Kufuma 32:32 - Amazwi Yakwe Leza 2013

³² Lelo ndakai napapata uyelele iifyo lyao. Napapata ndi wakana ukuyelela, lyene ufute izina lyane mu lupapulo luno walembamo mazina ya antu yako.”

Kufuma 32:32 ပူးပေါင်းရင်းမြစ်များ

2 Samueli 18:33

Umwene anyomelwa cuze na malanda. Alino aya ku muputule ukupuzya pa wingililo, nga alila. Lino akupita ale akupunda ati, “Iye umwana wane Abusalomu, umwana wane Abusalomu! Si cange cizipe nene imfwe ukuluta kuti wewe ufwe, we mwana wane Abusalomu, we mwana wane!”

Masamu 139:16

wemo wambweni calimwi lino ntacili mvyalwe, na manda yonsi yalemvilwe nu kupimwa pali nene umu lupapulo lwako. Vyonsi vyalemvilwe nu kupimwa calimwi ala manda yatacili yayepo nanti onga.

Masamu 56:8

Wemo wamanya vino nkacula, ukaiusya na minsozi yane. Uzye kwene vitatantikwa umu lupapulo lwako?

Masamu 69:28

Uleke na mazina yao yafutwe umu lupapulo lwa umi, yatakezye ukuzanwa mumu umwalembwa amazina ya antu yako.

Kufuma 32:10

Caleka ndakai utandesya kuti njonone, pamulandu wakuti nene musoke cuze, lyene wemo na amu mupanda wako ndalenga kuti muye luko lukulu.

Ezaya 4:3

Yao yonsi alasyala umu Zioni, aalapusuka umu Yelusalemu, yalaamwa ukuya asuma umu cumi, yonsi yano yalembwa umu antu aumi amu Yelusalemu.

Ezekelo 13:9

Nkutumpula ikasa lyane nu kukatusya nu kulwisya yakasema ya vya uwelewele. Yatalazumiliziwa ukwiza umwitengo lya yantu yane, yatalalembwa nu mu lupapulo lwakwe ya mwana Izlaeli. Alino mulamanya ukuti nene indi Yawe Simwandalali.

Danieli 12:1

Umungeli uwazwite insalu itelepelele alanda ati, “Apa nsita ilya umungeli mukulu Mikaeli, wiyo akacingilila antu yako, alaloleka. Lyene kulaya insita ya macuzi, iipisye wakwe cimwi ino itatazile iyako ukufuma sile ku kutandika kwa nko ukufika na pilelo kwene. Lelo lino insita ilya ilafika, antu yako yonsi yano amazina yao yalembwa mu lupapulo lwakwe Leza yalatuulwa.

Amosi 7:2

Lino naweni ukuti makanta wilya walya ivimelwa vyonsi vyamu mpanga ilya, imvwanga inti, “We Yawe Simwandalali, si ungala uwelele antu yako! Uzye antu yakwe Yakobo yangaposya uli? Yene anono nupya atembokele.”

Malaki 3:16

Lyene yayo akaoopa Yawe yatandika ukulanzyanya, nga Yawe auvwa kunoyali nu kutezya vino yalandanga. Ulupapulo lwa ciusizyo ilulembwa pa manso yakwe, ulukalanda pali yayo akaoopa Yawe nu kucindika izina lyakwe.

Malaki 3:17

Yawe Wamaka yonsi wavwanga wati, “Antu yayo yalaya akwane. Pa wanda uwo lino ndacita cimwi, yene yalaya akwane kololo. Ndaya na mizu kunoyali ndi vino umukwasi akaya na mizu ku mwanakwe wino akamutumikila.

Mpendwa 11:15

Ndi cakuti ali vino ukulonda uncitile, awe lyene cazipa sile nu kunkoma. Uncitila uluse, ngano utanzunyizye nupya.”

Mpendwa 11:25

Alino Yawe nawe aika umwi kumbi nu kulanda nawe. Ali pakutoola ku mupasi uwali pali Mose, nu kuwika pa ikolo yayo amakumi cinimbali. Lyene lino mupasi wikala panoyali, iyasema. Lelo yatatwalilile pa nsita ntali.

Mpendwa 14:19

Fwandi ndakai, we Yawe, ukulingana nu lukundo kwako ulukulu, napapata elela iifyo lya antu yaa ndi vino wacisile ukutandika sile lino yafumile ku Eguputo kufika na pi lelo kwene.”

Luka 10:20

Lelo mutazanga pano mipasi yankota ikumuyela. Muzange pano mazina inu yalembwa mu lupapulo lwa kwiyulu.”

Luka 23:34

Lyene Yesu avwanga ati, “Tata, uyelele, pano yatamanyile cino yakucita.” Lyene pakwankana vizwalo vyakwe yapendola.

Loma 9:3

Pano ningatemwa kuti intipwilwe pamulandu wao, mpaatulwe na kuli Klistu.

Malango 25:19

Acino lino Yawe Leza winu alamupeela impanga iye iyakwinu nu kumucingilila ku anisi inu yano yamuzinguluka, muce musininkizye ukuti mwakomola aina Amaleke yonsi pyu, pakuti kutakaye nanti umwi uwakwiusya antu yayo nupya. Mutakezye ukwilila cii!

Malango 29:20

Yawe atalelela umuntu uwa musango uwo. Yawe wene alalunkuma panoli ku ukali wakwe, ni vilumbelo ivyalembwa mu lupapulo luu vilamuponela mpaka sile akamulovye nu kumufumya mu mpanga ii.

Malango 9:14

Utezya kundesya, pakuti lyene ningayonona kuti kutaya umwi uwakuiusya pano pansi nupya. Nga lyene wemo ndakucita ukuya uluko lukulu ulwa maka nu kuleka kuti musande ukuyaluta.’

Filipi 4:3

Nawe kwene, we cuza wa cumi pa mulimo witu, nkulonda kuti wazwe yamama yaa. Pano yene yaombisye cuze pamwi nani mukusalanganya Landwe Lisuma, pamwi na Klementi nga na aomvi yanji yonsi yano ndakai mazina yao yalembwa mu lupapulo lwa umi.

Umbwilo 17:8

Cilyanyi cino ukulola, mpiti cali nu umi, lelo ndakai cafwa. Cili pipi nu kufuma mu ciwina caula impela nu kupita ku kononwa. Antu yonsi amu nsi yano mazina yao yatalemvilwe mu lupapulo lwa umi kufuma ku uumbo wa nsi yalazunguka cuze lino yalalola cilyanyi. Yalazunguka pa kulola ukuti cali nu umi nga ndakai cafwa. Lelo cilatutuluka nu kuloleka nupya.

Umbwilo 21:27

Lelo kusi cimwi cikowele cino cilingila mu musumba ukulu, nupya mutalingila umuntu wino akacita vya winyi, nanti akatumpoka. Suka sile yao yano mazina yao yalembwa mu lupapulo lwa Mwana wa Mfwele ulwa umi, ayano yalingilamo.

Umbwilo 22:19

Muntu umwi ndi alasisyako izwi limwi pa mazwi ya usemo amu lupapulo luu, Leza nawe alasisyako ku vizao vino ali nu kupelwa vyaku muti uno ukapeela umi, nga nu kukuma ku musumba ukulu uwamuzilo, ndi vino vyalondololwa mu lupapulo luu.

Umbwilo 3:5

Wiyo alacimvya alazwikwa vizwalo vitiswe wakwe yakwene nga nani ntalafuta zina lyakwe mu lupapulo lwa antu aumi. Pa manso yakwe Tata na angeli yakwe ndalanda paswe ukuti uwakwane.