Kufuma 40:13 - Amazwi Yakwe Leza 2013

¹³ Aaloni mumuzwike vyakuzwala vyamuzilo. Umupake amafuta nupya umupaatule, apakuti aye a simapepo wa kuntumikila nene.

Kufuma 40:13 ပူးပေါင်းရင်းမြစ်များ

Kufuma 28:41

Vyakuzwala kwene vii, uzwike munyonko Aaloni na ana yakwe aonsi, lyene uyapake amafuta nu kuyalasika, nga uyapaatule kuti yantumikila wakwe yasimapepo.

Kufuma 29:7

Lyene utoole amafuta akusolwela nga umupongolwele pa mutwe wakwe kuti umulasike.

Kufuma 40:14

Ana yakwe nayo kwene uyalete nga uyazwike malaya.

Ezaya 61:1

Mupasi wakwe Leza wikala munondi, pano aliwe wampaka amafuta, wantuma ukukukosola ilandwe lisuma ku alanda, nu kupozya imyenzo itonte, ku kuuma imbila pa lwa kukululwa kwa azya, nu kusapulwa kwa anyepwe.

Aina Levi 7:35

Cico kwene cili ciputulwa ca mawila akocela Yawe cino capezilwe kuli Aaloni na ana yakwe pa wanda uno yapasilwe amafuta nu kuyapaatula ukuya yasimapepo.

Aina Levi 7:36

Pa wanda ulya Yawe wapeezile ilamulo ku ina Izlaeli kuti yayapeele ciputulwa cii ca mawila. Vivyo kwene vili viputulwa vyao insita zyonsi ku nkulo zinu zyonsi.

Aina Levi 8:13

Lyene Mose aleka kuti ana yakwe iize nkolelo. Alino ayazwika amakoti nu kuyanyepela misipi mu misana nga ayazwika ni cisote ca ucindami wakwe vino Yawe wapeezile ilamulo kunoli.

Yoane 17:19

Pamulandu wao nemo naitula kunuli kuya uwakwako, kuti nao kwene yaitule kunuli yaye akwako mu cumi.

Yoane 3:34

Pano wino Leza watuma wene akavwanga mazwi yakwe Leza, na Leza akamupeela Mupasi Wamuzilo.

Ayebulai 10:10

Pamulandu wakuti Yesu Klistu wacisile vino Leza walondanga kuti wene acite, swemo swensi kwene twaswefiwa kupitila mu mpolelwa ino umwisikulu waipile lyonga nupya calimwi.

Ayebulai 10:29

Uzye lyene citalalusya ku muntu wino akusula Mwana wakwe Leza? Nu ku muntu wino akalola wazi wa upangano wakwe Leza kwati cintu casilesile uno wamuswefya ku ui? Nu ku muntu wino akatuka Mupasi wino akuleta cikuku? Elenganyini kwipisya kwa kuvunukwa kuno wene alavunukwa!

1 Yoane 2:20

Lelo Klistu wene wamupolelile pakumupongolwela Mupasi Wamuzilo. Acino mwensi kwene mwamanya icumi.

1 Yoane 2:27

Lelo mwemo Klistu wamupolelela pa kumupongolwela Mupasi wakwe wikala munomuli, nupya citakulondekwa ukuti umuntu umwi amusambilizya. Mupasi Wamuzilo aliwe akamusambilizya vyonsi. Vino akamusambilizya ivya cumi visi vyaufi. Caleka mulinzile kuyela usambilizyo wakwe Mupasi Wamuzilo nga nu kwikalilila mu utandano na Klistu.