Kufuma 32:7 - Amazwi Yakwe Leza 2013

⁷ Lilyo kwene Yawe anena Mose ati, “Kalaufya, ika ku mwamba swilila pamulandu wakuti antu yako yano watungulwile pa kuyafumya mu Eguputo, yatiyaifya nupya yatiyankana.

Kufuma 32:7 ပူးပေါင်းရင်းမြစ်များ

2 Milandu 27:2

Wene wacitanga ivintu ivisuma pa manso yakwe Yawe, ndi vino isi Uziya wacitanga.

Masamu 78:36

Lelo kwene amazwi yao yali aufi sile, ni mivwangile yao yali iya ndimi ziili.

Kufuma 19:24

Lyene Yawe aasuka ati, “Iika pansi nga utoole Aaloni wize nawe kuno. Lelo yasimapepo na antu yatalinzile kuciluka nande kuti iize kunondi. Ndi asi vivyo, ndayavunuka.”

Kufuma 32:1

Lino antu yalola ukuti Mose walengela kwika ku mwamba atawezile, iyakongana kuli Aloni. Alino yamunena yati, “Iza kuno utupangile leza wakuti atutungulula, pamulandu wakuti tutamanyile cino cati ciponela Mose wino uwatutungulwile pa kufuma mu Eguputo.”

Kufuma 32:11

Lelo Mose apapata kuli Yawe ati, “Mwe Yawe, pacani cino mwasokela antu inu musango uu, antu yano mwafumizye mu uzya mu Eguputo, ku maka inu akulu nu kwi kasa linu lya maka?

Kufuma 32:4

Lyene Aaloni apokelela amaelena yakwe zaabu ukufuma kunoyali, alino ayasungulula, apanga unkolanya wa mwana wa ng'ombe mu cikombole. Lyene antu iyatandika kupunda yati, “Mwe ina Izlaeli, Leza witu auwi wino watufumizye mu Eguputo.”

Kufuma 33:1

Pacisila ca vintu vii Yawe anena Mose ati, “Ufume kuno pamwi na antu yano wizile nayo ukufuma ku Eguputo uye ku mpanga ino nalavile ukuti indapeela Abulaamu, Isaki na Yakobo. Pa nsita, kwene ilya nayanenyile antu yalya inti, Mpanga kwene ii indaipela ku amu mupanda wao.

Ezaya 1:4

Mwatipwa sile mwe mutundu wa maifyo mwe! Ala mwemwe antu yononeke uku uyi, mwe antu yaipe mwe! Uyi winu wamukowezya. Mwemo mwasisya na mano inu kuli Yawe, Wamuzilo wakwe Izlaeli mwamufutatila.

Danieli 9:24

“Imyaka cinimbali amaila amakumi cinimbali ili nsita ino Leza wika iyakuleka antu yako kumwi nu musumba wamuzilo yaye antungwa ukufuma ku maifyo ni nkota. Amaifyo yalelelwa nu ulungi wa manda pe uye kweneko, apakuti cilolwa nu usemo vikafikiliziwe, nga ni Ng'anda ikulu yamuzilo yakwe Leza ikapelwe kuli Leza nupya.

Oseya 9:9

Antu yipilako ndi vino cacitike ku Gibeya. Pamulandu wakwe cico Leza atalilila uyi wao, nupya alayavunuka pa maifyo yao.

Malango 31:29

Natimanya ukuti pacisila ca mfwa yane antu mulaya yakacita ya nkota nupya mulakana ivintu vino namusambilizya. Nga ukunkolelo amazanzo yalamuponela, pamulandu wakuti mwemo mulacita ivintu ivilalenga ukuti Yawe asoke, vino wene walesya.”

Malango 32:5

Lelo mwemo musi akutailwa, nupya mutalinzile ukuya antu yakwe, mwe luko lwa nkota nupya lwa usomvi.

Malango 4:16

Pakuti cimuzipile mwemwe, musininkizye ukuti mutakezye ukwifya pa kuipangila akaluwi mu musango uli onsi, akakukolanya ku monsi nanti ku mwanaci,

Malango 9:12

“Lyene alino Yawe wanenyile ati, ‘Tentemuka ukufuma pano likwene, pamulandu wakuti antu yano wafumizye mu Eguputo yatiyiifya. Yene yatiyafutatila zuwazuwa ilamulo lino nayapeezile nga yatiyaipangila akaluwi.’

Malango 9:8

Nu ku Mwamba wa Holebu kwene mwemo mwakatwisye ukali wakwe Yawe cakuti asoka mpaka cilingana nu konona mwemwe.

Yakapingula 2:19

Lelo lino intunguluzi ilya yafwa, yene iyaswilila ku miyele iipisye ukuluta iya vikolwe vyao, yala yakulondela nu kutumikila nu kupepa tuleza tuze. Yene iyakana ukuta ivicitwa vyao ivyankota ni miyele yao iyakutalama.