Kufuma 4:2 - Amazwi Yakwe Leza 2013

² Caleka Yawe auzya Mose ati, “Uzye ulemile cani?” Nawe aasuka ati, “Ndemile intuwa.”

Kufuma 4:2 ပူးပေါင်းရင်းမြစ်များ

Utandiko 30:37

Alino Yakobo aya atema misambo iyisi ya miti iyakolana ni mifungo, na makole na yanamunsi nga aiza afopola kuti yaloleka iya mingololozi itiswe.

2 Yamwene 4:2

Elisya nawe auzya mukamfwilwa wilya ati, “Ale lelo cino ukulonda kuli nene icani, cakuti inkwazwilizye? Uzye utakweti icakuti ungalya uku ng'anda ukwako?” Mukamfwilwa nawe aasuka ati, “Nemo ntakweti nanti cimwi icakulya, nu mu musazi wane muli sile utumafuta tunono sana utwakwelekela.”

Masamu 110:2

Yawe alasandulula amaka yako a wene, ukufuma ku Zioni. Wene akuti, “Yaa umwene wakuteeka anisi yako!”

Kufuma 4:17

Senda intuwa ii, pano ali ino ulaomvya pa kucita vizungusyo.”

Kufuma 4:20

Caleka Mose atoola umuci na ana yakwe aonsi, ayakwezya pali punda, nga yonsi pamwi yakatuka ulwendo lwakuswilila ku Eguputo, ala asenzile intuwa ino Leza wamunenyile kusenda.

Kufuma 7:15

Caleka mutondo uce upite ukamukomenkanye katondo lino akuya ku Luzi lwa Nailo. Uce usende intuwa ino yasangwike inzoka, alino ukamulolela mumbali ya luzi.

Kufuma 7:9

“Lino Falao aluzya wewe na Aaloni kuti mucite vizungusyo vya kusininkizya ukuti Leza winu watamutuma, lyene wewe Mose ulinzile ukupeela ilamulo kuli Aaloni kuti asumbe intuwa yakwe pansi ino akapitila, ku nkolelo yakwe Falao. Intuwa iyo ilasanguka iye inzoka.”

Ezaya 11:4

Lelo umololoke wene alaputula imilandu ya antu aulilwa, nga nu kupingwila alanda amunsi umu ulungami. Izwi lyakwe lili wa ntuwa ya kuumila alukang'ansi aipe. Nu mupu wamu mulomo wakwe ulakoma umwipe.

Aina Levi 27:32

Yonga pa nyama zyamu viteekwa ikumi iyakwe Yawe. Lino inyama zizyo zikupendwa, cila nyama yalenga ikumi iyakwe Yawe.

Mika 7:14

We Yawe sungala wacema antu yako uku nsonzo yakuyakumbilizya, utungulule ufyo wa mfwele zyako zino waisolwela. Ndakai zitenzi zyonga mu mutengo, mu mpanga yamulemvwe yakucemelamo ivunde. Lelo zitini ziye zikalye mu mpanga yamulemvwe, yakucemelamo yaku Basyani nu ku Gileadi, ndi vino cali mu manda ampiti.