Kufuma 32:20 - Amazwi Yakwe Leza 2013

²⁰ Lilyo kwene aya atoola umwana wa ng'ombe wino Aaloni wapanzile aoca, amusungulula amusyunola wa usu, nga amusumbila mu manzi. Alino alenga kuti aina Izlaeli yamwe amanzi kwene yaya.

Kufuma 32:20 ပူးပေါင်းရင်းမြစ်များ

1 Yamwene 15:13

Wafumizye na nyinakulu kwene pa cifulo cakwe namwene, pamulandu wakuti wene wapanzile unkolanya wakwe Asyela. Alino Asa atamola unkolanya uo nu kuoca mu Cifoloma ca Kiduloni.

2 Yamwene 23:15

Yosiya wononyile ni ncende ya kupepela mwenemo utuluwi, iyayelile mu musumba wa Betele, ino Yeloboamu umwana wakwe Nebati wakuuzile. Yeloboamu wiyo uwalenzile ukuti aina Izlaeli yonsi nayo yaifya. Yosiya atamola utuvuwa tonsi, kumwi namawe kwene yano yakuulile ayasyunola nu kuyasyunola. Nupya ayoca kumwi nu lucesi ulu cindame sana luno yaomvyanga apa kupepa Asyela.

2 Yamwene 23:6

Yosiya afumya nu lucesi lucindamisye umu Ng'anda ikulu yakwe Yawe, luno yapepanga apa kucindika Asyela. Nalo kwene alusenda ukunzi ya musumba nu kulutwala uku Cifoloma ca Kiduloni, akuno yaya yalocela. Ni itwi alisansantila apapela ya malindi kuno yakazika umuntu ali wensi.

2 Milandu 34:4

Apela ilamulo ku antu yakwe nga nayo iyatamola tuvuwa twakwe tuleza Tubaali. Aonona nu tuvuwa twakocelapo ubani utwali lwa papela ya tuvuwa tutu twakwe Tubaali, nga asyunola na maunkolanya yakwe Asyela, kumwi nu tuluwi tuze tonsi utwasyala. Ali pakutoola ulukungu lwaviko, nga yalunyungulula nu kuya lunyunya pa ntumba zya antu yano yapeelanga impolelwa kunotuli.

Kufuma 32:21

Lyene auzya Aaloni ati, “Uzye antu kwene yaa yacisile cani kunuli pakuti uyalenge kuti yacite iifyo iliipisye vii?”

Mapinda 1:31

Ale fwandi mulalya vino mwazombwile mweisikulu umu misango inu nu kwikuta amapange inu mweisikulu.

Mapinda 14:14

Umuntu wino atafumaluka wene alapokelela icilambu cakwe ukulingana ni milimo yakwe kwene.

Malango 7:25

Mulinzile ukoca utuluwi twao. Mutaca mwezye kukumbwa nanti ukusenda siluva nanti zaabu wino yakoweka utuluwi tuto. Ndi mwaca mwacita vivyo, ale lyene mungailetelela sile, pamulandu wakuti Yawe wapata ukupepa utuluwi.

Malango 7:5

Acino muce momolole utuvuwa twao, mutamole viumbili vya mawe, nu kuputola incesi zyakwe Asyela, kaleza kanaci, nga nu koca utuluwi twao tonsi.

Malango 9:21

Natoozile ni cintu cicya iciipe, unkolanya wa mwana wa ng'ombe wino mwapanzile ni cela, nga imoca mu moto. Alino lyene imuvungola nu kumusyuta mpaka aya ulukungu nga nsumba lukungu lulo mu kaluzi akapongolokanga kwisika lya mwamba.