Kufuma 4:10 - Amazwi Yakwe Leza 2013

¹⁰ Lelo Mose anena Yawe ati, “Awe Yawe, utantuma. Nemo ntamanya kuvwanga ningo ukufuma mpiti, nanti aepa kwene pano utandikile kuvwanga nani. Lulimi lwane lwanyoma nupya nkatitisya.”

Kufuma 4:10 ပူးပေါင်းရင်းမြစ်များ

Yobo 12:2

“Ica cumi nasininkizya mwemwe antu yamano. Na lino mulafwa ale na mano inu kwene yapongelela kumwi.

Kufuma 3:11

Lelo Mose anena Leza ati, “Nga nene weni! Uzye icitonte kuti ningaya kuli Falao imunene aleke mfumye aina Izlaeli mu Eguputo?”

Kufuma 4:1

Lyene Mose aasuka Yawe ati, “Nga ndi aina Izlaeli yatantaile, yakana nu kuvwa vino ndayanena, ndi yavwanga yati, ‘Yawe atalolike kunuli.’ Uzye ndacita cani?”

Kufuma 6:12

Lelo Mose aasuka ati, “Ndi aina Izlaeli nayo kwene yatangayuvwe amazwi yane, uzye Falao wene anganguvwa? Mwine ntamanya kuvwanga ningo.”

Kufuma 6:30

Lelo Mose aasuka ati, “Wamanya ukuti ntamanya kuvwanga ningo. Uzye Falao wene anganguvwa?”

Yelemiya 1:6

Nani ali pakwasuka inti, “Iye, we Yawe Simwandalali! Lola nemo nene mwance, nupya ntamanya ivyakuvwanga.”

Mika 6:4

Nemo namufumizye mu mpanga ya Eguputo. Namupuswisye ku uzya umu mpanga muno mwali azya. Alino ntuma Mose, Aloni, na Milyamu kuti yamutungulule.

Milimo 7:22

Lyene Mose wasambiliziwe mano yonsi amu Eguputo, aya na maka mu kuvwanga nu mu vicitwa.

2 Kolinto 10:10

Yamwi muno muli yakuti, “Makalata yakwe Paulo yaya na mazwi akome nupya a maka. Lelo lino ali pamwi naswe, pa manso itu, wene umutonte, nupya mazwi yakwe yasyasenula cimwi.”

2 Kolinto 11:6

Nemo ntange ndande ndi vino yene yakalanda, lelo manyile vingi. Nupya twalondolola ningo kuno muli.