Kufuma 40:10 - Amazwi Yakwe Leza 2013

¹⁰ Lyene nupya upaatule na kavuwa ka kupelelapo uwila wakoca pamwi ni viombelo vyonsi vyakako. Kavuwa kako kamaya akamuzilo.

Kufuma 40:10 ပူးပေါင်းရင်းမြစ်များ

Kufuma 30:29

Vyonsi vii uvipaatule mu musango kwene uu, nupya viye vyamuzilo ukuluta. Nupya icili consi icilakumya vintu kwene vii naco kwene cilaya camuzilo.

Kufuma 40:11

Upaatule muyeza uwakufulalila pamwi ni citende cakwe mu musango uli onga kwene.

Ezaya 11:2

Alino Mupasi wakwe Leza aliza aikalilile penepo, Mupasi wa malango nu wa kwiluka. Mupasi wa kupanda amano nu wa maka, Mupasi wa kumanya ivintu nu koopa Yawe.

Ezaya 61:1

Mupasi wakwe Leza wikala munondi, pano aliwe wampaka amafuta, wantuma ukukukosola ilandwe lisuma ku alanda, nu kupozya imyenzo itonte, ku kuuma imbila pa lwa kukululwa kwa azya, nu kusapulwa kwa anyepwe.

Aina Levi 6:17

Pa kupanga umukate yatatikinkanyamo icitutumusi. Nayapeela ivyasyala kuti viye ciputulwa cao ca mawila yane akoca. Amawila yonsi yayo amuzilo cuze, wa mawila ya kwelela amaifyo nu wila wa cizumila mulandu.

Aina Levi 8:11

Alino atoola amafuta yamwi asansa maila cinimbali pa kavuwa na pa viombelo vyonsi vyakako. Asansa na pali muyeza uwakufulalila pamwi ni citende cakwe, kuti avipaatwile kuli Yawe.

Luka 1:35

Mungeli amwaasuka ati, “Mupasi Wamuzilo uliza panuli, na maka yakwe Leza uwa papelapela yalakuvimba. Pamulandu uu, umwana wamuzilo alaamwa u Mwana wakwe Leza.

Yoane 17:19

Pamulandu wao nemo naitula kunuli kuya uwakwako, kuti nao kwene yaitule kunuli yaye akwako mu cumi.

Yoane 3:34

Pano wino Leza watuma wene akavwanga mazwi yakwe Leza, na Leza akamupeela Mupasi Wamuzilo.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.