Kufuma 40:20 - Amazwi Yakwe Leza 2013

²⁰ Lyene atoola vipampa vya mawe yaili ya masunde akoweka mu Mbokosi ya Upangano. Asomeka mipingilo mu vilemelo vya mbokosi, lyene aika ni ntupiko papela ya Mbokosi ya Upangano.

Kufuma 40:20 ပူးပေါင်းရင်းမြစ်များ

1 Yamwene 8:9

Mukasi ka Mbokosi ya Upangano mutali nanti cimwi ukuluta pa vipampa vya mawe viili vino Mose wisile mwenemo, ukufuma ku Mwamba wa Holebu, kuko kuno Yawe wapangine upangano na ina Izlaeli lino yafumile mu Eguputo.

1 Milandu 15:3

Davidi akonganika aina Izlaeli yonsi umu Yelusalemu kuti yaye yakasende Mbokosi ya Upangano yakwe Yawe nga yaitwale uku ncende ino wene waiteyanyizizye.

2 Milandu 5:10

Umukasi ka Mbokosi ya Upangano mutaya mwenemo nanti acimwi suka sile amawe yaili apapatale yano Mose wisile mwenemo ukufuma apa Mwamba wa Holebu, lino Yawe wapangine na ina Izlaeli lino yafumile uku Eguputo.

Masamu 40:8

Ala nemo pasi pakutemwa ukucita vino wemo ukalonda, we Leza wane! Endi amasunde yako, nemo nkayawaka umu mwenzo wane.”

Kufuma 16:34

Wakwe vino Yawe wapeezile ilamulo kuli Mose, Aaloni aiika inyungu ku nkolelo ya Mbokosi ya Upangano, pakuti mana angasungwa.

Kufuma 26:34

Wike intupiko pa Mbokosi ya Upangano mu Ncende Yamuzilo kuluta.

Kufuma 31:18

Lino Yawe wamala kuvwanga na Mose pa Mwamba wa Sinai, apeela Mose vipampa vya mawe yaili, vivi kwene vino Leza umwisikulu walemvilepo amasunde ni ikasa lyakwe.

Kufuma 40:19

Pacisila cakwimika Itaalu papela alivimba ni cakuvimbila, nupya avimba nacuze cakuvimbila kunzi papelapela, wakwe vino Yawe wapeezile ilamulo.

Kufuma 40:3

Mbokosi ya Upangano umuli amawe ya umboni uwike muno kwene, nupya Mbokosi ya Upangano iyo uivimbe ni nsalu pakuti uicingilile.

Mateo 3:15

Lelo Yesu amunena ati, “Ndakai leka cicitike vikwene, pano catuzipila kuti tucite ivyawololoke vyonsi vino Leza akalonda.” Alino Yoane azumila.

Loma 10:4

Klistu ali kufikilizya kumalilike kwa Masunde yakwe Mose, pakuti wensi uwataila munoli, Leza akamucita kuya mololoke pa manso yakwe.

Loma 3:25

Leza wamutumile Klistu kuya impolelwa kuti mu mfwa yakwe amuno maifyo ya antu yangelelwa pa kutaila munoli. Leza wacisile vii pa kulanga ukuti wene mololoke. Mpiti Leza watekanga umwenzo nu kusulako ku maifyo yano antu yacitanga.

Malango 10:5

nga nani natentemwike umwamba. Lyene ndi muno Yawe wampeezile ilamulo, navisile mu Mbokosi ino napanzile, nga ndakai ali muno vikaikala.”

Ayebulai 4:16

Lyene lekini tutaile nu kupalamila ku cilimba ca wene cakwe Leza, kuno kuli cikuku. Tulapokelela mizu nu kuzana cikuku cakutwazwa lino twalonda kwazwiwa.

Ayebulai 9:4

Muu umwali kavuwa kakwe zaabu pano yocelanga ubani. Mwali (Alaka) mbokosi ya upangano ino yapomilwe na zaabu monsi kwene. Nu mukasi mwisilwe musazi wakwe zaabu muno mwali mana, nsonzo yakwe Aaloni iyawalwile maluwa, nga ni vipampa vya mawe viili ivyalemvilwepo masunde.

1 Yoane 2:2

Klistu ali mpolelwa yapa maifyo itu, nga na maifyo ya antu yonsi amu nsi.