Kufuma 4:24 - Amazwi Yakwe Leza 2013

²⁴ Pacisila cakwe vii, Yawe akomenkanya Mose pa cifulo pano yaizi uwanda onga lino yayanga ku Eguputo. Lyene Yawe alonda kuti akome Mose.

Kufuma 4:24 ပူးပေါင်းရင်းမြစ်များ

Utandiko 17:14

Uwa monsi wensi wino atalasilamulwa atalapendelwa pamwi na antu yakwe, pano atafikilizye upangano wane.”

Utandiko 42:27

Lino yafika pa cifulo cino yaile yalala indo, wenga pano yali asapula isaka kuti apeele punda ivyakulya, nga azana impiya papela ya ngano mwi saka.

1 Yamwene 13:24

Lyene lino acili akuya, akomenkanya cisama mu museo nga cisama amukoma. Icala cakwe icilambalala mu museo, ala punda na cisama navyo ivimilila mu mbali yakweco.

1 Milandu 21:16

Davidi asanzula amanso nga alola umungeli wakwe Yawe aimi pakasi ki yulu ni nsi, ala alemile nu lupanga umwi kasa lyakwe nu kulusonta ku Yelusalemu. Lyene Davidi na ikolo yamwi, azwite insalu zyakulanga ulanda, yafupama pansi.

Kufuma 3:18

“Intunguluzi zya ina Izlaeli zilatezya cino ulazinena. Lyene wewe pamwi ni ntunguluzi zya ina Izlaeli ulinzile ukupita ku mwene waku Eguputo ukamunene uti, ‘Yawe, Leza wa Ayebulai, wataisokolola kunotuli. Ndakai tuzumilizye kuti tupite ulwendo lwa manda yatatu mu lwanga kuti tukapeele impolelwa kuli Yawe, Leza witu.’

Oseya 13:8

Ndamuzanza ndi vino iculi cikacita, cico icaticiponzya ana yakweco. Nupya ndamulepola. Ndamulya papo kwene, ndi vino cisama akacita, nu kumusantola mu tupimfya ndi vino cilyanyi camu mpanga cikacita.

Aina Levi 10:3

Lyene Mose anena Aaloni ati, “Walola! Vii, avili vino Yawe wavwanzile lino watile, ‘Onsi yano yakuntumikila yalinzile kucindika muzilo wane. Ndasokolola ululumbi ku antu yane.’ ” Lelo Aaloni aimilila myaa!