Kufuma 4:23 - Amazwi Yakwe Leza 2013

²³ Nakunenyile ukunena umwana wane umonsi iyeli apite pakuti angampepa, lelo wemo wakanyile. Cisuma! Ndakai namakoma umwana wako umonsi nupya iyeli.’ ”

Kufuma 4:23 ပူးပေါင်းရင်းမြစ်များ

Masamu 105:36

Lyene akomola amayeli yao yonsi pyu umu mpanga yao, ana yonsi aonsi amu ndupwa zyonsi zya ina Eguputo.

Masamu 135:8

Wakomozile amayeli umu Eguputo, amayeli ya antu na anyama kwene.

Masamu 136:10

Wakomile amayeli ya ina Eguputo, pano luse lwakwe ulwa pe na pee.

Masamu 78:51

Akomela kumwi na ana yao amaeli aonsi, yonsi umu nko zyonsi zyamu Eguputo. Ukuli kuti ana yano yavyalilwe umu nsakwe zyakwe Hamu, lino yacili sile na maka ya ulumendo.

Kufuma 10:3

Acino Mose na Aaloni yaya kuli Falao nga yamunena yati, “Yawe, Leza wa Ayebulai wavwanga wati, ‘Uzye amaila yanga yano ulatalama kunondi? Ta antu yane yapita, pakuti yangampepa.

Kufuma 10:4

Ndi cakuti watwalilila kukomya umwenzo ndalenga makanta kuti aize mutondo mu mpanga yako

Kufuma 11:5

Nga nu mwana umonsi iyeli lya mwina Eguputo ali wensi amaiza afwe, kutandikila kwi yeli lyakwe Falao wino wali nu kupyana pa cilimba ca wene kufika nu kwi yeli umonsi umwana wa mwanaci muzya wino akasya usu. Iyeli lya citeekwa icili consi limaiza lifwe nalyo kwene.

Kufuma 12:29

Usiku pakasi Yawe alenga kuti ana mayeli yonsi aonsi amu Eguputo yafwe. Kutandikila ku mwana umonsi iyeli lyakwe Falao, wino wali nu kupyana cilimba ca wene, kufika nu ku mwana umonsi iyeli lya munyepwe wino ali mu ng'anda yaminyololo. Nga na ana mayeli a nyama nayo kwene alenga kuti yakomwe.

Kufuma 13:15

Lino Falao wakomile umwenzo nu kukana kuti tufume mu mpanga yakwe, Yawe walenzile kuti ana mayeli ya antu na a nyama yafwe mu mpanga yonsi ya Eguputo. Uli mulandu uno tukapeela impolelwa kuli Yawe inyama zya kalume mayeli. Lelo mayeli itu aonsi tukayakulula.’

Kufuma 18:8

Lyene Mose alondolwela Yetulo vyonsi vino Yawe wacisile kuli Falao nu ku ina Eguputo, pakuti apususye aina Izlaeli. Nupya amulondolwela vino Yawe wayazwilizye mu ucuzi wao onsi, na vyonsi vino Yawe wacisile pa kuyatuula.

Kufuma 3:18

“Intunguluzi zya ina Izlaeli zilatezya cino ulazinena. Lyene wewe pamwi ni ntunguluzi zya ina Izlaeli ulinzile ukupita ku mwene waku Eguputo ukamunene uti, ‘Yawe, Leza wa Ayebulai, wataisokolola kunotuli. Ndakai tuzumilizye kuti tupite ulwendo lwa manda yatatu mu lwanga kuti tukapeele impolelwa kuli Yawe, Leza witu.’

Kufuma 5:1

Pacisila ca vintu vii, Mose na Aaloni yaya kwi sano kuli Falao nga yamunena yati, “Yawe, Leza wa ina Izlaeli, watavwanga ati, ‘Ta antu yane yapita, pakuti yangaya yakacite uzevyo wa cimulo ca kuncindika mu lwanga.’ ”

Kufuma 6:11

“Pitanga, ukanene Falao umwene waku Eguputo ukuti alinzile kuta aina Izlaeli yafume mu mpanga yakwe.”

Kufuma 7:16

Lyene uce unene Falao uti, ‘Yawe, Leza wa Ayebulai watantuma kuti nkunene ukuta antu yakwe yapita, pakuti yangaya yakamupepe mu lwanga. Lelo kufika na ndakai utasakamile kumuyela.

Kufuma 8:1

Nupya Yawe anena Mose ati, “Pita ukanene Falao uti, Yawe wavwanga wati, ‘Ta antu yane yapita, pakuti yangampepa.

Kufuma 8:16

Alino Yawe anena Mose ati, “Nena Aaloni akonzolole ikasa lyakwe aume intuwa yakwe pa lutukumbu, lyene lukungu lonsi mu mpanga ya Eguputo lumaya inkufu.”

Kufuma 8:17

Caleka Aaloni auma pa lutukumbu ni intuwa yakwe, nu lukungu lonsi lwamu mpanga ya Eguputo lusanguka luya inkufu. Inkufu zikunga antu ni nyama kwene.

Kufuma 8:20

Nupya Yawe anena Mose ati, “Uce ulaye katondotondo, ukakomenkanye Falao lino akuya ku luzi umunene uti, Yawe wavwanga wati, ‘Ta antu yane yapita, pakuti yangampepa.

Kufuma 9:1

Lyene Yawe anena Mose ati, “Pita ukanene Falao uti Yawe, Leza wa Ayebulai wavwanga wati, ‘Ta antu yane yapita, pakuti yangampepa.

Kufuma 9:13

Nupya Yawe anena Mose ati, “Mutondo katondotondo ukalolane na Falao nga umutekezye umwenzo umunene uti Yawe Leza wa Ayebulai wavwanga wati, ‘Ta antu yane yapite, pakuti yangampepa.

Kufuma 9:2

Ndi cakuti wakana kuleka antu yapite, watwalilila ukuyalesya,

Oseya 11:1

Yawe akuti, “Lino Izlaeli wali umwana munono, namutemilwe nga imwama umwanane ukufuma lino wafumile mu Eguputo.