Kufuma 32:22 - Amazwi Yakwe Leza 2013

²² Aaloni aasuka ati, “Musambazi, utansokela. Wamanya ukuti antu yaa yatemwa ukucita iviipe.

Kufuma 32:22 ပူးပေါင်းရင်းမြစ်များ

Utandiko 44:18

Yuda apalamila kuli Yosefu, nga avwanga ati, “Napapata musambazi, nzumilizye kuti mvwange kunuli mu untungwa. Utasoka pamulandu wane, pano wewe kwene uli wa mwene umwisikulu.

Masamu 36:4

Lino aizi pa musanzi wakwe, ala akwelenganya sile inzila zya lufyengo zitupu. Imisango yakwe isi yampomvu. Wene asifuntuka ku uyi nanti lyonga.

Kufuma 14:11

Yanena Mose yati, “Uzye watuleta kuti twize tufwile muno mu lwanga vwile? Uzye pamulandu wakuti mu Eguputo mutali incende ikulu ya malindi? Lola lyene vino wacita pa kutufumya mu Eguputo.

Kufuma 15:24

Antu yailizyanya kuli Mose nga yamuzya yati, “Uzye ndakai tumamwa cani?”

Kufuma 16:20

Lelo yamwi munoyali yatasakamile vino Mose wavwanzile, iyasunga ivyakulya vimwi kufika katondo. Nga lino kwaca iyalola ukuti vyonsi vyativiola, muli ni ngonyo nupya ala vikununka. Cii cilenga kuti Mose asokele antu.

Kufuma 16:28

Lyene Yawe auzya Mose ati, “Uzye kufika insita cii lino mumakana kuyela malamulo yane?

Kufuma 32:1

Lino antu yalola ukuti Mose walengela kwika ku mwamba atawezile, iyakongana kuli Aloni. Alino yamunena yati, “Iza kuno utupangile leza wakuti atutungulula, pamulandu wakuti tutamanyile cino cati ciponela Mose wino uwatutungulwile pa kufuma mu Eguputo.”

Kufuma 32:21

Lyene auzya Aaloni ati, “Uzye antu kwene yaa yacisile cani kunuli pakuti uyalenge kuti yacite iifyo iliipisye vii?”

Mapinda 4:16

Pano yene pakulala utulo, suka yatala yaifya. Yasilola utulo suka sile yatala yacitapo cimwi iciipe uku muntu.

Malango 31:27

Natimanya ukutalama na ucisanguka wao vino waya. Yene yasangukila Yawe lino nemo ncili nu umi. Nupya mulalusya ukumusangukila pacisila ca mfwa yane.

Malango 9:24

Mwemo mwasangukila Yawe ukufuma sile lino namanyile mwemwe.

Malango 9:7

“Mwaiusya cii nupya mutaca mwilile vino mwalenzile Yawe Leza winu ukusoka mu lwanga. Ukufuma sile pa wanda uno mwafumile mu Eguputo kufika na pa wanda uno mwafisile kuno mwemo mwasangukila Yawe.

1 Samueli 15:15

Saulo aasuka ati, “Asilika yazisenzile ukufuma ku ina Amaleke. Yene yatakomile iviteekwa ivisuma ukuluta umu mfwele ni ng'ombe kuti yavipeele impolelwa kuli Yawe Leza wako. Lelo ivyasyala twavyonona pyu.”

1 Samueli 15:21

Asilika yene iyasenda imfwele ni ng'ombe ukufuma pa visampwe, iyasenda ivisuma ukuluta vino twali nu konona, pakuti yakapele impolelwa kuli Yawe Leza wako ku Giligali.”

1 Samueli 15:24

Lyene Saulo anena Samueli ati, “Natinifya. Nakanyile ukulondela ilamulo lyakwe Yawe na vino wantungulwile. Noofile asilika nga incita vino yalondanga.