Kufuma 32:5 - Amazwi Yakwe Leza 2013

⁵ Aaloni lino walola vii, apanga kavuwa ku nkolelo ya mwana wa ng'ombe wakwe zaabu. Lyene Aaloni auma imbila ati, “Mutondo kulaya kuzevya kwa kucindika Yawe.”

Kufuma 32:5 ပူးပေါင်းရင်းမြစ်များ

1 Yamwene 21:9

Mu makalata yayo walemvile amazwi ati, “Muce mufunge icakulya pa wanda onga. Alino mukakonganike antu pali pamwi. Naboti muce mumupeele cilimba cikalamba ca mucinzi.

2 Yamwene 10:20

Alino Yeu avwanga ati, “Konganikini antu pakuti kuye ukupepa Baali.” Nga antu yuma imbila wakwe cimwi.

2 Yamwene 16:11

Uliya nawe ali pakukuula kavuwa wakwe kaka kwene nu kukamalila zuwazuwa lino umwene Aazi atacili afike, ukulingana nu wanziko uno umwene Aazi wamupile ukufuma ku Damasiko.

2 Milandu 30:5

Nga ali pakwelenganya ukuuma imbila konsi mu Izlaeli, ukutandikila ku Belisyeba mpaka ukufika nu ku mpanga yakwe Dani, apakuti antu yangiiza uku Yelusalemu uku kuzevya Cimulo ca Ucilo cakwe Yawe, Leza wa ina Izlaeli ukulingana ni sunde. Nu kuti cazipa yiize avulisye ukuluta vino cali mu myaka ya kucisila.

Kufuma 10:9

Mose aasuka ati, “Swensi pyu tumapita pamwi na ana itu nga na akote kwene. Tukusenda ana itu aonsi na anaci, imfwele ni mbuzi nga ni ng'ombe, pamulandu wakuti tulinzile kuyazevya cimulo ca kucindikilamo Yawe.”

Kufuma 12:14

Uwanda uu, uwa ciusizyo. Mulinzile kuzevya pa wanda wakucindikilapo Nene ne Yawe. Mwazevya uwanda uu mu mikulo inu yonsi.”

Kufuma 17:15

Lyene Mose akuula kavuwa nu kukatemela izina ati, “Yawe ali luunga lwane.”

Kufuma 32:4

Lyene Aaloni apokelela amaelena yakwe zaabu ukufuma kunoyali, alino ayasungulula, apanga unkolanya wa mwana wa ng'ombe mu cikombole. Lyene antu iyatandika kupunda yati, “Mwe ina Izlaeli, Leza witu auwi wino watufumizye mu Eguputo.”

Kufuma 32:6

Caleka uwanda walondelela katondotondo yapeela impolelwa amawila yakoca nga yapeela na mawila autandano. Lyene antu iikala pansi iyatandika ukulya nu kumwa, alino nu kucina kwa uzelele.

Oseya 8:11

“Aluko lwakwe Efulemu yapanzile utuvuwa utwingi utwa mawila ya kwelela amaifyo. Lelo utuvuwa tuto yatusangula incende yakwifizya penepo.

Oseya 8:14

Aina Izlaeli yaikuulila amang'anda akulu asuma. Amu luko lwakwe Yuda yavuzya imisumba ya malinga. Lelo nemo ndaponyezya umoto apa misumba yao iyo, nga umoto uo uloca amang'anda yao yalya akulu.”

Aina Levi 23:2

“Nena aina Izlaeli uti, ‘Manda akuzevya yano nasolola akucindika Yawe, yano mulinzile kumanyisya kuti yaye amaukongano yamuzilo, amanda yakuzevya yano Nene nasolola aeya:

Aina Levi 23:21

Pa wanda uwo mulaomba imilimo inu ya cila wanda. Lelo mwakongana ku mapepo. Amu mupanda winu yali nu kusunga ilamulo lii amanda yonsi, usi mulandu na kuno yalaya yakikale.

Aina Levi 23:37

“‘Vii, vili vimulo vya upefi lino mukucindika Yawe pa kukongana pamwi ku mapepo, nu kupeela amawila akocela Yawe, amawila yakoca, amawila ya cakulya, impolelwa nga na mawila ya vyakumwa kulingana navino cikulondekwa uwanda nu wanda.

Aina Levi 23:4

Mwazevya ivimulo vii pa nsita zino vyasontwa.

1 Kolinto 5:8

Caleka mutazevya Cimulo cii lino mukucita viipe nu ukakasi. Cii cikoline wa kupelwa kwa mukate usi ni citutumusi, uno ukaswefya mwenzo nupya uwa cumi.

1 Samueli 14:35

Lyene Saulo akuulila Yawe kavuwa, nupya kali a kavuwa kakutandika kano wene wakuulile Yawe.