Kufuma 32:4 - Amazwi Yakwe Leza 2013

⁴ Lyene Aaloni apokelela amaelena yakwe zaabu ukufuma kunoyali, alino ayasungulula, apanga unkolanya wa mwana wa ng'ombe mu cikombole. Lyene antu iyatandika kupunda yati, “Mwe ina Izlaeli, Leza witu auwi wino watufumizye mu Eguputo.”

Kufuma 32:4 ပူးပေါင်းရင်းမြစ်များ

1 Yamwene 12:28

Pacisila ca kwelenganya vivyo, umwene wilya ali pakupanga utwana twa ng'ombe twiili twakwe zaabu. Alino anena antu yakwe ati, “Palengela sana mwemo mwalamwaya ku Yelusalemu ku kupepa. Mwe ina Izlaeli mwe, ala tuleza twinu aetu, utwamufumizye mu mpanga ya Eguputo!”

1 Yamwene 12:32

Alino Yeloboamu wateinye uzevyo pa wanda uwalenga ikumi na yasano mu mwezi wakwe cinani, ukulingana nu wanda uno yateinye ku Yuda, nga apeela ni mpolelwa pa kavuwa. Wacisile ivintu vii ku Betele, ala akupeela impolelwa ku twana twa ng'ombe utuluwi twakwe zaabu tuno wapanzile. Nupya ku Betele kuko aikako na yasimapepo akutumikila pa ncende zino yakapepela mwenemo zino wakuula.

2 Yamwene 10:20

Alino Yeu avwanga ati, “Konganikini antu pakuti kuye ukupepa Baali.” Nga antu yuma imbila wakwe cimwi.

2 Yamwene 10:29

Lelo Yeu atatelelile ukucita iviipe vino umwene Yeloboamu umwana wakwe Nebati wacitanga, vivyo vino walenzile kuti na ina Izlaeli yacita. Atatiile kupepa utwana twa ng'ombe twakwe zaabu ku Betele nu ku Dani.

2 Milandu 11:15

Yeloboamu wene wasonsile yasimapepo yakwe akuti yapepa apa ncende zyakupepela penepo, apa myamba nu kutumikila tuleza tuluwi tuno walanga wamata, utukoline ni ng'ombe.

2 Milandu 13:8

“Acino fwandi mwemo mwemuno mukalonda ukulwisya uwene uno Yawe umwisikulu watupeela swe amu mupanda wakwe Davidi. Mwatimukwata ivita ivivule ni vyuma nyanya ivyapangwa na zaabu, vino Yeloboamu wapanga ivikoline na ana ya ng'ombe apakuti avino mwapepa.

Neemiya 9:18

Nanti alino yamasile icimumbwa ca ng'ombe, cakwe munyela ni vyela, ale yakuti, ‘Wi ali Leza witu, uwatufumizye umu Eguputo!’ Nanti sile lilyo lyonsi lino yavwanzile amazwi ya misuli cuze kunuli.

Kufuma 20:2

“Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Kufuma 20:23

Mutaipangila tuleza twakwe siluva nanti zaabu kuti mwatupepa pamwi nani.

Kufuma 20:4

“Mutaipangila tuluwi mu unkolanya wa cintu icili consi ca mwiyulu nanti camu nsi nanti camu manzi pansi ya musili.

Kufuma 28:11

Wakwe vino musyanyi akalemba pa vyela vya mutengo avino nawe kwene ukalembe mazina ya ana yakwe Izlaeli pa mawe yaili nga ukike amawe yayo mu vyakwikamo vyakwe zaabu.

Kufuma 28:9

Uleke yatole amawe yaili ya onikisi alino yalembepo mazina ya ana yakwe Izlaeli.

Kufuma 32:1

Lino antu yalola ukuti Mose walengela kwika ku mwamba atawezile, iyakongana kuli Aloni. Alino yamunena yati, “Iza kuno utupangile leza wakuti atutungulula, pamulandu wakuti tutamanyile cino cati ciponela Mose wino uwatutungulwile pa kufuma mu Eguputo.”

Kufuma 32:24

Lyene nani njanena nti, ‘Ali wensi wino akweti amaelena yakwe zaabu alete kunondi.’ Alino yano yakweti amaelena na zaabu iyampeela. Nani njasumbila mu moto, alino impanga unkolanya wa mwana wa ng'ombe.”

Kufuma 32:3

Caleka antu yonsi yazula amaelena yao nga yaleta kuli Aloni.

