane ikulu ilazulamo ululumbi lukulu. Nene nkuvwanga ne Yawe Wamaka Onsi.

Hagai 2:9

Ali cino ululumbi lwa Ng'anda ii yakwe ciili lulaluta pa lulumbi lwa Ng'anda ya pakutandika iyaliko. Nupya indaleta untungwa nu mutende panonsi ponsi. Ivyavwanga Yawe Wamaka yonsi.”

Mpendwa 7:89

Lino Mose wingile mwi Taalu lya Ukongano ku kulanda na Yawe, wene uvwile izwi ukufuma pakasi kakwe yakelubi, papela ya ntupiko ya Mbokosi ya Upangano, ala likulanda kunoli. Nga nawe avwanga na aliwe.

Loma 9:4

Yene antu yakwe Leza yano wasolola kuti yaye ana yakwe, nga nu kusokolola lulumbi lwakwe kunoyali. Leza wacisile cipangano nao nu kuyapela Masunde. Wayasambilizye vino yangamupepa mucumi. Wafikilizye malayo yakwe kunoyali.

Umbwilo 15:8

Ng'anda ikulu yakwe Leza yazilemo cunsi kufuma ku lulumbi na maka yakwe Leza, nga kutali uwakwingilamo suka lino vilumbelo cinimbali ivyacisilwe na angeli cinimbali vyasila.

Umbwilo 21:3

Alino nuvwa izwi likulu likulanda kufuma ku cilimba ca wene liti, “Ndakai uwikalo wakwe Leza uli pamwi na antu! Wene amaikalanga nao nupya yene yalaya antu yakwe. Leza umwisikulu alaya nao nupya wene alaya ali Leza wao.