Kufuma 38:24 - Amazwi Yakwe Leza 2013

²⁴ Zaabu wensi wino yaomvizye pakupanga Itaalu lyamuzilo wali a zaabu wino antu yapile ukufuma pa wila wa kuswelula, nupya wanyomile makilogalamu izimbi lyonga, kulondela cipimilo caku ng'anda yakwe Leza.

Kufuma 38:24 ပူးပေါင်းရင်းမြစ်များ

Kufuma 25:2

“Nena aina Izlaeli kuti yapeele amawila yao kunondi. Lyene upokelele ca wila uli onsi uno cila muntu akulonda ukupeela.

Kufuma 29:24

Cakulya consi cii uciike mu makasa yakwe Aaloni nu mu makasa ya ana yakwe, alino yao kwene yauswelwile pa manso yakwe ne Yawe wa wila wakuswelula.

Kufuma 30:24

makilogalamu mutanda yakwe akasya (vyonsi vii kulondela cipimilo caku Ng'anda ikulu yakwe Leza). Nupya mungilizye amafuta amu olivi akulingana malita yani.

Kufuma 35:22

Alino yonsi akasi yiiza, aonsi na anaci kwene. Cila muntu kulingana nu kulonda kwakwe aleta vyakuyemvya vyakuzwala, amaelena, vilemelo, ukasi wakuzwala mu nsingo, ni viyembelo vyuze vyakwe zaabu. Cila muntu aleta vyakwe zaabu vino wapaatwile wa wila wakuswelwila Yawe.

Aina Levi 27:25

Mitengo yakwe vyonsi ilinzile kwikwa kulingana ni cipimilo caku Ng'anda ikulu yakwe Leza

Aina Levi 27:3

Pa muntu umonsi ukufuma pa wa myaka amakumi yaili kufika pa wa myaka amakumi mutanda yakuvyalwa, alinzile ukulipa yasiluva amakumi yasano ukulingana ni cipimo ca ku Ng'anda ikulu yakwe Leza.

Aina Levi 5:15

Muntu umwi ndi watala mulandu mu kuntamanya, pa kuposiwa ukulipa ivyamuzilo kuli Yawe, wene alinzile ukuleta impolelwa kuli Yawe, suuku nanti sawe uwaula ulema, iye uwila wa cizumila mulandu. Umutengo wakweyo ulinzile kupimwa kulingana ni cipimo ca ku Ng'anda ikulu yakwe Leza. Ukwene uli wila wa cizumila mulandu.

Hagai 2:8

Siluva na zaabu vyonsi ivyakwane.

Mpendwa 18:16

Uce ulikulule ndi lyakwanya umwezi onga. Uike umutengo waliko ukulingana ni cipimilo caku Ng'anda ikulu yakwe Leza.

Mpendwa 3:47

Pali cila mwana mulinzile ukulipa impiya zyakwe siluva zisano kulingana ni cipimilo caku Ng'anda ikulu yakwe Leza.