Kufuma 32:35

Caleka Yawe alenga kuti indwala ipone pa antu yayo pamulandu wakuti yalenzile kuti Aaloni ayapangile unkolanya wa mwana wa ng'ombe.

Kufuma 32:5

Aaloni lino walola vii, apanga kavuwa ku nkolelo ya mwana wa ng'ombe wakwe zaabu. Lyene Aaloni auma imbila ati, “Mutondo kulaya kuzevya kwa kucindika Yawe.”

Kufuma 32:7

Lilyo kwene Yawe anena Mose ati, “Kalaufya, ika ku mwamba swilila pamulandu wakuti antu yako yano watungulwile pa kuyafumya mu Eguputo, yatiyaifya nupya yatiyankana.

Kufuma 32:8

Pakwene yatiyafuma umu nzila ino napiile ilamulo kuti yalondela. Yatiyasungulula zaabu nu kupanga mutepa wa mwana wa ng'ombe. Awino yakupepa nu kupeela impolelwa kunoli. Nupya yakuvwanga yati, ‘Mwe ina Izlaeli, leza witu auwi wino watufumizye mu Eguputo.’ ”

Ezaya 30:22

Utuluwi twinu tuno yapomela na siluva, na tuno yapomelela na zaabu mulatutoola nu kutusumba ungati avino yakasumba usaali, ala mukuti, “Yangini ukutali mwe vintu vya ciwelewele mwe!”

Ezaya 46:6

Antu yamwi yakasapula imifuko yao nga yafukumulamo zaabu, nga yapima siluva pa masikelo. Alino yalemba musyanyi umwi incito, nga nawe ayapangila tuleza utuluwi. Lyene nayo yatufukamila nu kutupepa.

Ezekelo 23:8

Wene atatiile uzelele wakwe uno wacitanga na aina Eguputo, kuno aonsi yalongozyanga nawe ukufuma ku ukazyana wakwe. Yatonyanga mayele ya ukazyana wakwe nu kupuzoka nawe.

Oseya 10:5

Antu aikala mu musumba wa Samaliya yaluvwa intete, nga yalalosya ukononwa kwa unkolanya wa mwana wa ng'ombe, waku Beti Aveni. Yene apali pamwi na yasimapepo yakweo yaya yalalosya leza wao wiyo, pamulandu wakuti ucindami wakwe onsi wasendwa.

Oseya 13:2

Na ndakai kwene yacili yakutwalilila ukwifya. Yakaipangila utuluwi twakwe siluva, amaunkolanya ya vyela yano yapangwa ningo, yano antu yetetwile nu kupanga na makasa yao. Lyene yavwanga yati, “Pelini impolelwa kunoyali, tonsolini utuluwi tuu utwaya mu musango wakwe yacipambasi.”

Milimo 17:29

“Caleka pano sweswe ana yakwe Leza, tutaelenganya vino umwata wakwe Leza ukoline wa ciluwi cakwe zaabu nanti cakwe siluva nanti iwe, icapangwa nu muntu umulamoke.

Milimo 7:41

Lyene yapanga akaluwi mu musango wakwe cipambasi wa ng'ombe, yapela impolelwa kuno kali, nga yacita ni cimulo cakuzevya milimo yaku makasa yao.

1 Kolinto 10:7

nanti kupepa tuluwi ndi vino yamwi munoyali yacisile. Cili ndi vino calembwa mu malembelo cati, “Antu yatenzi pansi kuti yalye nu kumwa pacisila yakatuka nu kucina.”

Malango 9:16

Lyene lino nalolekisye, naweni ukuti mwatimwifya kuli Yawe Leza winu. Mwemo mwaipangile akaluwi mu musango wakwe cipambasi. Mwafutatile zuwazuwa ilamulo lino Yawe wamupeezile.

Yakapingula 8:24

Nupya Gidyoni atwalilila kuyanena ati, “Nkamulenge sile icintu conga. Cila muntu ampeeleko akalielena api sala linu pali vino mwasamfile.” (Amu mupanda wakwe Isumeli yazwalanga amaelena wa antu yauze amu lwanga.)

Yakapingula 8:27

Zaabu kwene wiyo awino Gidyoni wapangileko efodi, nga amuika mu musumba wa Ofula, umusumba wakwe. Aina Izlaeli yonsi iyafutatila Yawe iyatandika ukuya kuku ku kupepa akaluwi kaka. Icintu cii lyene iciya iciteyo kuli Gidyoni na amu ng'anda yakwe.