Kufuma 4:22 - Amazwi Yakwe Leza 2013

²² Lyene ulinzile ukuyanena Falao ukuti Nene, ne Yawe navwanga nati, ‘Izlaeli umwana wane umonsi iyeli.

Kufuma 4:22 ပူးပေါင်းရင်းမြစ်များ

Masamu 89:27

Wene ali yeli lyane, umukulu pali yamwene yonsi apano nsi.

Kufuma 6:11

“Pitanga, ukanene Falao umwene waku Eguputo ukuti alinzile kuta aina Izlaeli yafume mu mpanga yakwe.”

Kufuma 7:16

Lyene uce unene Falao uti, ‘Yawe, Leza wa Ayebulai watantuma kuti nkunene ukuta antu yakwe yapita, pakuti yangaya yakamupepe mu lwanga. Lelo kufika na ndakai utasakamile kumuyela.

Ezaya 63:16

Pano wewe kwene wewe uli Tata. Abulaamu atatumanya, Yakobo atatumanya. Lelo wemo we Yawe, wewe uli Tata, wewe uli Katuula witu pee. Ilili zina lyako ilyampiti na mpiti.

Ezaya 64:8

Lelo kwene we Yawe, ala wewe uli Tata. Swemo twaya sile wa mbuulo, nawe wakwe nakamata. Umucumi awewe watuumba.

Yelemiya 2:14

Uzye Izlaeli umuomvi, nanti umuzya uwavyalilwe mu ng'anda? Uzye pacani fwandi cino anisi yamuzunyizya?

Yelemiya 31:9

Apa kupita yapisile ala yakulila. Lelo ndayamyalalika pa kuweluluka. Ndayatungulula ku nguzi zya manzi, umu nzila itambalale, muno yatalapumika foo, pano anene ndi isi wakwe Izlaeli na Efulemu ali yeli lyane.

Oseya 11:1

Yawe akuti, “Lino Izlaeli wali umwana munono, namutemilwe nga imwama umwanane ukufuma lino wafumile mu Eguputo.

Malaki 1:6

Yawe Wamaka yonsi wavwanga wati, “Umwana umonsi akacindika isi, nga umuomvi akaoopa umusambazi wakwe. Ndi cakuti nene so, lyene pacani cino musincindikila? Ndi nene musambazi winu, lyene pacani cino musyangopa? Mwe yasimapepo mwemwe mukansuula. Lelo mukauzya muti, ‘Uzye tukakusuula umu nzila cii?’

Mateo 2:15

Aikala kweneko kufika lino Helodi wafwa, kuti cifikiliziwe cino Mwene wavwanzile kupitila muli kasema ati, “Namile mwanane umonsi kufuma ku Eguputo.”

Loma 9:4

Yene antu yakwe Leza yano wasolola kuti yaye ana yakwe, nga nu kusokolola lulumbi lwakwe kunoyali. Leza wacisile cipangano nao nu kuyapela Masunde. Wayasambilizye vino yangamupepa mucumi. Wafikilizye malayo yakwe kunoyali.

2 Kolinto 6:18

nu kuya So. Namwe mulaya ana yane aonsi na yakaci, avino Mwene wa maka yonsi walanda.”

Malango 14:1

“Mwemwe antu yakwe Yawe Leza winu. Ali cino fwandi lino mukulosya, cisi cakwezya ukuicembola inkalo nanti ukupela ulukuzu.

Malango 32:6

Uzye icumi ali vino mungacita kuli Yawe, mwe viwelewele vya antu, mwe mbutuma mwe? Ala wene ali so, uwa muumvile, uwamucisile ukuya uluko.

Ayebulai 12:23

Mwati mwiza ku ukongano wa luzango wa ana mayeli yakwe Leza yano mazina yao yalembwa mwiyulu. Mwati mwiza kuli Leza kapingula wa antu onsi, nu ku mipasi ya antu asuma yano Leza walula kuya afumaluke.

Yakobo 1:18

Ku kulonda kwakwe umwisikulu wene watupeela umi kupitila mwi Landwe lya cumi, kuti tuye wa vizao vyankolelo pa viumbwa vyonsi.