Kufuma 38:21 - Amazwi Yakwe Leza 2013

²¹ Ii, iili mpendwa yakwe zaabu, siluva, nu mukuwa vino yaombile imilimo mwi Taalu lyakwe Yawe, mumo muno vipampa vya mawe apalemvilwe Masunde vyasungwa wakwe vino Mose wapeezile ilamulo. Aina Levi ali yano yali nu ulasi wa kuvipenda, nupya uwayatungululanga a Itamali umwana wakwe Aaloni simapepo.

Kufuma 38:21 ပူးပေါင်းရင်းမြစ်များ

1 Milandu 6:3

Ana yakwe Amulamu a Aloni, Mose na Milyamu. Ana aonsi yakwe Aaloni a Nadabu, Abiu, Eleaza na Itamali.

2 Milandu 24:6

Cico icalenzile kuti umwene aame Yeoyada simapepo mukalamba nga amuuzya ati, “Uzye pacani cino utanena aina Levi kuti yasonkesye impiya ku Yuda nu ku Yelusalemu, zino Mose umuomvi wakwe Yawe wapile ilamulo kwi uvi lyonsi lya ina Izlaeli kuti yasonke, izya kuomvya ku milimo ya Ng'anda ikulu yakwe Yawe?”

Yobo 11:4

Wemo ukunena Leza uti, ‘Vino nataila ivyampomvu, nene wakaele apa manso yako.’

Yobo 22:23

Ndi wala waweluluka kuli Leza Wamaka yonsi, waicefya nu kuizilizya umukasi ka ng'anda yako,

Yobo 26:1

Lyene Yobo aasuka ati,

Masamu 15:1

We Yawe, uzye aweni alingila umwi taalu lyako? Uzye aweni alikala apa mwamba wako uwamuzilo?

Kufuma 25:16

Mu Mbokosi amuno ulika vipampa vya mawe yaili yano yalembwapo amasunde.

Kufuma 26:33

Ukoweke insalu yakucingilikizya ku tukoweko alino kwi tundu ya nsalu yakucingilikizya wike Mbokosi ya Upangano mukasi ino ikweti vipampa vya mawe yaili. Insalu iyo yakucingilikizya ilapaatukanya Ncende Yamuzilo ni Ncende Yamuzilo kuluta.

Kufuma 38:20

Lelo impopo zi Taalu lyakwe Yawe nga ni mpopo zya nsalu zyakucingilikizyaa umusolo, zyonsi zyali zya mukuwa.

Kufuma 38:22

Lyene Bezalele umwana wakwe Uli, mwizikulu wakwe Huli uwamu mutundu wakwe Yuda apanga vyonsi vino Yawe wapeezile ilamulo kuli Mose kuti apange.

Kufuma 40:3

Mbokosi ya Upangano umuli amawe ya umboni uwike muno kwene, nupya Mbokosi ya Upangano iyo uivimbe ni nsalu pakuti uicingilile.

Kufuma 6:23

Aaloni watozile Elisyeba, umwana wa kaci wakwe Aminadabu, nupya uwali kaci wakwe Nasyoni. Wene wamuvyalile Nadabu, Abiu, Eleaza, na Itamali.

Mpendwa 1:50

Mucifulo cakwe cico, yene muce muyapeele umulimo wa kuwaka Itaalu lya Ukongano pamwi ni viombelo vyonsi ivyayamo. Ali yano yali nu kulisenda kumwi ni viombelo ivyayamo, nga nu kutumika mwenemo, nu kukuula insakwe ukulizingulusya.

Mpendwa 1:53

Lelo aina Levi yali nu kusimpa mataalu yao ukuzinguluka Itaalu lya Ukongano kuti yalicingilila, pakuti ukali wakwe Yawe utafulumila aina Izlaeli.”

Mpendwa 10:11

Pa wanda uwalenga amakumi yaili, mu mwezi wakwe ciili kwene mu mwaka wakwe ciili, ikumbi ilikatuka lifuma papela yi Taalu lya Ukongano.

Mpendwa 18:2

Lekini anyonko amu mutundu wakwe Levi, umutundu wakwe so, yapalamile kunomuli. Yalinzile yamwazwilizya mu kuomba pa nkolelo yi Taalu lya Ukongano.

Mpendwa 24:5

Iye mwe! Avino amataalu yako yazipa we Yakobo, ni ncende zyako usuma we Izlaeli!

Mpendwa 9:15

Uwanda kwene uno yasimfile Itaalu lya Ukongano, ikumbi lizile livimbilizya Itaalu. Ukutandika sile amanguzi lino ilanzi lyatemba mpaka kufika na katondo, ikumbi lyali papa kwene papeela ala likuloleka wa moto.

Mateo 17:4

Petulo anena Yesu ati, “Mwene, catuzipila kuti twali tutenzi kuno kwene. Ndu kasi, namakuula insakwe zitatu, yonga iyakwako, yuze iyakwe Mose, nayuze iyakwe Eliya.”

Milimo 7:44

“Ivikolwe vitu vyali ni Taalu lya kulanga vino Leza wali nao mu lwanga. Lyapanzilwe wakwe vino Leza wanenyile Mose kulipanga, kulingana na vino Mose yamulanzile mu cilolwa.

2 Kolinto 5:1

Umwili uno twakwata pano pansi waya wa mutanda. Twamanya vino umutanda ndi waca ononeka tukweti ng'anda yuze kwi yulu, yene itakulwa na makasa ya antu nupya iyape na pe.

Ayebulai 8:2

Wene ali Simapepo Mukulu wino akatumikila mukasi mu Ncende ya Muzilo kuluta. Kuli kuti mwi tenti lya cumi lino limikwa nu Mwene, asi muntu foo.

Ayebulai 9:11

Lelo Klistu wiza wakwe Simapepo Mukulu wa vintu visuma vino vili pano. Itaalu muno wene akutumikila ilikulu nupya ilifumaluke cuze. Lyene litapanzilwe nu muntu. Kuli kuti lyene lisi lya pano nsi.

2 Petulo 1:13

Lyonsi lino ncili nu umi canzipila kuti ntwalilile kumwiusya vintu vii.

Umbwilo 11:19

Mulyango wa Ng'anda ikulu yakwe Leza mwiyulu wayuzilwe nga ni Mbokosi ya Upangano yalolike mukasi ka Ng'anda ikulu yakwe Leza. Kwali kumyansya kwa nkuwa nu kuvwa kupangalansya. Alino kuya ni cilundumusi nga ni citalawe cikulu.

Umbwilo 15:5

Pacisila cakwe vii naweni Ng'anda ikulu yakwe Leza mwiyulu ala yati yulwa, nupya mwali ni taalu lyakulanga ukuti Leza ali mwenemo.

Umbwilo 21:3

Alino nuvwa izwi likulu likulanda kufuma ku cilimba ca wene liti, “Ndakai uwikalo wakwe Leza uli pamwi na antu! Wene amaikalanga nao nupya yene yalaya antu yakwe. Leza umwisikulu alaya nao nupya wene alaya ali Leza wao.