Kufuma 4:12 - Amazwi Yakwe Leza 2013

¹² Acino ndakai pitanga! Ndalenga kuti uvwange nupya ndakunena ivyakuvwanga.”

Kufuma 4:12 ပူးပေါင်းရင်းမြစ်များ

Masamu 105:26

Watumile Mose umuomvi wakwe pamwi na Aloni, yano wasolwile umweneco.

Masamu 143:10

Unsambilizye ukucita ukulonda kwako, pano wewe uli Leza wane. Uye umusuma kunondi, untungulule umu nzila ilungamane.

Masamu 32:9

Utezya ukuya wakwe punda, nanti nyumbu iyo ino itakwata amano. Yene suka sile iyaifyantika icela umu kanwa nga nu mukowa, ali pakuyela nu kutontelela.”

Kufuma 3:12

Lelo Leza amunena ati, “Ndaya nawe, nupya lino ulafumya antu mu Eguputo uliza umpepe pa mwamba kwene uu. Cico cilaya cisininkizyo cakuti nene nakutuma.”

Kufuma 4:13

Lelo Mose aasuka ati, “Awe Yawe, napapata tuma umuntu muze.”

Kufuma 4:15

Uce uvwange kunoli umunene ivyakuvwanga. Mweili kwene ndalenga kuti muvwange, nupya ndamunena vyakucita.

Kufuma 4:16

Aaloni alaakuvwangila ku antu mu cifulo cako. Wemo kunoli ulaya wakwe Leza, ule ukumunena ivyakuvwanga.

Ezaya 49:2

Wene waleka na kanwa kane kuti kaye akakalipisye wa lupanga, nupya umweneco aliwe amansunganga. Wancita wa luceto ulusongole, wamfisa nu munyambi yakwe.

Ezaya 50:4

Yawe Simwandalali wampile ululimi lwa kumanya vyakulanda, apakuti ningakomelezya yayo atovoke. Cila katondo akanzyula, nu kuleka amatwi yane yatezye, wa muntu akusambilila.

Yelemiya 1:9

Lyene Yawe atambika ikasa lyakwe, nga ankumya na pa milomo avwanga ati, “Lola, namaika amazwi yane mu kanwa kako.

Mpendwa 16:28

Alino Mose anena antu ati, “Vii, avili vino mumamanya ukuti Yawe watantuma kuti ncite vintu vii vyonsi nu kuti asi kukulonda kwane kuno nacita vintu vii.

Mako 13:11

Lyene lino mpelelekezyo itali ifike yalamulema nu kumutwala mu cilye ca milandu mutakalanguluke nkolelo pali vino mulavwanga. Lino nsita iliza, muce muvwange cino cilapelwa kunomuli. Pano mazwi yano mulavwanga yatalaya mazwi inu, lelo yalafuma kuli Mupasi Wamuzilo.

Luka 11:1

Yesu wapepanga mu cifulo cimwi. Lino wamala, wenga uwamu alondezi yakwe amunena ati, “Mwene, tusambilizye kupepa, ndi vino Yoane Kawatizya wasambilizye alondezi yakwe.”

Yoane 14:26

Lelo kaazwa, Mupasi Wamuzilo, wino Tata alatuma mwi zina lyane, wene alamusambilizya vintu vyonsi nu kumwiusya vyonsi vino namunena.

Efeso 6:19

Nani kwene mwampepelako kuti Leza ampeele Landwe navwanga nu kupama apa kuleka kuti nkama i Landwe Lisuma imanyikwe.

Malango 18:18

Ndayatumila kasema akoline nawe ukufuma mu antu yao kololo. Ndamunena ivya kuvwanga, nga nawe alayanena vintu vyonsi vino ndamupeela ilamulo kuti alande.