Kufuma 39:1 - Amazwi Yakwe Leza 2013

¹ Lyene yapanga vyakuzwala vyakwe pamba vya cifungo, viyenzulukile ni viyenzu vyakwe yasimapepo vipikulwe, vyakuzwala lino yakutumikila mu Ncende Yamuzilo. Yapanga ni vyakuzwala vyamuzilo vyakwe Aaloni wakwe vino Yawe wapeezile ilamulo kuli Mose.

Kufuma 39:1 ပူးပေါင်းရင်းမြစ်များ

Masamu 93:5

We Yawe, ala amasunde yako yaya acumi pee na pee, ni sano lyako liye ilya kuyelelela ilyamuzilo mpaka umuyayaya.

Kufuma 25:4

insalu zya cifungo, ni ziyenzulukile, nga ni nsalu ziyenzu zyakwe pamba, insalu zyapangilwa na mavumbu ya mbuzi.

Kufuma 26:1

Yawe avwanga ati, “Upange Itaalu uomvye insalu ikumi zya cifungo zipangwe ningo, nupya ni nsalu zyacifuvya, nga ni ziyenzulukile na wulu muyenzu. Pa nsalu zikwene upikulepo yakelubi.

Kufuma 28:5

Antu yano yamanya kusuma, yaomvye usavu wakwe zaabu, wa cifungo, wacifuvya, uyenzu nga na bafuta mutelepe nupya mupangwe ningo.

Kufuma 31:10

vyakuzwala vipikulwe, nga ni vyakuzwala vyamuzilo vyakwe simapepo Aaloni alino ni vyakuzwala vya ana yakwe aonsi vino yalinzile kuzwala pa kuomba imilimo ya usimapepo,

Kufuma 35:19

Nupya yaleta vyakuzwala vipikulwe vyakuzwala yasimapepo akutumikila mu Ncende Yamuzilo, nga ni vyakuzwala vyamuzilo vyakwe simapepo Aloni, alino ni vyakuzwala vya ana yakwe aonsi vino yalinzile kuzwala pa kuomba imilimo ya usimapepo.”

Kufuma 35:23

Cila muntu wino wali na pamba wa cifungo, muyenzulukile, nu muyenzu, ni nsalu yakwe bafuta ni nsalu zya mavumbu ya mbuzi, mikwela ya mfwele ivumvunye mu viyenzu ni mikwela ya mbuzi, aleta kuli Yawe. Ali wensi aleta vino ali navyo.

Kufuma 38:31

vikalilo vya ncesi zya musolo onsi kuzinguluka ni vyapa mpongolo. Alino ni mpopo zyonsi zi Taalu lyakwe Yawe ni zya musolo onsi kuzinguluka.

Kufuma 39:41

Nupya yaleta vyakuzwala vipikulwe vyakuzwala yasimapepo akutumikila mu Ncende Yamuzilo, nga ni vyakuzwala vyamuzilo vyakwe Aaloni simapepo, alino ni vyakuzwala vya ana yakwe aonsi vino yalinzile kuzwala pa kuomba imilimo ya usimapepo.

Ezekelo 42:14

Lino yasimapepo yamala ukuomba mu Ng'anda ikulu yakwe Leza, nga yalonda kufumila mu musolo wa mwi linga lya kunzi, yali nu kutala yasya mu miputule kwene iyo vyakuzwala vyamuzilo vino yali yazwite lino yakuombela Yawe. Alino nupya yali nu kuzwala insalu zyuze pakuya ku ncende kuno antu yakolongine.”

Ezekelo 43:12

Likwene lili lamulo lya Ng'anda ikulu yakwe Leza ino ilakuulwa papela ya mwamba. Incende yonsi apapela ya mwamba ukuzinguluka ing'anda iyo ilaya iyamuzilo kuluta. Likwene lili lamulo lya Ng'anda ikulu yakwe Leza.”

Ayebulai 9:12

Lino Klistu wingile lyonga mwitaalu, nu kwingilila limwi mu Ncende Yamuzilo Kuluta wene atasenzile wazi wa mbuzi na yacipambasi ya ng'ombe kuti apeele impolelwa. Lelo wene wasenzile wazi wakwe umwisikulu nu kutulonkela ukuluzi.

Ayebulai 9:25

Simapepo Mukulu wa Ciyuda wingilanga mu Ncende Yamuzilo Kuluta lyonga cila mwaka, ala asenzile wazi wa nyama. Lelo Klistu atingile kwiyulu kuti apeela impolelwa lili lili,